అంతర్జాతీయ వేదికలపై నాగాలాండ్ సినిమా ‘ఆంగ్’

By Vishi· 2h ago

నాగాలాండ్‌కు చెందిన యువ దర్శకుడు థేజా రియో తీసిన ‘ఆంగ్’(Angh) సినిమా అంతర్జాతీయంగా పేరు తెచ్చుకుంటోంది. 2027 ఆస్కార్ అవార్డుల్లో బెస్ట్ ఇంటర్నేషనల్ ఫీచర్ ఫిల్మ్ విభాగంలో పోటీ చేయడానికి అర్హత సాధించింది. నాగాలాండ్ నుంచి ఇలాంటి గుర్తింపు రావడం ఇదే మొదటిసారి. 1960లో నాగాలాండ్‌లో క్రైస్తవ మతవ్యాప్తి, దాన్ని కాదని తమ జీవనవిధానానికి కట్టుబడి ఉండటం ఇందులోని అంశం. కోన్యాక్ భాషలో తీసిన ఈ సినిమా దర్శకుడికి తొలి సినిమా కావడం విశేషం.

More in National

National· 17m ago

AAP డోనర్స్ లిస్ట్‌లో CJP కోకన్వీనర్

ఆప్‌(Aam Aadmi Party)కు ఎవరు ఎంత డొనేట్ చేశారో లిస్ట్ బయటకొచ్చింది. 2025-26 ఆర్థిక సంవత్సరానికి ఈసీకి ఇచ్చిన రిపోర్ట్‌లో 1,202 ఎంట్రీలు ఉన్నాయి. పార్టీకి మొత్తం 12.10 కోట్ల రూపాయల విరాళాలు వచ్చినట్లు తెలిపింది. ఇందులో CJP కోకన్వీనర్ ఆశుతోష్ రాంకా 21,100 రూపాయలు ఇచ్చారు. ప్రూడెంట్ ఎలక్టోరల్ ట్రస్ట్, ట్రైడెంట్ లిమిటెడ్ చెరో 5 కోట్ల రూపాయలు ఇచ్చాయి. కేజ్రీవాల్ మూడు సార్లు 10 వేల రూపాయల చొప్పున మొత్తం 30 వేల రూపాయలు డొనేట్ చేశారు.

National· 1h ago

EVM వద్దు.. బ్యాలెట్ పేపర్ తీసుకురావాలి: మాయావతి

‘EVM వద్దు.. బ్యాలెట్ పేపర్ తీసుకురావాలి’ అంటూ BSP జాతీయ అధ్యక్షురాలు, UP మాజీ CM, MP మాయావతి ఒక ప్రెస్‌నోట్ రిలీజ్ చేశారు. దేశంలో ఈవీఎంల ద్వారా జరుగుతున్న మోసాలు, గందరగోళాలపై ఆమె రియాక్ట్ అయ్యారు. అంబేద్కర్ రాజ్యాంగం ద్వారా ఇచ్చిన ఓటు హక్కును ఎన్నికల కమిషన్‌ రక్షించాలని చెప్పారు. ఎన్నికలు న్యాయంగా జరగాలన్నారు. కాంగ్రెస్ ప్రభుత్వం ఉన్నప్పుడు బీజేపీ EVMలను వ్యతిరేకించిందని, కానీ బీజేపీ అధికారంలోకి వచ్చాక EVMలను కొనసాగించిందని నోట్‌లో పేర్కొన్నారు.

National· 2h ago

అమ్మాయికి అవమానం.. CM స్పందించారు

తనకు జరిగిన అవమానానికి కేరళం సీఎంనే కదిలించింది ఓ యువతి. కేరళ(KSRTC) బస్సుల్లో మహిళలకు ఉచిత ప్రయాణం సౌకర్యం ఉంది. ఎర్నాకుళం జిల్లా నార్త్ పరవూర్‌కు చెందిన 12వ తరగతి విద్యార్థిని షార్ట్ హెయిర్‌తో ఉంది. బస్సులో ట్రావెల్ చేస్తుండగా, “నువ్వు అమ్మాయిలా కనిపించట్లేదు” అంటూ కండక్టర్ ఆమెకు ఫ్రీ టికెట్ ఇవ్వలేదు. అమ్మాయినేనని చెప్పినా వినకుండా ఎగతాళి చేశాడు. దీంతో ఆమె కంప్లైంట్ చేసింది. KSRTC కండక్టర్‌ను సస్పెండ్ చేసింది. CM సైతం ఈ విషయంపై స్పందించారు.

National· 2h ago

చలాన్లు కట్టకపోతే కరెంట్ బిల్లుతో లింక్?: సుప్రీం కోర్టు

పెండింగ్ ట్రాఫిక్ చలాన్ల వసూళ్లపై సుప్రీం కోర్టు కీలక సూచనలు చేసింది. పెండింగ్ ఫైన్లను విద్యుత్ బిల్లులకు లింక్ చేసే ఆలోచనను రాష్ట్రాలు, UTలు పరిశీలించాలని సూచించింది. అవసరమైతే చలాన్లు చెల్లించని వాహనాలను సీజ్ చేయడం, డ్రైవింగ్ లైసెన్స్, RC, ఫిట్‌నెస్, PUC రెన్యూవల్‌ను నిలిపివేయడం, వెహికల్స్‌ను పరివాహన్ పోర్టల్‌లో బ్లాక్‌లిస్ట్ చేయడం వంటి స్టెప్స్ తీసుకోవచ్చని తెలిపింది. ఇవి కేవలం సూచనలు మాత్రమేనని కోర్టు క్లారిటీ ఇచ్చింది.