దారితప్పిన ఏనుగు.. రాత్రంతా బీభత్సం

ఓ ఏనుగు తన మంద నుంచి వేరుపడింది. దారి తప్పింది. పలమనేరు రూరల్ మండలంలోని ఇందిరానగర్ పంట పొలాల్లోకి వెళ్లింది. అర్థరాత్రి తరువాత గుడియాత్తం రోడ్డుపైకి ఎక్కి, భయంకరంగా అరుస్తూ అక్కడున్న ట్రాకర్స్‌పైకి దూసుకెళ్లింది. గ్రామస్తులు, రైతులంతా ఆ ఏనుగును టపాసులు, బాణాలు, ఔట్లు పేల్చుతూ ఏనుగును పొలాల మీదుగా, రోడ్డు పక్కనే ఉన్న అడవి వైపు మళ్లించారు. గతంలో ఏర్పాటు చేసిన హ్యాంగింగ్ సోలార్ ఫెన్సింగ్‌ను విద్యుత్ సరఫరా ఉన్నప్పటికీ ఏనుగు కాళ్లతో తొక్కి ధ్వంసం చేసింది.