గ్రామస్తుల తాగునీటి కష్టాలకు త్వరలో చెక్‌!

By GOLLAPALLI SUDHAKAR RAO· 2h ago· Thurpu Boyamadugula, Varikuntapadu, Sri Potti Sriramulu Nellore

నెల్లూరు జిల్లా వాకాడు మండలం కోడివాక గ్రామంలో తాగునీటి సమస్య పరిష్కారానికి ₹.10 లక్షలతో 2.2 కిలోమీటర్ల పైప్‌లైన్ పనులు ప్రారంభించారు. TDP నాయకుడు దువ్వూరు జనార్దన్ రెడ్డి చొరవతో, గూడూరు MLA పాశం సునీల్ కుమార్ సహకారంతో పీఎం ఏజీవై నిధులతో పనులు చేపట్టారు. పనులు పూర్తయితే గ్రామస్తులకు తాగునీటి ఇబ్బందులు తొలగుతాయని జనార్దన్ రెడ్డి తెలిపారు. ఈ సందర్భంగా MLA, TDP నాయకుడికి గ్రామస్థులు కృతజ్ఞతలు తెలిపారు.

More in Local

Local· just now

జాతర క్యాష్ మాయం.. రూ.4 లక్షలు!

విజయవాడకు చెందిన వ్యాపార దంపతులు నాగమణి, శ్రీనివాసరావు నెల్లూరు జిల్లాలోని వెంకటగిరి పోలేరమ్మ జాతరలో పది రోజులు ఎలక్ట్రానిక్ వస్తువులు అమ్మారు. సంపాదించిన రూ.4 లక్షలకు పైగా నగదుతో ఈ నెల 8న ట్రక్ ఆటోలో విజయవాడకు బయలుదేరారు. మధ్యాహ్నం వెంకటాచలం పరిధిలో భోజనం కోసం ఆటో ఆపారు. ఐదు నిమిషాల్లో తిరిగి వచ్చేసరికి నగదు మాయం. చిల్లర మాత్రం ఉంది. పోలీసులను ఆశ్రయించినా ఫిర్యాదుపై స్పష్టత లేదని బాధితులు ఆవేదన వ్యక్తం చేశారు. తమకు న్యాయం చేయాలని కోరుతున్నారు.

Local· 3m ago

మాంట్ ఫోర్ట్ స్కూల్లో బతుకమ్మ సంబరాలు!

ఖమ్మం టౌన్ గుట్టల బజార్ ఏరియాలోని మాంట్ ఫోర్ట్ హైస్కూల్లో బతుకమ్మ పండుగ ఘనంగా జరిగింది. తెలంగాణ సాంస్కృతిక ప్రతీక అయిన ఈ పండుగను శుక్రవారం సంప్రదాయబద్ధంగా నిర్వహించారు. పాఠశాల ఆవరణమంతా పూలతో అలంకరించారు. తల్లిదండ్రులు, ఉపాధ్యాయులు, విద్యార్థినులు రంగురంగుల దుస్తుల్లో పాల్గొన్నారు. ఈ కార్యక్రమంలో వైస్ ప్రిన్సిపాల్ బ్రదర్ జోష్, ఉపాధ్యాయులు, విద్యార్థులు, తల్లిదండ్రులు పెద్ద సంఖ్యలో పాల్గొన్నారు.

Local· 7m ago

ఆటో బోల్తా.. క్షతగాత్రులను ఆసుపత్రికి తరలించిన GGC చైర్మన్!

అల్లూరి సీతారామరాజు జిల్లా డుంబ్రిగూడ మండలం పొతంగి పంచాయతీ బీజమర గ్రామ సమీపంలో ఆటో బోల్తా పడింది. ఈ ప్రమాదంలో పలువురు గాయపడ్డారు. అదే మార్గంలో వెళ్తున్న GGC చైర్మన్ కిడారి శ్రావణ్ కుమార్ వెంటనే స్పందించారు. అంబులెన్స్ ఆలస్యమవడంతో.. తన అనుచరుల సహాయంతో క్షతగాత్రులను అరకులోని ఆసుపత్రికి తరలించేలా చర్యలు చేపట్టారు. ఆయన చొరవను స్థానికులు అభినందించారు.

▶

Local· 7m ago

హనుమాన్ జెండా ఉత్సవం.. ట్రాఫిక్ ఆంక్షలు

గూడూరులో హనుమాన్ జెండా ఉత్సవం నేపథ్యంలో పోలీసులు ట్రాఫిక్ ఆంక్షలు విధించారు. సాయంత్రం 5 గంటల తర్వాత అత్యవసర వాహనాలు మినహా బైక్‌లు, కార్లను పట్టణంలోకి అనుమతించరు. చిల్లకూరు, బొగ్గులదిబ్బ వైపు నుంచి వచ్చే వాహనాలను నిలిపివేసి, ఇతర వాహనాలను సాధుపేట, బనిగిసాహెబ్ పేట, వై జంక్షన్ మీదుగా హైవేకు మళ్లించనున్నారు. ప్రజలు పోలీసుల సూచనలు పాటించాలని, ఉత్సవాల నిర్వహణకు ముందస్తు అనుమతి తీసుకోవాలని అధికారులు కోరారు.