కాంట్రాక్ట్ వర్కర్లకు 30వేల మినిమం వేజ్...

By Surender· 2h ago· Jadcherla, Jadcherla, Mahabubnagar

మహబూబ్ నగర్ జిల్లాలోని జడ్చర్లలో మున్సిపల్ యూనియన్ సమావేశం జరిగింది. 2వ పీఆర్సీలో కాంట్రాక్ట్, ఔట్సోర్సింగ్ కార్మికులు, ఉద్యోగులకు కనీస వేతనం 30 వేలు, డీఏ ఇవ్వాలని రాష్ట్ర కార్యదర్శి ఆకుల వెంకటేష్ డిమాండ్ చేశారు. పెరిగిన నిత్యావసరాలు, అద్దెలు, విద్య, వైద్య ఖర్చుల దృష్ట్యా వేతనాలు పెంచాలన్నారు. ఈపీఎఫ్ బకాయిలు జమ చేయాలని, డ్రెస్సులు, సబ్బులు, నూనెలు, పనిముట్లు అందించాలని కోరారు. Dec 1-3 ఢిల్లీ ధర్నా, 9న సదస్సును విజయవంతం చేయాలని పిలుపునిచ్చారు.

More in Local

Local· just now

భగత్ సింగ్ స్ఫూర్తితో వివక్షకు వ్యతిరేకంగా...

ఖమ్మం జిల్లాలోని తిరుమలాయపాలెం మండలం పిండిప్రోలు గ్రామంలో భగత్ సింగ్ 119వ జయంతి సందర్భంగా సిపిఐ (ఎంఎల్) మాస్ లైన్, పిడిఎస్ యు, పిఎల్ వై ఆధ్వర్యంలో సమావేశం జరిగింది. పిఎల్ వై గ్రామ అధ్యక్షుడు రాయిండ్ల వినోద్ అధ్యక్షతన జరిగిన ఈ సమావేశంలో గోకినపల్లి నవీన్, పూజల మహేందర్, పరికిపల్లి నరేష్ తదితరులు మాట్లాడారు. భగత్ సింగ్ ఆలోచనలు యువతకు స్ఫూర్తిదాయకమని, కుల, మత వివక్ష, సామాజిక అసమానతలకు వ్యతిరేకంగా పోరాడాలని పిలుపునిచ్చారు.

Local· 2m ago

జర్నలిస్టుల ఇళ్ల సమస్య.. పరిష్కారం కావాలి!

సిద్దిపేట జిల్లాలో జర్నలిస్టుల ఇళ్ల సమస్య తెరపైకి వచ్చింది. TJEA జిల్లా అధ్యక్షుడు ఎస్. ఆంజనేయులు సోమవారం కలెక్టరేట్‌లో అదనపు కలెక్టర్ లక్ష్మీకిరణ్‌ను కలిశారు. అర్హులైన వర్కింగ్ జర్నలిస్టులకు ఇళ్ల స్థలాలు, ఇళ్లు కేటాయించాలని వినతిపత్రం ఇచ్చారు. సమస్యను ప్రభుత్వం దృష్టికి తీసుకెళ్తామని అదనపు కలెక్టర్ హామీ ఇచ్చారు. ఈ కార్యక్రమంలో కె. సత్యనారాయణ, వంగ రాజు, బి. లింగమూర్తి, సిహెచ్. మహేందర్, లింగాల బాబు పాల్గొన్నారు.

Local· 4m ago

సీఈసీ రాజీనామా కోరుతూ కాంగ్రెస్ నిరసన

మహబూబాబాద్ జిల్లా కలెక్టరేట్ ఎదుట కాంగ్రెస్ శ్రేణులు నిరసన చేపట్టాయి. ప్రభుత్వ విప్, డోర్నకల్ ఎమ్మెల్యే డాక్టర్ జాటోత్ రామచంద్రనాయక్ సీఈసీ జ్ఞానేష్ కుమార్ రాజీనామా చేయాలని డిమాండ్ చేశారు. ఓటర్ల జాబితాల్లో నిష్పక్షపాతంగా వ్యవహరించాలని కోరారు. అర్హులైన ఓటర్లు ఎవరూ హక్కు కోల్పోకూడదని స్పష్టం చేశారు. నిరసనలో సీఈసీ దిష్టిబొమ్మను దహనం చేశారు. కార్యక్రమంలో డీసీసీ అధ్యక్షుడు భూక్య ఉమా మురళి నాయక్, ప్రజాప్రతినిధులు, కాంగ్రెస్ కార్యకర్తలు పాల్గొన్నారు.

Local· 7m ago

సేవా సంకల్ప్.. విద్యార్థుల ప్రతిభా పోటీలు

శ్రీ పొట్టి శ్రీరాములు నెల్లూరు జిల్లా మర్రిపాడు ఉన్నత పాఠశాలలో సేవా సంకల్ప్ అభియాన్‌లో భాగంగా విద్యార్థులకు వక్తృత్వ, చిత్రలేఖన పోటీలు నిర్వహించారు. వివిధ పాఠశాలల విద్యార్థులు ఉత్సాహంగా పాల్గొని ప్రతిభ చాటారు. విజేతలు అక్టోబర్ 1న నెల్లూరులో జరిగే జిల్లా స్థాయి పోటీలకు ఎంపికయ్యారని ఎంఈఓ-2 ధనలక్ష్మి తెలిపారు. కార్యక్రమంలో ప్రధానోపాధ్యాయురాలు పద్మలత, ఉపాధ్యాయులు, విద్యార్థులు పాల్గొన్నారు.