తెలంగాణలో క్యాన్సర్‌ అలర్ట్‌.. 10 నిమిషాలకు ఓ కొత్త కేసు!

By Nani Eluri· 14h ago· Sakshi

తెలంగాణలో క్యాన్సర్‌ కేసులు వేగంగా పెరుగుతున్నాయి. ఇండియన్ కౌన్సిల్ ఆఫ్ మెడికల్ రీసెర్చ్, రాజీవ్ ఆరోగ్యశ్రీ హెల్త్‌కేర్ ట్రస్ట్ రిపోర్టుల ప్రకారం.. రాష్ట్రంలో ప్రతి 10 నిమిషాలకు ఓ కొత్త క్యాన్సర్‌ కేసు నమోదవుతోంది. ప్రతి 20 నిమిషాలకు ఒకరు మరణిస్తున్నట్లు రిపోర్టు తెలిపింది. చాలా జిల్లాల్లో కేసులు పెరుగుతున్నాయి. దేశవ్యాప్తంగా పెరుగుదలతో పోలిస్తే, తెలంగాణలో 15 శాతం ఎక్కువగా పెరుగుతున్నాయి. హైదరాబాద్‌లోనూ ఎక్కువ కేసులు వస్తున్నాయి.

More in Health

Health· 5h ago

పిల్లల్లో కెటమైన్‌ వాడకం.. మూత్రాశయానికి దెబ్బ!

బ్రిటన్‌లో ‘కెటమైన్‌’(మత్తుమందు) వాడుతున్న పిల్లల్లో మూత్రాశయం దెబ్బతింటున్న కేసులు పెరుగుతున్నాయి. లివర్‌పూల్‌లోని Alder Hey Hospitalకు 13 ఏళ్ల పిల్లలు కూడా చికిత్సకు వస్తున్నట్లు డాక్టర్లు తెలిపారు. ఎక్కువకాలం దీన్ని వాడితే మూత్రాశయం లోపలి పొర దెబ్బతిని మూత్రంతోపాటు బయటకు రావచ్చని చెప్పారు. కొందరు దీన్ని ‘జెల్లీఫిష్‌ పీయడం’లా ఉందంటున్నారు. తరచూ మూత్రం, నొప్పి, రక్తం, కడుపునొప్పి రావచ్చు. పరిస్థితి ముదిరితే కిడ్నీలు దెబ్బతినే ప్రమాదం ఉంది.

Health· 7h ago

నిరంతర ఒత్తిడితో గుండెపై ప్రభావం.. జాగ్రత్త!

నిత్యం ఉండే మానసిక ఒత్తిడి మనసుకే కాదు.. గుండె ఆరోగ్యంపైనా ప్రభావం చూపొచ్చని నిపుణులు చెబుతున్నారు. ఒత్తిడి సమయంలో గుండె వేగంగా కొట్టుకోవడం, రక్తపోటు పెరగడం వంటి మార్పులు వస్తాయి. ఇది ఎక్కువ కాలం కొనసాగితే గుండె, రక్తనాళాలపై అదనపు భారం పడొచ్చు. పని ఒత్తిడి, ఆర్థిక సమస్యలు, కుటుంబ సమస్యలు వంటి కారణాలతో స్ట్రెస్‌ పెరగకుండా జాగ్రత్తపడాలి. సరైన నిద్ర, వ్యాయామం, ఆరోగ్యకరమైన ఆహారం, విశ్రాంతి తీసుకోవడం ద్వారా ఒత్తిడిని తగ్గించుకోవచ్చు.

Health· 9h ago

హెల్తీ ఫుడ్‌ను ఇలా చూపిస్తే.. టీనేజర్లు ఫిదా!

హెల్తీ ఫుడ్‌ను ఆకర్షణీయంగా చూపిస్తే టీనేజర్లు తినేందుకు ఆసక్తి చూపుతారని ICMR-NIN స్టడీ తెలిపింది. 13 నుంచి 19 ఏళ్లున్న 203 మందిని స్టడీ చేశారు. ఫ్రూట్స్, మిల్లెట్స్, పప్పులు, నట్స్‌ను కలర్‌ఫుల్‌గా, నోరూరించేలా ప్రెజెంట్ చేయడంలో వారిలో తినాలన్న ఇంట్రెస్ట్ పెరిగింది. కలర్, టెక్స్చర్, షేప్, ప్రెజెంటేషన్ టీనేజర్లను ఆకట్టుకున్నాయి. పోషక వివరాలు రాసినా పెద్దగా అడిషనల్ ఎఫెక్ట్ కనిపించలేదు. హెల్తీ ఫుడ్ ప్రమోషన్‌కు ఇది ఉపయోగపడొచ్చని పరిశోధకులు తెలిపారు.

Health· 10h ago

నెయ్యి, కొబ్బరి నూనె వాడుతున్నారా?

నెయ్యి, కొబ్బరి నూనెను వంటల్లో వాడేవారికి చెడు కొలెస్ట్రాల్‌ (Low-Density Lipoprotein) పెరిగే అవకాశం ఎక్కువగా ఉంటుందని Indian Council of Medical Research స్డడీ తెలిపింది. వేరుశెనగ నూనెతో పోలిస్తే వీటిని ప్రధానంగా వాడే వారిలో అధిక LDL వచ్చే ఛాన్స్ 3 రెట్లు ఎక్కువగా ఉన్నట్లు గుర్తించారు. LDL అధికంగా ఉంటే రక్తనాళాల్లో కొవ్వు పేరుకుపోయి గుండె జబ్బుల ముప్పు పెరగొచ్చు. అందుకే నూనె ఎంపిక, పరిమాణంపై శ్రద్ధ అవసరమని పరిశోధకులు సూచిస్తున్నారు.