ప్రజల్లో భయం కాదు.. భరోసా కల్పించాలి: హోంమంత్రి

By epuri rajaratnam· 15h ago· Guntur (R), Guntur West, Guntur

గుంటూరు జిల్లా మంగళగిరిలోని AP Police 6వ బెటాలియన్‌లో 149 మంది 2025–26 బ్యాచ్‌ కానిస్టేబుళ్ల పాసింగ్‌ అవుట్‌ పరేడ్‌ నిర్వహించారు. ఈ సందర్భంగా నూతన కానిస్టేబుళ్ల స్టైపెండ్‌ను రూ.4,500 నుంచి రూ.12,500కు పెంచుతున్నట్లు హోంమంత్రి వంగలపూడి అనిత ప్రకటించారు. విధుల్లో క్రమశిక్షణ, నిజాయితీ, మానవత్వాన్ని పాటించాలని సూచించారు. ప్రజల్లో భయం కాకుండా భరోసా కలిగించేలా సేవలందించాలని, సైబర్‌ నేరాలను సమర్థంగా ఎదుర్కొనేందుకు టెక్నికల్ స్కిల్స్ పెంచుకోవాలని నూతన కానిస్టేబుళ్లకు సూచించారు.

More in AP

AP· 8h ago

APలో పెరిగిన బియ్యం ధరలు.. కారణాలు?

AP: రాష్ట్రంలో బియ్యం ధరలు భారీగా పెరుగుతున్నాయి. మే-జూన్‌లో విజయవాడలో 26 కిలోల బస్తా 1,400 రూపాయలలోపే ఉండగా, ఆగస్టులో 1,600కి, సెప్టెంబర్ మూడో వారంలో 1,750కి చేరింది. ఫైన్ రైస్ కిలో 70 నుంచి 73 రూపాయల వరకు పలుకుతోంది. ఎల్‌నినో ఎఫెక్ట్, ఖరీఫ్‌లో వరి సాగు తగ్గడం, డిమాండ్ పెరగడం రేట్లు పెరగడానికి కారణాలుగా చెబుతున్నారు. మరోవైపు లోకల్ ఎన్నికల ఖర్చుల ప్రభావం కూడా ఉందన్న ఆరోపణలున్నాయి. రేషన్ బియ్యం అక్రమ రీసైక్లింగ్‌పై కూడా ఫోకస్ పెరిగింది.

▶

AP· 9h ago

AI డేటా సెంటర్ కోసం.. ముడసర్లోవ సైట్‌!

విశాఖలో గూగుల్ డేటా సెంటర్ కోసం సింహాచలం కొండ దగ్గర్లో ముడసర్లోవ సైట్‌ను పూర్తిగా క్లియర్ చేశారని ‘స్టాప్ వైజాగ్ డేటా సెంటర్స్’ ఇన్‌స్టా పోస్ట్ వెల్లడించింది. "AP ప్రభుత్వం సింహాచలం దేవస్థానం భూమి 160 ఎకరాలను.. అదాని, గూగుల్ పార్ట్‌నర్‌షిప్‌తో వచ్చే 15 బిలియన్ డాలర్ల AI హబ్‌కు లీజుకు ఇచ్చింది. ఈ ప్రాజెక్టు వల్ల నీటి వనరులు, పర్యావరణం, వన్యప్రాణుల సంరక్షణపై ఆందోళనలు ఉన్నాయి" అని సిటిజన్లు, పర్యావరణవేత్తలు నిరసనలు వ్యక్తం చేస్తున్నారు.

AP· 9h ago

ఉత్తరాంధ్రకు Flash Flood అలర్ట్: IMD

AP: బంగాళాఖాతంలో ఏర్పడిన వాయుగుండం ఎఫెక్ట్‌తో ఉత్తరాంధ్రకు IMD హై అలర్ట్ జారీ చేసింది. వాయుగుండంగా బలపడి, పశ్చిమ-వాయువ్య దిశగా కదులుతూ రేపు అర్ధరాత్రి కళింగపట్నం వద్ద తీరం దాటే ఛాన్స్ ఉంది. శ్రీకాకుళం, విజయనగరం, మన్యం జిల్లాలకు రెడ్ అలర్ట్, 6 జిల్లాలకు ఫ్లాష్ ఫ్లడ్ అలర్ట్ ఇచ్చారు. పోర్టులకు 3వ నంబర్ ప్రమాద హెచ్చరిక ఇచ్చారు. నాలుగు రోజులు మత్స్యకారులు వేటకు వెళ్లొద్దని, ప్రజలు ఎమర్జెన్సీ ఇతే తప్ప బయటకు రావొద్దని అధికారులు అలర్ట్ చేశారు.

AP· 10h ago

డిగ్రీ ఉన్నా జాబ్ రావట్లేదు: FOI

AP: రాష్ట్రంలో యూత్ అన్ఎంప్లాయ్మెంట్ రేటు 16.2 శాతంగా ఉందని ‘ఫ్యూచర్ ఆఫ్ ఇండియా’ సర్వే తెలిపింది. స్కూల్ పూర్తి చేసిన వారిలో నిరుద్యోగం మూడు శాతం, గ్రాడ్యుయేషన్ చేసిన వారిలో 41 శాతంగా ఉంది. యూత్‌లో ఎడ్యుకేషన్, స్కిల్స్, ఎంప్లాయ్మెంట్ ఛాన్సెస్ పెంచాల్సిన అవసరం ఉందని సర్వే సూచించింది. రాష్ట్ర యూత్ పవర్ స్కోర్ 45.3గా నమోదైంది. మరోవైపు ఇంటర్నెట్ యూసింగ్ లో మహిళల శాతం 21 నుంచి 64 శాతానికి పెరిగింది. దేశంలో ఇదే అత్యధిక పెరుగుదలగా సర్వే పేర్కొంది.