ప్రజలకు షాక్.. పెరగనున్న ఆస్తి పన్ను భారం

By Krishna· 2d ago

TG: హైదరాబాద్‌లో ఆస్తి పన్నుపై ప్రభుత్వం మార్పులు చేసింది. అసెంబ్లీలో ఆమోదించిన 'కోర్‌ అర్బన్‌ రీజన్‌ బిల్లు-2026' ప్రకారం, ఇకపై ఆస్తుల రిజిస్ట్రేషన్ విలువ ఆధారంగా.. ఆస్తి పన్ను ఉంటుంది. దీనివల్ల టాక్స్ పెరగనుంది. ఆ భారాన్ని ఒకేసారి వేయకుండా ఏటా మాగ్జిమం 20 పర్సెంట్ పెంచుతారు. 375 చదరపు అడుగుల లోపు ఇళ్లకు 101 రూపాయల టాక్స్ ఉంటుంది. సైనికులు, మాజీ సైనికులకు పూర్తి పన్ను మినహాయింపు ఉంటుంది. ప్రతి ఆస్తికీ QR కోడ్ ఇస్తారు. ఖాళీ స్థలాలపై 0.50 శాతం టాక్స్, అక్రమ నిర్మాణాలపై 300 శాతం ఫైన్ విధిస్తారు.

More in TG

TG· 41m ago

రుద్రూరులో ఫస్ట్ టైమ్ మట్టి గణపతి

నిజామాబాద్ జిల్లా రుద్రూరు మండల కేంద్రంలో వశిష్ట గణేష్ మండలి ఆధ్వర్యంలో ఫస్ట్ టైమ్ మట్టి వినాయకుడిని ప్రతిష్ఠించారు. పర్యావరణ పరిరక్షణ కోసం ఈ ఎకో-ఫ్రెండ్లీ ఐడియాతో ముందుకొచ్చినట్లు నిర్వాహకులు తెలిపారు. ప్రతీ ఒక్కరూ మట్టి గణపతులనే పూజించి పొల్యూషన్ తగ్గించాలని కోరారు. చూడటానికి చాలా అందంగా ఉన్న ఈ విగ్రహాన్ని చూసి గ్రామ ప్రజలు వశిష్ట గణేష్ మండలి సభ్యులను అభినందించారు. మీరు కూడా మీ ఊరి మట్టి గణేశ్‌తో ఫొటోలు తీసుకొని మాకు పంపండి. మేం అందరికీ చూపిస్తాం.

▶

TG· 2h ago

"హమారా ప్రసాద్‌ని అరెస్టు చెయ్యాలి"

TG: భారత రాజ్యాంగ నిర్మాత, ప్రపంచ మేధావి డాక్టర్ బీ ఆర్ అంబేద్కర్‌పై అనుచిత వ్యాఖ్యలు చేస్తూ, ఆయన్ను ‘కల్పిత నాయకుడు’గా అభివర్ణిస్తూ పుస్తకం రాసిన హమారా ప్రసాద్‌పై రాజద్రోహం కేసు నమోదు చేసి, తక్షణమే అరెస్టు చెయ్యాలని జైభీమ్ రావ్ భారత్ పార్టీ స్టేట్ వర్కింగ్ ప్రెసిడెంట్ యెర్రా కామేష్ డిమాండ్ చేశారు. అరెస్టు చెయ్యడం ద్వారా సీఎం రేవంత్ తన సిన్సియార్టీని నిరూపించుకోవాలని కోరారు. హమారా ప్రసాద్‌ను రాష్ట్రం నుంచి బహిష్కరించాలంటూ.. కొత్తగూడెంలో కళ్లకు గంతలు, ప్లకార్డులతో నిరసన తెలిపారు.

TG· 2h ago

హైడ్రాకి సుప్రీంకోర్టులో షాక్

శాంత శ్రీరామ్ కన్‌స్ట్రక్షన్ భూమి కేసులో తెలంగాణ ప్రభుత్వం వేసిన పిటిషన్‌ని సుప్రీంకోర్టు కొట్టి వేసింది. సికింద్రాబాద్.. కంటోన్మెంట్.. లోతుకుంటలోని 40 ఎకరాల భూమి.. తమదేనని ప్రభుత్వం ఈ పిటిషన్ వేసింది. ఐతే.. ఈ పిటిషన్‌ని 219 రోజులు ఆలస్యంగా వేశారంటూ సుప్రీంకోర్టు దీన్ని కొట్టివేసింది. హైకోర్టు ఇచ్చిన తీర్పును సమర్థించింది. ఆ 40 ఎకరాల భూమి శాంత శ్రీరామ్ కన్‌స్ట్రక్షన్‌కి చెందుతుందని ఇదివరకు హైకోర్టు తీర్పు ఇచ్చింది. ఆ భూమిని సీజ్ చెయ్యాలనుకున్న హైడ్రాకి సుప్రీం షాక్ ఇచ్చినట్లైంది.

TG· 3h ago

మెగా జాబ్ మేళాను విజయవంతం చేయాలి: మంత్రి

కోదాడలో నెల 19న నిర్వహించనున్న మెగా జాబ్ మేళాను నిరుద్యోగ యువత సద్వినియోగం చేసుకోవాలని మంత్రి ఉత్తమ్ కుమార్ రెడ్డి కోరారు. ఈ మేరకు ఆయన వీడియో ద్వారా యువతకు పిలుపునిచ్చారు. జాబ్ మేళాలో సుమారు 300 కంపెనీలు పాల్గొననున్నట్లు తెలిపారు. వివిధ రంగాల్లో వేలాది ఉద్యోగ అవకాశాలు అందుబాటులో ఉంటాయని ఆయన పేర్కొన్నారు. అర్హత ఉన్న యువత పెద్ద సంఖ్యలో హాజరై తమకు అనుకూలమైన ఉద్యోగాలను పొందాలని మంత్రి ఉత్తమ్ సూచించారు.