‘ది ప్యారడైజ్’ లాంటి సినిమా వెంటనే చేయను

‘ది ప్యారడైజ్’ సినిమా కోసం తొమ్మిది నెలలు పనిచేశానని నటుడు నాని తెలిపారు. ఆ సినిమా ప్రయాణం తనకు నచ్చిందని, అయితే వెంటనే అలాంటి మరో సినిమా చేయాలనుకోవడం లేదని చెప్పారు. తర్వాత పూర్తిగా భిన్నమైన కథను ఎంచుకోవాలని భావిస్తున్నట్లు వివరించారు. యాక్షన్ సినిమాలతో పాటు భావోద్వేగాలు, ప్రేమకు ప్రాధాన్యం ఉన్న కథల్లోనూ నటించాలని అనుకుంటున్నట్లు తెలిపారు. ఒకే తరహా పాత్రలకు పరిమితం కాకుండా కొత్త కథలతో ప్రేక్షకులను అలరించాలనుకుంటున్నట్లు చెప్పారు.