ప్రమాదాల నివారణకు రేడియం స్టిక్కర్లు

By syed joharulla· 1h ago· Cumbum (Ct), Cumbum, Markapuram

AP: ప్రకాశం జిల్లా కంభం పట్టణంలోని NH-544 పై ప్రమాదాల నివారణకు పోలీసులు చర్యలు చేపట్టారు. ప్రమాదకరంగా ఉన్న “U” టర్న్‌ వద్ద కంభం మండలం ఎస్సై శివకృష్ణారెడ్డి ఆధ్వర్యంలో రేడియం స్టిక్కర్లు ఏర్పాటు చేశారు. రాత్రివేళల్లో టర్న్‌ స్పష్టంగా కనిపించేలా స్టిక్కర్లను అమర్చారు. వాహనదారులను ముందుగానే అప్రమత్తం చేసి, వేగాన్ని తగ్గించేలా చేయడమే లక్ష్యమని ఎస్సై శివకృష్ణారెడ్డి తెలిపారు. రేడియం స్టిక్కర్లతో ప్రమాదాల నివారణకు అవకాశం ఉంటుందని చెప్పారు. కార్యక్రమంలో పోలీస్ సిబ్బంది పాల్గొన్నారు.

More in Local

Local· 12m ago

పర్యావరణ పరిరక్షణ కోసం Run for Nature

TG: సంగారెడ్డి జిల్లా పటాన్‌చెరులో MDR ఫౌండేషన్ ఆధ్వర్యంలో “రన్ ఫర్ నేచర్” 3K రన్ ఉత్సాహభరితంగా నిర్వహించారు. ORR బైపాస్‌పై కార్యక్రమానికి ఎమ్మెల్యే గూడెం మహిపాల్ రెడ్డి ముఖ్యఅతిథిగా హాజరై జెండా ఊపి 3K రన్‌ను ప్రారంభించారు. పర్యావరణ పరిరక్షణ, స్వచ్ఛమైన గాలి, పచ్చదనం పెంపొందించడంపై ప్రజల్లో అవగాహన కల్పించడమే లక్ష్యంగా రన్ నిర్వహించారు. MDR ఫౌండేషన్ కో-ఫౌండర్ మాదిరి పృథ్వీరాజ్ నేతృత్వంలో కార్యక్రమం జరిగింది. నాయకులు, ఫౌండేషన్ సభ్యులు, సాఫ్ట్‌వేర్ ఉద్యోగులు, తదితరులు పాల్గొన్నారు.

Local· 17m ago

కాంగ్రెస్ వెయ్యి రోజుల పాలనపై BRS నిరసన

TG: నిర్మల్ జిల్లా ఖానాపూర్ నియోజకవర్గంలో కాంగ్రెస్ ప్రభుత్వ వెయ్యిరోజుల పాలనపై BRS నిరసన చేపట్టింది. కడెం పట్టణంలో నియోజకవర్గ ఇంచార్జ్ జాన్షన్ నాయక్ ఆధ్వర్యంలో ప్రధాన వీధులు, మార్కెట్ ఏరియాలో భారీ ర్యాలీ నిర్వహించి కాంగ్రెస్ బాకీ కార్డులను ప్రజలకు పంపిణీ చేశారు. జాన్షన్ నాయక్ మాట్లాడుతూ.. కాంగ్రెస్ ప్రభుత్వం ప్రజలను మోసం చేసిందని విమర్శించారు. ఆరు గ్యారంటీల పేరుతో ఇచ్చిన హామీలు ఏమయ్యాయని ప్రశ్నించారు. మహిళలకు తులం బంగారం, విద్యార్థులకు స్కూటీల హామీలు ఎక్కడ అమలయ్యాయని ప్రభుత్వాన్ని నిలదీశారు.

Local· 29m ago

కన్యకా పరమేశ్వరి ఆలయ కమిటీ ప్రమాణ స్వీకారం

AP: పల్నాడు జిల్లా పిడుగురాళ్ల పట్టణంలోని వాసవి కన్యకా పరమేశ్వరి అమ్మవారి దేవస్థాన నూతన కమిటీ ప్రమాణ స్వీకార మహోత్సవం ఘనంగా నిర్వహించారు. కార్యక్రమానికి గురజాల ఎమ్మెల్యే యరపతినేని శ్రీనివాసరావు ముఖ్యఅతిథిగా హాజరయ్యారు. ఆయనకు టీటీడీ బోర్డు సభ్యులు జంగా కృష్ణమూర్తి, నూతన కమిటీ సభ్యులు, ఆర్యవైశ్య ప్రముఖులు ఘన స్వాగతం పలికారు. అనంతరం నూతన అధ్యక్ష, కార్యదర్శులు ప్రమాణ స్వీకారం చేశారు. దేవస్థానం అభివృద్ధితో పాటు భక్తులకు మెరుగైన సౌకర్యాలు కల్పించేలా కమిటీ పనిచేయాలని ప్రముఖులు ఆకాంక్షించారు.

Local· 37m ago

నేలబావిలో గుర్తుతెలియని మృతదేహం కలకలం

AP: పల్నాడు జిల్లా పిడుగురాళ్ల మండలం కామేపల్లి శివారులోని పల్లా నాగయ్య నేలబావిలో గుర్తుతెలియని వ్యక్తి మృతదేహం లభ్యమైంది. బావిలో మృతదేహం తేలుతూ కనిపించడంతో స్థానికులు పోలీసులకు సమాచారం అందించారు. పట్టణ సీఐ వెంకట్రావు సిబ్బందితో కలిసి ఘటనాస్థలానికి చేరుకుని మృతదేహాన్ని వెలికితీయించారు. మృతుడి వయస్సు సుమారు 46 ఏళ్లుగా ఉంటుందని పోలీసులు తెలిపారు. ఘటనపై కేసు నమోదు చేసి, మృతుడి గుర్తింపు, మరణానికి గల కారణాలపై దర్యాప్తు చేస్తున్నట్లు సీఐ వెంకట్రావు వెల్లడించారు.