ఆరుట్లలో ప్రభుత్వ బడికి కొత్త రూపు.. ఇది కదా కావాల్సింది!

By A.Ajay· 15h ago

TG: రంగారెడ్డి జిల్లా, మంచాల మండలం, ఆరుట్లలోని తెలంగాణ పబ్లిక్ స్కూల్.. ప్రభుత్వ విద్యలో ప్రత్యేకంగా నిలుస్తోంది. ఇక్కడ ప్రీ-ప్రైమరీ నుంచి ఇంటర్మీడియట్ వరకూ.. ఒకే క్యాంపస్‌లో ఇంగ్లీష్ మీడియం విద్య అందుతోంది. డిజిటల్ క్లాస్‌రూమ్స్, సైన్స్ ల్యాబ్స్, లైబ్రరీ, డైనింగ్, స్పోర్ట్స్ ఫెసిలిటీస్‌తో పాటూ.. విద్యార్థులకు రవాణా సౌకర్యం కూడా ఉంది. ఇక్కడ దాదాపు 1,800 మంది విద్యార్థులు చదువుతున్నారు. ఇలాంటి స్కూల్స్ మరిన్ని రావాలనే అంశాన్ని ప్రజల్లోకి తీసుకెళ్లేందుకే <a href="https://www.theclearcutnews.com/n/9RMisjV">TPF విద్యా బస్సుయాత్ర</a> కొనసాగుతోంది.

More in TG

TG· 17m ago

వరంగల్ ఎయిర్‌పోర్టు పేరుపై SMలో చర్చ

వరంగల్ ఎయిర్‌పోర్ట్‌కు డైరెక్టర్ సందీప్ రెడ్డి వంగా 'రుద్రమ' లేదా 'కాకతీయ' అంతర్జాతీయ విమానాశ్రయం అని పేర్లు సూచించాడు. నెటిజన్లు దీనికి భిన్నంగా స్పందిస్తూ.. 'భద్రకాళి' ఎందుకు పెట్టకూడదని ప్రశ్నిస్తున్నారు. వీటితో పాటు 'సమ్మక్క సారక్క', 'ప్రతాపరుద్ర', 'ఓరుగల్లు', 'రుద్రేశ్వర', 'ఏకశిల'.. ఇలా స్థానికత ఉట్టిపడేలా పలు పేర్లను సూచిస్తూ కామెంట్స్ చేస్తున్నారు.

TG· 3h ago

పెళ్లి పేరుతో వేధింపులు.. సౌరవ్ గుజ్జర్‌పై కేసు

TG: గచ్చిబౌలిలో యాక్టర్, రెజ్లర్ సౌరవ్ గుజ్జర్‌పై కేసు నమోదైంది. పెళ్లి చేసుకుంటానని నమ్మించి ఫిజికల్‌గా, మెంటల్‌గా వేధించాడని ఓ యువతి ఆగస్టు 15న పోలీసులకు ఫిర్యాదు చేసింది. 2021లో ఇన్‌స్టాగ్రామ్‌లో పరిచయమైన ఇద్దరూ సన్నిహితంగా ఉన్నట్లు ఫిర్యాదులో పేర్కొంది. పెళ్లి, వ్యాపారం పేరుతో ఉద్యోగం మానేసి వచ్చినట్లు తెలిపింది. గచ్చిబౌలి పోలీసులు కేసు నమోదు చేసి ముంబై ఎయిర్‌పోర్టులో సౌరవ్‌ను అదుపులోకి తీసుకున్నారు.

TG· 14h ago

రాత్రి 10 తర్వాత డిన్నర్.. అనారోగ్యమే!

TG: హైదరాబాద్‌లో 64 శాతం మంది ఉద్యోగులు రాత్రి 10 గంటల తర్వాతే డిన్నర్‌ చేస్తున్నట్లు బ్లూసెమీకి చెందిన ఐవా వెల్‌నెస్‌ ట్రాకర్‌ డేటా వెల్లడించింది. దేశవ్యాప్తంగా 54 శాతం మంది లేటుగా తింటున్నట్లు 30 వేల మంది నుంచి సేకరించిన 35 లక్షల రీడింగ్స్‌లో గుర్తించారు. నిద్రకు ముందు 40 శాతం మంది టీ, కాఫీలు తాగుతున్నట్లు తేలింది. ఆలస్యంగా తినడం గ్లూకోజ్‌ స్థాయిలపై ప్రభావం చూపుతుందని ఈ స్టడీ తెలిపింది. డిన్నర్‌ త్వరగా ముగించడం, భోజనం తర్వాత నడక, రోజూ 30 నిమిషాల వ్యాయామం ఆరోగ్యానికి మేలు చేస్తాయని పేర్కొంది.

TG· 14h ago

హైకోర్టు తీర్పుపై దానం నాగేందర్‌ సుప్రీంకోర్టుకు!

TG: హైకోర్టు ఇచ్చిన అనర్హత తీర్పును సవాల్ చేస్తూ MLA దానం నాగేందర్ సుప్రీంకోర్టుకు వెళ్లారు. ఇవాళ SLP ఫైల్ చేసినట్లు తెలుస్తోంది. ఇదే కేసులో బీజేపీ MLA ఏలేటి మహేశ్వర్‌రెడ్డి, బీఆర్‌ఎస్ MLA పాడి కౌశిక్‌రెడ్డి ఇప్పటికే కేవియట్ ఫైల్ చేశారు. BRS టికెట్‌పై ఖైరతాబాద్ నుంచి గెలిచి, 2024 లోక్‌సభ ఎన్నికల్లో కాంగ్రెస్ క్యాండిడేట్‌గా పోటీ చేసిన నేపథ్యంలో హైకోర్టు దానం మెంబర్‌షిప్‌ను రద్దు చేసి, 2024 ఏప్రిల్ 23 నుంచి <a href="https://www.theclearcutnews.com/n/mm8pH4D">అనర్హత వర్తిస్తుందని తెలిపింది.</a> ఖైరతాబాద్ అసెంబ్లీ స్థానం ఖాళీగా ఉన్నట్లు ప్రకటించింది.