జిమ్‌లో ఒరంగుటాన్లు.. వీడియో వైరల్

By Sharmila· 1h ago

ఒడిశాలోని నందన్‌కానన్ బయోలాజికల్ పార్కులో ఒరంగుటాన్లు సందడి చేశాయి. ఇటీవల అటవీశాఖ అధికారులు వీటిని అడవిలో గుర్తించి భువనేశ్వర్ దగ్గర్లోని నందన్‌కానన్‌కి తరలించారు. అక్కడి వాతావరణం వాటికి అనుకూలంగా ఉండటంతో ఆరోగ్యం మెరుగుపడుతోందని ఒడిశా అటవీశాఖ మంత్రి గణేశ్ రాంసింగ్ ఖుంటియా తెలిపారు. జిమ్‌లో వ్యాయామం చేస్తున్నట్లుగా కనిపిస్తున్న ఒరంగుటాన్ల వీడియోలు వైరల్ అవుతున్నాయి. ఇవి ఏ దేశానికి చెందినవో తెలుసుకునేందుకు త్వరలో DNA టెస్టులు చెయ్యనున్నారు.

More in National

National· 8m ago

బ్యాంకుల 5-Day Workingపై వైరల్ గెజిట్‌?

SBI సహా అన్ని ప్రభుత్వ రంగ బ్యాంకులకూ ప్రతి శనివారం సెలవు అంటూ సోషల్ మీడియాలో వైరల్ అవుతున్న గెజిట్‌ ఫేక్ అని PIB ఫాక్ట్ చెక్ టీమ్ తెలిపింది. కేంద్ర ఆర్థిక మంత్రిత్వ శాఖ ఇలాంటి గెజిట్ జారీ చేయలేదు. ప్రస్తుతం ప్రభుత్వ రంగ బ్యాంకులకు 2వ, 4వ శనివారాలు మాత్రమే సెలవు ఉంది. మిగతా శనివారాలు సాధారణ పని దినాలుగానే కొనసాగుతున్నాయి. 5-day banking అమలుపై చర్చలు కొనసాగుతున్నప్పటికీ.. అది ఇంకా అమల్లోకి రాలేదని కేంద్ర ఆర్థిక మంత్రిత్వ శాఖ తెలిపింది.

▶

National· 1h ago

9/11 తరహా దాడి: ప్రధాని మోదీ

ఫ్లై దుబాయ్ విమానంలో 9/11 తరహా దాడిని భారతీయ పైలట్ స్మిత్ మచ్ఛర్ చాకచక్యంగా అడ్డుకున్నాడు అని ప్రధాని మోదీ అన్నారు. ఢిల్లీ.. UPSC సెంటెనరీ సెలబ్రేషన్స్‌లో పాల్గొన్న మోదీ.. స్మిత్ మచ్ఛర్‌ త్యాగాన్నీ, పోరాట పటిమనీ అంతా గుర్తు చేసుకోవాల్సిన అవసరం ఉందన్నారు. కత్తి గాయాల నుంచి స్మిత్ త్వరగా కోలుకోవాలని కోరారు. ఐతే.. ఘటన వెనక కో-పైలట్ ఉద్దేశం ఏంటి అనేది ఇంకా అధికారికంగా తెలియలేదు. అది ఏ తరహా కుట్ర అనేది సస్పెన్స్ గానే ఉంది.

National· 1h ago

SIRపై హైకోర్టు ఫైర్‌

గోవా.. SIR ప్రక్రియలో ఒకే కుటుంబానికి చెందిన ఆరుగురు ఓటర్ల పేర్లు తొలగించడంపై ముంబై హైకోర్టు తీవ్రంగా స్పందించింది. అడ్రెస్ చేంజ్‌ కోసం Form-8 అప్లికేషన్‌ ఇచ్చినా, పేర్లు తొలగించడంపై ప్రశ్నించింది. ఓటర్ల లిస్ట్‌ నుంచి పేర్లు తొలగించేటప్పుడు సాఫ్ట్‌వేర్‌ చూపించినదే ఆధారం కాదనీ, చట్టం ప్రకారమే నిర్ణయం తీసుకోవాలని స్పష్టం చేసింది. పేరు తొలగించే ముందు సంబంధిత ఓటరుకు నోటీసు ఇచ్చి, వివరణకు అవకాశం ఇవ్వాలని ఆదేశించింది.

▶

National· 2h ago

ఆసుపత్రి గేటు వద్దే ప్రసవం..

ఉత్తరప్రదేశ్‌లోని భదోహీ జిల్లా జ్ఞాన్‌పూర్‌లో రాణి అనే గర్భిణి హాస్పెటల్ బయటే మగబిడ్డకు జన్మనిచ్చింది. ఆసుపత్రి సిబ్బంది తమను చేర్చుకోలేదని కుటుంబ సభ్యులు తెలిపారు. అయితే రాణికి హిమోగ్లోబిన్‌ స్థాయి 5 గ్రాములు మాత్రమే ఉండటంతో మీర్జాపూర్‌ మండల ఆసుపత్రికి, తర్వాత BHUకు రిఫర్‌ చేసినట్లు భదోహీ జిల్లా ముఖ్య వైద్యాధికారి డా. సంతోష్‌ చక్‌ తెలిపారు. ఈ ఘటనపై నలుగురు సభ్యులతో విచారణ కమిటీని ఏర్పాటు చేసి పరిశీలిస్తున్నారు.