లింగ నిర్ధారణకు పాల్పడితే కఠిన చర్యలు

By GOLLAPALLI SUDHAKAR RAO· 1h ago· Varikuntapadu, Varikuntapadu, Sri Potti Sriramulu Nellore

గర్భస్థ శిశువు లింగ నిర్ధారణ, లింగ ఎంపికకు పాల్పడితే సంబంధిత స్కానింగ్ కేంద్రాలపై చట్టప్రకారం కఠిన చర్యలు తీసుకుంటామని నెల్లూరు జిల్లా జాయింట్ కలెక్టర్ ఎం. వెంకటేశ్వర్లు హెచ్చరించారు. స్కానింగ్ కేంద్రాలపై అధికారులు తరచూ ఆకస్మిక తనిఖీలు నిర్వహించి, రికార్డులను పరిశీలించాలని ఆదేశించారు. అక్టోబర్ 11న అంతర్జాతీయ బాలికా దినోత్సవం సందర్భంగా లింగ వివక్ష నిర్మూలన, బాలికల హక్కుల పరిరక్షణపై విస్తృత అవగాహన కార్యక్రమాలు నిర్వహించాలని సూచించారు.

More in Local

Local· 10m ago

మహిళల భద్రతపై షీ టీమ్ కీలక అవగాహన

నిర్మల్‌ పట్టణంలోని హరితవనంలో SP జానకి షర్మిల ఆదేశాలతో శుక్రవారం షీ టీమ్ ఆధ్వర్యంలో మహిళల భద్రతపై అవగాహన సదస్సు నిర్వహించారు. ఈ సందర్భంగా షీ టీమ్ విధులు, ఫిర్యాదుల గోప్యత, సైబర్ నేరాలు, బాల్యవివాహాల నిరోధం, T-Safe యాప్ వినియోగంపై వివరించారు. వేధింపులకు గురైతే భయపడకుండా ధైర్యంగా ఫిర్యాదు చేయాలని సూచించారు. సోషల్ మీడియాలో వ్యక్తిగత సమాచారం, OTPలు పంచుకోవద్దని హెచ్చరించారు. అత్యవసర పరిస్థితుల్లో 112కు కాల్ చేయాలని తెలిపారు.

Local· 11m ago

కల్తీ కారం షాపులపై తనిఖీ

గుంటూరు పట్నం మార్కెట్ లోని మూడు షాపుల్లో కల్తీ కారం అమ్ముతున్నట్లు తెలిసి అధికారులు ఎంక్వైరీ చేశారు. అక్కడి కారం నమూనాలు సేకరించడంతో పాటు, ఎటువంటి లేబుల్స్, ఫుడ్ లైసెన్స్ లేకుండానే అమ్మకాలు జరుపుతున్నట్లు గుర్తించారు. నిబంధనలు పాటించని షాపు నిర్వాహకులకు జరిమానా విధిస్తున్నట్లు ఫుడ్ కంట్రోలర్ తెలిపారు.

Local· 49m ago

పనులు పూర్తికాకముందే కూలుతున్న స్తంభాలు

కర్నూలు జిల్లా పెంచలపాడు నుంచి చాబాల వరకు ₹10 లక్షలతో నిర్మిస్తున్న 33 కేవీ విద్యుత్తు లైన్ పనుల్లో నిర్లక్ష్యం కొట్టొచ్చినట్లు కనిపిస్తోంది. పది కిలోమీటర్ల మేర పనులు ఇంకా పూర్తికాకముందే, వేసిన 200లకి పైగా స్తంభాలు ఎక్కడికక్కడ కూలిపోతున్నాయి. చిన్న వర్షాలకే స్తంభాలు వాలిపోవడంతో రోడ్డుపై వెళ్లే వాహనదారులు, ప్రజలు తీవ్ర భయాందోళన చెందుతున్నారు.

Local· 1h ago

అమరావతి కార్మికులకు కనీస వసతులు కల్పించాలి

గుంటూరు జిల్లా రాయపూడిలో అమరావతి రాజధాని నిర్మాణ పనుల్లో పాల్గొంటున్న కార్మికుల సమస్యలపై ఏడీసీ ఛైర్‌పర్సన్, మేనేజింగ్ డైరెక్టర్ డి. లక్ష్మీపార్థసారథి సమీక్ష నిర్వహించారు. వివిధ నిర్మాణ సంస్థల్లో పనిచేస్తున్న కార్మికులతో మాట్లాడి వారి సమస్యలను తెలుసుకున్నారు. వేతనాలు పెంచాలని, క్యాంపుల్లో నిత్యావసర వస్తువుల ధరలను నియంత్రించాలని కార్మికులు కోరారు. వైద్య సదుపాయాలు, తాగునీరు, పారిశుద్ధ్యం, మరుగుదొడ్లు, భద్రత కల్పించాలని విజ్ఞప్తి చేశారు.