గ్రంథాలయాల తనిఖీ

By SARDHAR· 2h ago· Sri Potti Sriramulu Nellore

నెల్లూరు జిల్లా గ్రంథాలయ సంస్థ ఛైర్‌పర్సన్ మేకపాటి శాంతికుమారి కొండాపురం మండల కేంద్రంలోని లైబ్రరీని తనిఖీ చేశారు. గ్రంథాలయాలను అభివృద్ధి చేసేందుకు కూటమి ప్రభుత్వం కట్టుబడి ఉందని, తడ గ్రేడ్-3 లైబ్రరీలో మెరుగైన వసతులు కల్పిస్తామని ఆమె తెలిపారు. సమస్యలను తెలుసుకునేందుకు ఉమ్మడి నెల్లూరు జిల్లా వ్యాప్తంగా పర్యటిస్తున్నట్లు చెప్పారు.

More in Local

Local· 3m ago

తూకాల్లో మోసాలకు పాల్పడితే కఠిన చర్యలు

నర్సంపేటలో తూనికలు, కొలతల నిబంధనలు పాటించని వ్యాపారులపై లీగల్‌ మెట్రాలజీ అధికారులు చర్యలు చేపట్టారు. జిల్లా అధికారి కె. మనోహర్‌ ఆధ్వర్యంలో చేపలు, చికెన్‌, మాంసం, పండ్ల దుకాణాల్లో ఆకస్మిక తనిఖీలు నిర్వహించారు. పరికరాలకు సకాలంలో ధ్రువీకరణ లేకుండా, శాఖ ముద్రలు లేకుండా వినియోగిస్తున్న 15 మంది వ్యాపారులపై కేసులు నమోదు చేశారు. వినియోగదారులకు సరైన తూకం అందించాలని అధికారి సూచించారు.

Local· 6m ago

అలర్ట్.. మూడు రోజులు..నీటి సరఫరా బంద్!

వెల్గటూర్ గ్రామంలో పాత వాటర్ ట్యాంక్ మరమ్మతు పనుల కారణంగా సోమవారం నుంచి మూడు రోజుల పాటు నల్లా నీటి సరఫరా నిలిచిపోనుందని గ్రామ పంచాయతీ కార్యాలయం తెలిపింది. అనివార్య కారణాల వల్ల మరమ్మతు పనులు చేపడుతున్నట్లు పేర్కొంది. గ్రామ ప్రజలు ముందస్తుగా నీటిని నిల్వ చేసుకుని ఇబ్బందులు లేకుండా చూసుకోవాలని, మరమ్మతు పనులకు సహకరించాలని పంచాయతీ అధికారులు కోరారు.

Local· 13m ago

మోర్తాడ్‌‌లో BSI ఒకరోజు దీక్ష

బీహార్ బుద్ధగయలో బౌద్ధ విహార్ ఆందోళన 600 రోజులు పూర్తయిన సందర్భంగా నిజామాబాద్ జిల్లా మోర్తాడ్‌‌లోని అమరవీరుల స్థూపం వద్ద BSI ఆధ్వర్యంలో ఒకరోజు దీక్ష చేపట్టారు. బౌద్ధ విహార్‌ను బౌద్ధులకే కేటాయించాలని, 1949 BT యాక్ట్‌ను వెంటనే రద్దు చేయాలని నాయకులు డిమాండ్ చేశారు. ఈ దీక్షలో BSI నాయకులు గంగాధర్, రాజు, రాజారాం, భూమన్న, నరసయ్య పాల్గొన్నారు.

Local· 18m ago

అదనపు కట్నం వేధింపులు.. భర్త అరెస్ట్

రాజన్న సిరిసిల్ల జిల్లా కోనరావుపేట మండలం బావుసాయిపేటకు చెందిన గెంటే రేణుక ఆత్మహత్య ఘటనలో ఆమె భర్త ప్రశాంత్‌ను పోలీసులు అరెస్ట్‌ చేసి రిమాండ్‌కు తరలించారు. అదనపు కట్నం కోసం భర్త ప్రశాంత్‌, అత్త కొమురవ్వ, ఆడబిడ్డ పద్మ వేధించారని రేణుక కుటుంబ సభ్యులు ఫిర్యాదు చేశారు. కేసు నమోదు చేసి దర్యాప్తు చేపట్టిన పోలీసులు ప్రధాన నిందితుడిగా పేర్కొన్న ప్రశాంత్‌ను అదుపులోకి తీసుకున్నట్లు సీఐ కే. రవీందర్‌ తెలిపారు.