రాపిడో రైడర్‌గా MLC తీన్మార్ మల్లన్న

By DK· 26 Jul 2026· హైదరాబాద్

TG: హైదరాబాద్‌లో MLC, తెలంగాణ రాజ్యాధికార పార్టీ రాష్ట్ర అధ్యక్షుడు తీన్మార్ మల్లన్న వినూత్నంగా రాపిడో రైడర్‌గా మారారు. నగరంలో ఓ ప్రయాణికుడు రాపిడో బుక్ చేసుకోగా, స్వయంగా బైక్‌పై వెళ్లి అతడిని పికప్ చేసి ఇంటి వద్ద దింపారు. ప్రయాణం ముగిసిన తర్వాత హెల్మెట్, మాస్క్ తొలగించడంతో కస్టమర్ ఆశ్చర్యపోయి మల్లన్నను గుర్తించాడు. రాపిడో రైడర్ల కష్టాలు, సమస్యలు ప్రత్యక్షంగా తెలుసుకోవడం, వారి జీవన పరిస్థితులను అర్థం చేసుకోవడానికే ఈ ప్రయోగం చేసినట్లు ఆయన తెలిపారు.

More in Politics

Politics· 11h ago

పేరెంట్స్ కఠిన వైఖరి.. పిల్లల స్కూల్‌ హాజరుపై ప్రభావం!

తల్లిదండ్రులు పిల్లలతో కఠినంగా వ్యవహరించడం, ఇంట్లో సరైన రోజువారీ అలవాట్లు లేకపోవడం వల్ల స్కూల్‌కు ఆబ్సెంట్స్ పెరిగే ప్రమాదం ఉందని ఐర్లాండ్‌ ESRI రిపోర్టు తెలిపింది. 9 నుంచి 13 ఏళ్ల పిల్లలపై ఈ స్టడీ చేశారు. పిల్లలు రాత్రి 11 తర్వాత నిద్రపోవడం, తరచూ టిఫిన్‌ మానేయడం, ఫ్యామిలీ ప్రాబ్లమ్స్, పేరెెంట్స్ గొడవలు.. పిల్లలపై ప్రభావం చూపుతున్నట్లు గుర్తించారు. స్కూల్‌పై ఆసక్తి లేకపోవడం, తోటి పిల్లల వేధింపులు, ఆర్థిక ఇబ్బందులు కూడా ఆబ్సెంట్స్ పెరగడానికి కారణాలని స్టడీ తెలిపింది.

ఈ ఆశా వర్కర్ మాటల్లో ఎన్ని నిజాలున్నాయో వినండి!

▶

Politics· 12h ago

ఈ ఆశా వర్కర్ మాటల్లో ఎన్ని నిజాలున్నాయో వినండి!

ప్రభుత్వాలకు తెలియని, అర్థంకాని పల్లెల వాస్తవ పరిస్థితుల్ని ఈ మహబూబ్ నగర్ జిల్లా ఆశా వర్కర్ ఎంత పవర్ఫుల్ విశ్లేషించి చెప్పారో వినండి. జీతాలు పెంచాలనీ, సమస్యలు పరిష్కరించాలనీ తెలంగాణలో ఆశావర్కర్లు ఆందోళన చేస్తున్నారు. వాళ్ల ప్రధాన డిమాండ్ కాన్పుల్ని టార్గెట్ తీసెయ్యాలి అని. కారణం పల్లెల్లో కాన్పులే జరగట్లేదు. ఈమె మాటలు విన్న తర్వాత మీకు అభిప్రాయం కామెంట్ చెయ్యండి.

Politics· 1d ago

వేలాలలో కమ్యూనిటీ కాంటాక్ట్ కార్యక్రమం

మంచిర్యాల జిల్లా జైపూర్ మండలం వేలాల గ్రామంలో జైపూర్ పోలీసులు కమ్యూనిటీ కాంటాక్ట్ కార్యక్రమం నిర్వహించి ప్రజలకు పలు అంశాలపై అవగాహన కల్పించారు. మహిళల భద్రత, సైబర్ మోసాల నివారణ, సోషల్ మీడియా భద్రత, ట్రాఫిక్ నిబంధనలు, డయల్-112 సేవలు, గంజాయి, ఇతర మాదకద్రవ్యాల నిర్మూలనపై వివరించారు. గ్రామంలోని ఇళ్లను, వాహనాలను తనిఖీ చేయగా సరైన ధ్రువపత్రాలు లేని 62 బైకులు, 5 ఆటోలు, ఒక కారు, ఒక ట్రాక్టర్‌ను స్వాధీనం చేసుకున్నారు. వినాయక చవితి ఉత్సవాలు, శోభాయాత్ర ప్రశాంతంగా జరిగేలా సహకరించాలని కోరారు.

Politics· 1d ago

హైదరాబాద్‌లో ముస్లింవాద సాహిత్య సదస్సు

ముస్లింవాద సాహిత్య సదస్సు సెప్టెంబర్ 19, 20న హైదరాబాద్‌.. కోఠి లోని శ్రీకృష్ణదేవరాయ తెలుగు భాషానిలయంలో జరుగుతుంది. తొలి సభ 19న ఉదయం 10 గంటలకు ప్రారంభమవుతుంది. ముఖ్య అతిథిగా ఖాదర్ మొహియుద్దీన్ హాజరవుతారు. సయ్యద్ ఖుర్రీద్ ఆహ్వానిస్తుండగా.. సైబాజి దీనికి అధ్యక్షత వహిస్తున్నారు. ఈ సదస్సులో ముస్లింవాద కవితలు, సంఘీభావ కవి సమ్మేళనం, పాటలు వినిపిస్తారు. దాక్టర్ నామోజు బాలాచారి, జాపాక సుభద్ర వంటి ప్రముఖులు పాల్గొంటారు. ఈ సదస్సు ముస్లిం సాహిత్యం, దేశభక్తి, సామాజిక అంశాలపై చర్చలకు వేదికగా నిలుస్తుంది.