19 అడుగుల కొండచిలువతో ఫైట్.. వైరల్ వీడియో!

By Mahesh· 1d ago· Instagram

19 అడుగుల భారీ కొండచిలువతో ఫైట్ చేసి చివరికి ప్రాణాలతో బయటపడ్డాడు. అమెరికా సోషల్ మీడియా ఇన్‌ఫ్లుయెన్సర్ మైక్ హోల్స్టన్ అలియాస్ ‘ది రియల్ టార్జాన్’ <a href="https://www.instagram.com/reels/DeYaOb6B1sL/">వీడియో ఇప్పుడు సోషల్ మీడియాలో</a> వైరల్ అవుతోంది. దాదాపు 90 కిలోల బరువున్న కొండచిలువను కంట్రోల్ చేయబోయిన మైక్‌ను పాము చుట్టేసింది. కాళ్లు, నడుము చుట్టూ బలంగా బిగించి ఊపిరాడకుండా చేసింది. చివరికి ఎంతో కష్టపడి దాని పట్టు నుంచి తప్పించుకున్నాడు. ఈ ఫైట్ తన జీవితంలోనే అత్యంత ప్రమాదకరమైనదని మైక్ చెప్పాడు.

More in Viral

▶

Viral· 4h ago

పండ్లు, కూరగాయలతో దుర్గమ్మ కళాకృతి

ఒడిశాలోని పూరి సముద్ర తీరంలో ప్రముఖ ఇసుక కళాకారుడు, పద్మశ్రీ అవార్డు గ్రహీత సుదర్శన్ పట్నాయక్ పండ్లు, కూరగాయలతో దుర్గమ్మ కళాకృతిని రూపొందించారు. సుమారు 8 టన్నుల ఇసుకతో 10 అడుగుల ఎత్తులో ఈ కళాకృతిని ఐదు గంటల్లో తయారు చేశారు. 22 రకాల కూరగాయలు, 10 రకాల పండ్లను ఉపయోగించి దుర్గాపూజ శుభాకాంక్షలు తెలిపారు. ఆయన ఇసుక కళా సంస్థకు చెందిన విద్యార్థులు కూడా ఈ కళాకృతి తయారీలో పాల్గొన్నారు. ఈ ప్రత్యేక రూపం పర్యాటకులను ఆకట్టుకుంది.

▶

Viral· 20h ago

CCTVలో షాకింగ్ సీన్

హర్యానాలోని పానిపట్‌లో ఓ 8 ఏళ్ల బాలుడు నడుస్తూ ప్రమాదవశాత్తూ మూతలేని డ్రైన్‌లో పడిపోయాడు. అక్కడే ఉన్న ఓ వ్యక్తి వెంటనే స్పందించి బాలుడిని బయటకు తీశాడు. ఈ ఘటన CCTVలో రికార్డైంది. అయితే, అదే రోడ్డుపై నెల రోజుల క్రితం ఓ మహిళ కూడా డ్రైన్‌లో పడిపోయినట్లు సమాచారం, అయినా డ్రైన్‌కు మూతలు లేకపోవడం, రోడ్డుపై బురద ఉండటంపై స్థానికుల భద్రతపై ఆందోళనలు వ్యక్తమవుతున్నాయి. మరో ప్రమాదం జరిగితేనే మేల్కొంటారా? అంటూ స్థానికులు ఆగ్రహం వ్యక్తం చేస్తున్నారు.

Viral· 1d ago

రష్యన్ యువతి ప్రేమకథ.. అంతా ఫేక్

రష్యన్ యువతి ఓ భారతీయ యువకుడిని ప్రేమించి, అతని కోసం వచ్చేసిందని ఈ మధ్య సోషల్ మీడియాలో ఓ <a href="https://www.theclearcutnews.com/n/3sZUsVr">విషయం </a>వైరల్ అయ్యింది. చాలామంది దీని గురించి కామెంట్ చేశారు. అయితే అదంతా ఫేక్ అని తేలింది. వీడియోలో ఉన్న యువతిది రష్యా కాదు, యూకే. ఆమె పేరు ఆండ్రియా కొనాలీ. ఆమె SHIVIA అనే అంతర్జాతీయ NGO తరఫున, బీహార్‌లో మహిళల స్వయం ఉపాధి కార్యక్రమాల కోసం పని చేస్తున్నారు. గ్రామస్తులు ఆమెకు స్వాగతం పలికిన వీడియోను కొందరు తమ వ్యూస్ కోసం తప్పుడు ప్రేమకథగా మార్చేశారు.

▶

Viral· 2d ago

రోడ్లపై రంగులెందుకు? కోల్‌కతాలో చర్చ!

దుర్గాపూజ సందర్భంగా కోల్‌కతాలోని గరియాహాట్ ఫ్లైఓవర్‌పై వేసిన పెయింట్ వివాదానికి దారితీసింది. వర్షం పడిన టైంలో రోడ్డు జారడంతో బైకర్లు అదుపుతప్పి కిందపడిన వీడియో వైరల్‌గా మారింది. పెయింట్ వల్లే ప్రమాదాలు జరుగుతున్నట్లు గుర్తించడంతో సివిక్ బాడీ దాన్ని తొలగిస్తోంది. రోడ్లపై అసలు రంగులు వేయడం ఎందుకంటూ.. ఫ్లైఓవర్ల అందం కోసం వేసిన రంగులే వాహనదారుల భద్రతకు ముప్పుగా మారడంతో ఈ ఘటన చర్చనీయాంశమైంది.