తండ్రీకొడుకులకు భారత్ కళా పురస్కార్

By Srikanth Goud· 2h ago· Jagitial, Jagitial, Jagitial

జగిత్యాల జిల్లా ధర్మపురికి చెందిన ఫొటోగ్రాఫర్ వడ్లూరి రవీందర్, ఆయన కుమారుడు సాత్విక్ వడ్లూరికి భారత్ కళా పురస్కార్ అవార్డులు లభించాయి. రంగారెడ్డి జిల్లా శంషాబాద్‌లోని ఎస్‌ఎస్ కన్వెన్షన్ హాల్‌లో ఫొటో పరివార్ ఇండియా ఆధ్వర్యంలో నిర్వహించిన ఫొటో ట్రేడ్ షోలో వారు అవార్డులు అందుకున్నారు. రవీందర్‌కు బెస్ట్ ట్రెడిషనల్ ఫొటోగ్రాఫర్‌గా, సాత్విక్‌కు బెస్ట్ క్యాండిడేట్ ఫొటోగ్రాఫర్‌గా పురస్కారాలు దక్కాయి. ఒకే వేదికపై తండ్రీకొడుకులు అవార్డులు అందుకున్నారు.

More in Local

Local· 1m ago

సోమిరెడ్డిని కలిసిన ఆటో యూనియన్ నాయకులు

గుంటూరు జిల్లాలో వైసీపీ మంగళగిరి నియోజకవర్గ సమన్వయకర్తగా బుర్రముక్కు వేణుగోపాల సోమిరెడ్డి నియమితులైన సందర్భంగా AIIMS ఆటో యూనియన్ నాయకులు ఆయనను మర్యాదపూర్వకంగా కలిశారు. వడ్డేశ్వరం, కొలనుకొండ, సిమెంట్ ఫ్యాక్టరీ ప్రాంతాలకు చెందిన ఆటో యూనియన్ నాయకులు మంగళగిరిలోని నియోజకవర్గ కార్యాలయానికి చేరుకుని వేణుగోపాల సోమిరెడ్డికి అభినందనలు తెలిపారు. ఈ సందర్భంగా నియోజకవర్గంలో ఆటో డ్రైవర్లు, కార్మికులు ఎదుర్కొంటున్న సమస్యలపై చర్చించారు.

Local· 5m ago

11న APWJF పల్నాడు జిల్లా ప్రథమ మహాసభ

పల్నాడు జిల్లా దాచేపల్లిలో APWJF గురజాల నియోజకవర్గ సమావేశం నిర్వహించారు. సమావేశానికి APWJF రాష్ట్ర ఉపాధ్యక్షులు BN ప్రసాద్ ముఖ్యఅతిథిగా హాజరయ్యారు. ఈ నెల 11న నిర్వహించనున్న APWJF పల్నాడు జిల్లా ప్రథమ మహాసభను విజయవంతం చేయాలని పిలుపునిచ్చారు. జిల్లాలోని APWJF సభ్యులు, జర్నలిస్టులు పెద్దసంఖ్యలో హాజరై సభను విజయవంతం చేయాలని కోరారు. మహాసభకు జిల్లా మంత్రి, MLAలు, మాజీ MLAలు, కలెక్టర్, SPతో పాటు ప్రజాప్రతినిధులు, అధికారులు హాజరుకానున్నట్లు తెలిపారు.

Local· 7m ago

MLC ఓటు నమోదుపై అవగాహన సదస్సు

వరంగల్ తూర్పు నియోజకవర్గంలో గ్రాడ్యుయేట్స్ MLC ఎన్నికల ఓటు నమోదుపై BRS ఆధ్వర్యంలో అవగాహన సదస్సు నిర్వహించారు. మాజీ MLA నన్నపనేని నరేందర్ ఆధ్వర్యంలో రాజశ్రీ గార్డెన్స్‌లో జరిగిన కార్యక్రమంలో రాష్ట్ర నాయకుడు రాకేష్‌రెడ్డితో పాటు పార్టీ శ్రేణులు, పలువురు గ్రాడ్యుయేట్స్ పాల్గొన్నారు. MLC ఎన్నికల్లో ఓటు హక్కు వినియోగించుకునేందుకు అర్హులైన గ్రాడ్యుయేట్స్ తప్పనిసరిగా ఓటరుగా నమోదు చేసుకోవాలని నాయకులు సూచించారు.

Local· 9m ago

ఉపాధ్యాయుడి కుటుంబానికి ఆరులక్షల సాయం

సూర్యాపేట జిల్లా మునగాల మండల కేంద్రంలోని తెలంగాణ స్టేట్ మోడల్ స్కూల్‌లో PGT (ఇంగ్లీష్)గా పనిచేసిన తెలంగాణ రాష్ట్ర ఐక్య ఉపాధ్యాయ ఫెడరేషన్ కార్యకర్త కొండేటి సైదులు ఇటీవల అనారోగ్యంతో మృతి చెందారు. ఆయన కుటుంబానికి ఫెడరేషన్ కుటుంబ సంక్షేమ నిధి పథకం కింద 6లక్షల చెక్కును రాష్ట్ర అధ్యక్షుడు చావా రవి అందజేశారు. మునగాల తెలంగాణ మోడల్ స్కూల్‌లో నిర్వహించిన సంతాప కార్యక్రమంలో సైదులు సతీమణి నాగలక్ష్మికి చెక్కును అందించారు.