అక్కడికి వెళ్లే టూరిస్టులకు అధికారుల సూచన
By Mahesh· 31 Jul 2026
AP: భారీ వర్షాలతో గోదావరి నదిలో వరద వేగంగా పెరగడంతో పాపికొండల టూర్లను అధికారులు ప్రస్తుతం రద్దు చేశారు. దేవీపట్నం గండిపోశమ్మ ఘాట్, పోచవరం బోట్ పాయింట్ల నుంచి నడిచే ఏపీ టూరిజం బోటుతో పాటు 15 ప్రైవేట్ బోట్ల ప్రయాణాన్ని పూర్తిగా ఆపేసారు. అధికారులు తదుపరి ఉత్తర్వులు ఇచ్చే వరకు టూరిస్టులు పాపికొండల యాత్రకు రావద్దని సూచించారు. టూరిస్టుల సేఫ్టీని దృష్టిలో ఉంచుకుని జలవనరుల శాఖ, పర్యాటక శాఖ ఈ నిర్ణయం తీసుకున్నట్లు అధికారులు తెలిపారు.
