పరకాలలో తాగునీటి కష్టాలు

By Bala· 2h ago

హనుమకొండ జిల్లా పరకాలలో తాగునీటి కష్టాలు పరకాలలో సద్దుల బతుకమ్మ వేళ 13వ వార్డు ఎస్సీ కొత్తవాడలో మహిళలు తాగునీటి కోసం ఇబ్బందులు పడుతున్నారు. నెల రోజులుగా నల్లాల్లో నీరు రావడం లేదని, బోర్ల వద్దకు వెళ్లి నీరు తెచ్చుకుంటున్నామని వాపోతున్నారు. కౌన్సిలర్, మున్సిపల్ కమిషనర్కు పలుమార్లు ఫిర్యాదు చేసినా స్పందన లేదని ఆరోపిస్తున్నారు. వెంటనే నీటి సమస్యను పరిష్కరించాలని ప్రజలు కోరుతున్నారు.

More in Local

Local· 3m ago

ఉదయగిరిలో వైసీపీ నేతలు టిడిపిలోకి

శ్రీ పొట్టి శ్రీరాములు నెల్లూరు జిల్లా ఉదయగిరి నియోజకవర్గంలో వైసీపీకి చెందిన పలువురు మాజీ ఎంపీటీసీలు, సర్పంచ్‌లు టీడీపీలో చేరారు. మాజీ సొసైటీ అధ్యక్షుడు మూలె వినయ్ రెడ్డి, మాజీ ఎంపీపీ మూలె పద్మజ వినయ్ రెడ్డి, మాజీ వైసీపీ మండల కన్వీనర్ మూలె సుబ్బారెడ్డి ఆధ్వర్యంలో ఈ చేరికలు జరిగాయి. స్థానిక ఎన్నికల వేళ కీలక నేతలు పార్టీ మారడం నియోజకవర్గ రాజకీయాల్లో చర్చనీయాంశంగా మారింది.

Local· 7m ago

జడ కొప్పు ఆటకు జీవం.. పల్లెలో సంబరం

రాజన్న సిరిసిల్ల జిల్లా ఎల్లారెడ్డిపేట మండలం బండ లింగంపల్లి గ్రామంలో దశాబ్దాలుగా కనుమరుగైన ‘జడ కొప్పు’ ఆటకు విజయదశమి వేళ మళ్లీ జీవం పోశారు. అరుదైన ఈ సంప్రదాయ ఆటను నిర్వహించి గ్రామీణ సంస్కృతిని చాటారు. అంతరించిపోతున్న ప్రాచీన కళారూపం జడ కొప్పు (జడ కోలాటం) ఆటను గ్రామ సర్పంచ్ బాలరాజు నరస గౌడ్ దసరా పర్వదినాన ఘనంగా ప్రారంభించారు. కళాకారులు చేతుల్లో తాళ్లు పట్టుకుని, లయబద్ధంగా అడుగులు వేస్తూ జడను అల్లడం, తిరిగి విడదీయడం చూపరులను కట్టిపడేసింది.

Local· 12m ago

దోమల నివారణకు చర్యలు చేపట్టండి

నిజామాబాద్ జిల్లా మోర్తాడ్ మండలంలోని పలు గ్రామాల్లో దోమలు విపరీతంగా పెరిగాయి. ప్రజలు తీవ్ర ఇబ్బందులు పడుతున్నారు. సాయంత్రం వేళల్లో దోమల బెడద మరింత అధికమవుతోంది. డెంగ్యూ, మలేరియా, చికున్‌గున్యా ప్రబలే ప్రమాదం ఉందని గ్రామ ప్రజలు ఆందోళన వ్యక్తం చేస్తున్నారు. యుద్ధప్రాతిపదికన డ్రైనేజీలు శుభ్రపరచాలని, బ్లీచింగ్ పౌడర్ చల్లడం, యాంటీ లార్వా మందులు పిచికారీ, పొగ మందు పిచికారీ చేయాలని కోరుతున్నారు.

Local· 24m ago

కట్రియాలలో ఘనంగా దసరా వేడుకలు

వరంగల్ జిల్లా వర్ధన్నపేట మండలం కట్రియాల గ్రామంలో మంగళవారం దసరా ఉత్సవాలు ఘనంగా జరిగాయి. సర్పంచ్ సుల్తాన్ రమ్య, ఉపసర్పంచ్ నాంపెల్లి రవీందర్ ఆధ్వర్యంలో బొడ్రాయి వద్ద ప్రత్యేక పూజలు నిర్వహించారు. అనంతరం డప్పు చప్పుళ్ల మధ్య జమ్మిచెట్టు వద్దకు చేరుకొని పూజలు చేశారు. గ్రామస్థులు జమ్మి ఆకులు ఇచ్చిపుచ్చుకున్నారు. మార్కెట్ కమిటీ ఛైర్మన్ నరుకుడు వెంకటయ్య మాట్లాడుతూ కులమతాలు, పార్టీలకతీతంగా పండుగ జరుపుకోవడం అభినందనీయమన్నారు.