అచ్చంపేటలో ఉప ముఖ్యమంత్రి పర్యటన

By శ్రీనివాస్ నాగర్ కర్నూల్· 10h ago· Kalwakurthy (Ct), Kalwakurthy, Nagarkurnool

నాగర్‌కర్నూల్ జిల్లా అచ్చంపేట నియోజకవర్గంలో ఉపముఖ్యమంత్రి భట్టి విక్రమార్క ఇవాళ పర్యటించనున్నారు. మన్ననూర్‌లో విద్యుత్ సబ్‌స్టేషన్‌కు శంకుస్థాపన చేసి, సభలో పాల్గొంటారు. అనంతరం అమ్రాబాద్‌లో R&B రోడ్డు పనులకు, రాయలగండిలో లక్ష్మీచెన్నకేశవస్వామి ఆలయ గోపురం పనులకు శంకుస్థాపన చేస్తారు. అచ్చంపేటలో కొత్త విద్యుత్ సబ్‌స్టేషన్ల ఏర్పాటుకు శంకుస్థాపన చేసి ఎమ్మెల్యే చిక్కుడు వంశీకృష్ణ ఆధ్వర్యంలో హాజీపూర్‌ నుంచి మన్ననూర్‌ వరకు బైక్ ర్యాలీ నిర్వహించనున్నారు.

More in Local

Local· just now

అంబేద్కర్ ఆశయాల సాధనకు కృషి చేయాలి!

సంగారెడ్డి జిల్లాలో 70వ ధమ్మచక్క పవత్తన దినోత్సవం జరిగింది. బౌద్ధ ధమ్మ సందేశాన్ని ప్రజల్లోకి తీసుకెళ్లడంతో పాటు డాక్టర్ బాబాసాహెబ్ అంబేడ్కర్ ఆశయాల సాధనే లక్ష్యంగా ఈ కార్యక్రమం నిర్వహించారు. బుద్ధుని బోధించిన ప్రజ్ఞ, శీలం, కరుణ, సమానత్వం, సోదరభావం వంటి విలువలను ఆచరించాలని, కులవివక్ష, మూఢనమ్మకాలకు దూరంగా ఉంటూ విద్య, చైతన్యం, సామాజిక న్యాయం కోసం కృషి చేయాలని బీఎస్పీ అధ్యక్షుడు అనుముల తుకారం, అంబేద్కర్ సంఘ నాయకులు పిలుపునిచ్చారు.

Local· 3m ago

కారు-ఆటో ఢీ.. ఒకరు మృతి!

పోలవరం జిల్లా విఆర్ పురం మండలం అడివి వెంకన్న గూడెం వద్ద బుధవారం కారు, ఆటో ఎదురెదురుగా ఢీకొన్నాయి. ఈ ప్రమాదంలో సోముల గూడెంకు చెందిన మీడియం సత్యనారాయణ (60) మృతి చెందారు. చొప్పల్లికి చెందిన ఊర్మ లక్ష్మి తలకు తీవ్ర గాయాలయ్యాయి. ఆమెను 108లో చింతూరు ఏరియా ఆసుపత్రికి తరలించి వైద్యం అందిస్తున్నారు.

Local· 4m ago

ప్రజా సమస్యలకు పరిష్కారం.. క్లియర్ కట్ న్యూస్ కథనం ప్రభావం!

మేడ్చల్-మల్కాజిగిరి జిల్లా మూడుచింతలపల్లి మున్సిపాలిటీ పరిధిలోని లక్ష్మాపూర్–కర్కపట్ల రోడ్డులో ఎల్లమ్మ గుడి సమీపంలో మురుగునీరు, చెత్త పేరుకుపోయిందని క్లియర్ కట్ న్యూస్ కథనం ప్రచురించింది. దీనిపై మున్సిపల్ యంత్రాంగం వెంటనే స్పందించింది. దసరా పండుగ సందర్భంగా పారిశుద్ధ్య పనులు చేపట్టి ప్రాంతాన్ని శుభ్రం చేసింది. మున్సిపల్ చైర్మన్ జాం రవి, కమిషనర్ వెంకట గోపాల్, శానిటరీ సూపర్‌వైజర్ దుర్గేష్, సిబ్బందికి ప్రజలు థాంక్స్ చెప్పారు.

Local· 6m ago

APPSC అభ్యర్థులకు అలర్ట్.. స్టేట్ NCL తప్పనిసరి!

ఏపీపీఎస్సీ ఉద్యోగాలకు దరఖాస్తు చేసే బీసీ అభ్యర్థులకు అలర్ట్. రిజర్వేషన్ కోసం స్టేట్ నాన్-క్రీమీ లేయర్ (NCL) సర్టిఫికెట్ తప్పనిసరి. కేంద్ర ఉద్యోగాలకు వాడే సెంట్రల్ ఓబీసీ (OBC-NCL) సర్టిఫికెట్ రాష్ట్ర ఉద్యోగాలకు చెల్లదు. అభ్యర్థులు ఏపీ ప్రభుత్వ ఫార్మాట్‌లో తహసీల్దార్ (MRO) జారీ చేసిన ప్రత్యేక స్టేట్ 'BC-NCL' సర్టిఫికెట్ తీసుకోవాలి. మీసేవా లేదా సచివాలయం ద్వారా పాత కుల, వార్షిక ఆదాయ (₹8 లక్షల లోపు) పత్రాలతో అప్లై చేయొచ్చని అధికారులు చెబుతున్నారు.