ఒక్కో కథ ఒక్కో అద్భుతం.. ‘జాజిపూల పరిమళం’

By Vishi· 2h ago

రచయిత్రి షహీదా అనేది అసలు పేరో, కలం పేరో తెలియదు. ఉద్యమ జీవితంపై ఆమె రాసిన 33 కథలను ‘జాజిపూల పరిమళం’ పుస్తకంగా తీసుకొచ్చారు. ఒక్కో కథ ఒక్కో అద్భుతం. ఈ కథలు మనల్ని ఆశ్చర్యపరుస్తాయి. ఉత్సాహపరుస్తాయి. కొత్త ఎరుకను కలిగిస్తాయి. కొత్త జీవితాలను చూపిస్తాయి. దాదాపు 50 ఏళ్ల జీవితానుభవాలని షహీదా ఇందులో రాశారు. వర్గపోరాటంలో స్త్రీల దృష్టి కోణం నుంచి రాసిన ఈ కథలన్నీ తప్పకుండా చదవాల్సినవి. పుస్తకం ఖరీదు రూ.150. కొనేందుకు <a href="https://logilitelugubooks.com/book/jajipoola-parimalam-telugu-book-by-shahida-shaheeda-kathalu">లింక్</a>.

More in Arts/Literature

Arts/Literature· 2h ago

తెలంగాణ తొలితరం కథకుడి కథా సంకలనం

తెలంగాణ తొలి తరం కథకుడైన నందగిరి వెంకటరావు కథలను వెతికి పట్టుకుని ‘మొహబ్బత్’ పేరిట సమగ్ర కథాసంకలనం వెలువరించారు పరిశోధకుడు, రచయిత సంగిశెట్టి శ్రీనివాస్. వెంకటరావు కథలు భారతి, ఉదయిని, కృష్ణాపత్రిక, సమదర్శిని, సుజాత, గోలకొండ లాంటి అనేక పత్రికల్లో అచ్చయ్యాయి. 1936 తర్వాత ఆయన కథలు రాయడం మానేశారు. ఆయన రాసిన 30 కథలను సేకరించి ప్రస్తుతం పుస్తకంగా తీసుకొచ్చారు. పుస్తకం ధర 500 రూపాయలు. కొనే <a href="https://www.telugubooks.in/products/mohabbath-nandagiri-venkatrao-kathalu?srsltid=AU7gw4UVLbkSxpUOzL8W69Gyd6J7jzx1sn8S_-Hqyl5hb81hcfa0OAdw">లింక్</a>.

Arts/Literature· 1d ago

నవంబర్ 14, 15వ తేదీల్లో ఛాయ సాహిత్యోత్సవం

TG: ఛాయ ప్రచురణ సంస్థ ఆధ్వర్యంలో రూట్స్ కొలీజియం సమర్నణలో నవంబర్ 14, 15వ తేదీల్లో ఛాయ సాహిత్యోత్సవం (Chaaya Literature Festival) జరుగనుంది. హైదరాబాద్‌ నగరంలోని డా.బి.ఆర్.అంబేద్కర్ ఓపెన్ యూనివర్సిటీలో ఈ కార్యక్రమం నిర్వహిస్తున్నారు. రెండో ఎడిషన్‌కు సంబంధించిన <a href="https://www.chaayaliteraturefestival.com/">రిజిస్ట్రేషన్లు</a> స్టార్ట్ అయ్యాయి. తెలుగు సాహిత్యం, సంస్కృతి, రచయితలు, పాఠకులు అందరినీ ఒకే వేదికపైకి తీసుకురావడమే లక్ష్యంగా ‘Soul of Telugu’ నినాదంతో ఈ సాహిత్యోత్సవం నిర్వహిస్తున్నారు.

Arts/Literature· 2d ago

పిల్లలకు ఫుడ్‌పై ఇష్టం పెంచే 6 సూపర్ బుక్స్

పిల్లలకు పుస్తకాలు చదవడం అలవాటు చేయడంతో పాటు ఫుడ్‌పై ఇష్టం పెంచేందుకు ఈ ఆరు బుక్స్ ఉపయోగపడతాయి. Baby Let's ఈట్ లో రకరకాల ఫుడ్‌ను సరదాగా పరిచయం చేస్తారు. Boys Don't Fryలో అమ్మమ్మతో కలిసి వంట చేసే ఓ అబ్బాయి కథ ఉంటుంది. Kiki and Her Singing, Dancing Foodలో పండ్లు, కూరగాయలను పాటలు పాడే పాత్రలుగా చూపిస్తారు. A Silly Story of Bondapalliలో బొండా ఇష్టం లేని ఓ రాజు కథ ఉంటుంది. Tsomo and the Momo, Tomatoes for Neelaలో ఫుడ్, కుటుంబం చుట్టూ సరదా కథలు ఉంటాయి.

Arts/Literature· 5d ago

మలయాళీలు మీడియాలో వచ్చినదంతా నమ్మేస్తారు: పాల్ జకారియా

మలయాళీలు మీడియాలో వచ్చినదంతా ఆలోచించకుండా నమ్మేస్తారని ప్రముఖ రచయిత పాల్ జకారియా అన్నారు. ఓ పత్రికకు ఇచ్చిన ఇంటర్వ్యూలో ఆయన మాట్లాడుతూ మీడియా రచయితలను పెద్దవాళ్లుగా చూపిస్తే, ప్రజలు కూడా అదే నమ్మేస్తారని అన్నారు. ఎమ్.టి.వాసుదేవన్ నాయర్(ప్రసిద్ధ మలయాళ రచయిత, సినీ దర్శకుడు) ఏదైనా చెబితే, అది గొప్ప రాజకీయ జ్ఞానంగా భావిస్తారని అన్నారు. వార్తాపత్రికల మధ్య పోటీ వల్ల ఇలా జరుగుతోందని అభిప్రాయపడ్డారు. రచయితలకు రాజకీయ బాధ్యత ఉంటుందని ఆయన అన్నారు.