పోలీస్ స్టేషన్‌లో ప్రత్యేక పూజలు

By Naresh Kumar· 4h ago· Vikarabad

విజయదశమి సందర్భంగా బషీరాబాద్ పోలీస్ స్టేషన్ ఆవరణలో మంగళవారం ప్రత్యేక పూజలు నిర్వహించారు. స్టేషన్ హౌస్ ఆఫీసర్ విఠల్ ఆధ్వర్యంలో జరిగిన ఈ కార్యక్రమంలో పోలీస్ సిబ్బంది, స్థానికులు భక్తిశ్రద్ధలతో పాల్గొన్నారు. చెడుపై మంచి సాధించిన విజయానికి దసరా ప్రతీక అని, ప్రజలంతా పండుగను ప్రశాంతంగా, ఐక్యతతో జరుపుకోవాలని పోలీసులు సూచించారు. కార్యక్రమంలో జమిందార్ లోక్య నాయక్, అనిల్, నర్సింలు, ఫెరోస్ తదితరులు పాల్గొన్నారు.

More in Local

Local· 4m ago

ఆయుధపూజ.. ఘనంగా నిర్వహణ

ఖమ్మం జిల్లా పోలీస్ కమిషనరేట్ పరిధిలోని సిటీ అర్ముడ్ రిజర్వ్డ్ పోలీస్ హెడ్‌క్వార్టర్స్‌లో విజయదశమి సందర్భంగా ఆయుధపూజ ఘనంగా జరిగింది. పోలీస్ కమిషనర్ సునీల్ దత్ పాల్గొని ఆయుధాలు, వాహనాలకు సంప్రదాయబద్ధంగా ప్రత్యేక పూజలు చేశారు. ప్రజల రక్షణ, శాంతిభద్రతల పరిరక్షణకు ప్రతీకగా ఈ పూజ నిర్వహించారు. అధికారులు, సిబ్బందికి విజయదశమి శుభాకాంక్షలు తెలిపారు. అంకితభావంతో విధులు నిర్వహించాలని సూచించారు.

Local· 5m ago

నేలకొండపల్లిలో దేవాలయ ప్రారంభోత్సవం

ఖమ్మం జిల్లా నేలకొండపల్లి మండలం మంగాపురంతండాలో బొడ్రాయి ప్రతిష్ట, సేవాలాల్, మేరమ్మ యాడి దేవాలయ ప్రారంభోత్సవం జరిగింది. రెవెన్యూ, గృహ నిర్మాణ శాఖ మంత్రి పొంగులేటి శ్రీనివాసరెడ్డి పాల్గొన్నారు. క్యాంప్ కార్యాలయం ఇంచార్జీ తుంబురు దయాకర్ రెడ్డి, మండల కాంగ్రెస్ పార్టీ అధ్యక్షుడు కొడాలి గోవిందరావు, గ్రామ సర్పంచ్, ఇతర సర్పంచులు, ఉపసర్పంచులు, వార్డు మెంబర్లు, మాజీ MPTCలు, పార్టీ నాయకులు, కార్యకర్తలు, అభిమానులు హాజరయ్యారు.

Local· 6m ago

కాళేశ్వరం అడ్డుపెట్టి సీఎం రాజకీయాలా?

కరీంనగర్ మండలం మొద్దుంపూర్‌లో ఎస్సారెస్పీ ప్లీడర్ ఛానల్ కాలువ నీటిపై ఆధారపడ్డ ఆయకట్టు పంటలు ఎండిపోయాయి. ఈ పరిస్థితిని తెలంగాణ రక్షణ సేన అధ్యక్షురాలు కల్వకుంట్ల కవిత సోమవారం పరిశీలించారు. రైతులతో మాట్లాడుతూ కాళేశ్వరం ప్రాజెక్టు అడ్డుపెట్టుకుని సీఎం రాజకీయాలు చేస్తున్నారని విమర్శించారు. ప్రాజెక్టు ఫెయిల్ అయిందా పాస్ అయిందా అనేది పక్కన పెడితే రైతులను కాపాడే బాధ్యత ప్రభుత్వానికి లేదా అని ప్రశ్నించారు.

Local· 7m ago

జడ్చర్లలో రావణ దహనానికి సీఎం రేవంత్ రెడ్డి

మహబూబ్‌నగర్ జిల్లా జడ్చర్ల మున్సిపాలిటీలో ఎమ్మెల్యే జనంపల్లి అనిరుధ్ రెడ్డి ఆధ్వర్యంలో దసరా ఉత్సవాలు జరుగుతున్నాయి. ఈ వేడుకలకు ముఖ్యమంత్రి రేవంత్ రెడ్డి నేడు రాత్రి 7 గంటలకు ముఖ్య అతిథిగా హాజరుకానున్నారు. B.R. డిగ్రీ కళాశాల మైదానంలో రావణ దహనం, డ్రోన్ షో కార్యక్రమాలు నిర్వహిస్తున్నారు. ఈ ఉత్సవాలకు నియోజకవర్గ ప్రజలు కుటుంబ సమేతంగా పెద్ద సంఖ్యలో తరలివచ్చి విజయవంతం చేయాలని నిర్వాహకులు కోరారు.