పత్తికొండ కొత్త DSPగా వంశీధర్ బాధ్యతలు

By G Srinuvasulu· 2h ago· Holagunda, Holagunda, Kurnool

కర్నూలు జిల్లా పత్తికొండ కొత్త DSPగా బాధ్యతలు చేపట్టిన వంశీధర్ జిల్లా పోలీస్ కార్యాలయంలో SP విక్రాంత్ పటేల్‌ను మర్యాదపూర్వకంగా కలిశారు. SP ఛాంబర్‌లో ఆయనకు పూల మొక్క అందించి శుభాకాంక్షలు తెలిపారు. ఇటీవల బదిలీపై వచ్చిన వంశీధర్ పత్తికొండ DSPగా బాధ్యతలు స్వీకరించారు. ఈ సందర్భంగా ప్రజలకు నిరంతరం అందుబాటులో ఉండాలని SP సూచించారు. డివిజన్‌లో నేరాల నియంత్రణ, శాంతిభద్రతల పరిరక్షణకు ప్రాధాన్యం ఇవ్వాలని దిశానిర్దేశం చేశారు.

More in Local

Local· 4m ago

TB నిర్మూలనకు అన్ని శాఖలు కలిసి పనిచేయాలి

కరీంనగర్ జిల్లాలో క్షయవ్యాధి (TB) నిర్మూలన కోసం మండల, బ్లాక్ స్థాయిలో JOSH (Joint Squad for Health) బృందాలను ఏర్పాటు చేసినట్లు DMHO డా. రాజగోపాల్ రావు తెలిపారు. కలెక్టర్ కాంప్లెక్స్ ఆడిటోరియంలో నిర్వహించిన సమావేశంలో టీబీని ముందుగానే గుర్తించడం, పరీక్షలు, చికిత్స, పోషకాహార సహాయం, ప్రజల్లో అవగాహనపై చర్చించారు. జిల్లా టీబీ అధికారి డా. హిమబిందు మాట్లాడుతూ.. యాక్టివ్ కేస్ ఫైండింగ్, స్క్రీనింగ్, ఛాతీ ఎక్స్‌రే, NAAT పరీక్షలు నిర్వహిస్తున్నట్లు తెలిపారు.

Local· 17m ago

మహిళల భద్రతపై షీ టీమ్ కీలక అవగాహన

నిర్మల్‌ పట్టణంలోని హరితవనంలో SP జానకి షర్మిల ఆదేశాలతో శుక్రవారం షీ టీమ్ ఆధ్వర్యంలో మహిళల భద్రతపై అవగాహన సదస్సు నిర్వహించారు. ఈ సందర్భంగా షీ టీమ్ విధులు, ఫిర్యాదుల గోప్యత, సైబర్ నేరాలు, బాల్యవివాహాల నిరోధం, T-Safe యాప్ వినియోగంపై వివరించారు. వేధింపులకు గురైతే భయపడకుండా ధైర్యంగా ఫిర్యాదు చేయాలని సూచించారు. సోషల్ మీడియాలో వ్యక్తిగత సమాచారం, OTPలు పంచుకోవద్దని హెచ్చరించారు. అత్యవసర పరిస్థితుల్లో 112కు కాల్ చేయాలని తెలిపారు.

Local· 18m ago

కల్తీ కారం షాపులపై తనిఖీ

గుంటూరు పట్నం మార్కెట్ లోని మూడు షాపుల్లో కల్తీ కారం అమ్ముతున్నట్లు తెలిసి అధికారులు ఎంక్వైరీ చేశారు. అక్కడి కారం నమూనాలు సేకరించడంతో పాటు, ఎటువంటి లేబుల్స్, ఫుడ్ లైసెన్స్ లేకుండానే అమ్మకాలు జరుపుతున్నట్లు గుర్తించారు. నిబంధనలు పాటించని షాపు నిర్వాహకులకు జరిమానా విధిస్తున్నట్లు ఫుడ్ కంట్రోలర్ తెలిపారు.

Local· 56m ago

పనులు పూర్తికాకముందే కూలుతున్న స్తంభాలు

కర్నూలు జిల్లా పెంచలపాడు నుంచి చాబాల వరకు ₹10 లక్షలతో నిర్మిస్తున్న 33 కేవీ విద్యుత్తు లైన్ పనుల్లో నిర్లక్ష్యం కొట్టొచ్చినట్లు కనిపిస్తోంది. పది కిలోమీటర్ల మేర పనులు ఇంకా పూర్తికాకముందే, వేసిన 200లకి పైగా స్తంభాలు ఎక్కడికక్కడ కూలిపోతున్నాయి. చిన్న వర్షాలకే స్తంభాలు వాలిపోవడంతో రోడ్డుపై వెళ్లే వాహనదారులు, ప్రజలు తీవ్ర భయాందోళన చెందుతున్నారు.