రెంటపాళ్లలో పెన్షన్ల పంపిణీ.. పాల్గొన్న MLA

By Siva· 1h ago· Rentapalla, Sattenapalli, Palnadu

పల్నాడు జిల్లా సత్తెనపల్లి మండలం రెంటపాళ్ల గ్రామంలో పల్లెపండుగ కార్యక్రమం నిర్వహించారు. కార్యక్రమంలో MLA కన్నా లక్ష్మీనారాయణ, జిల్లా కలెక్టర్ కృతికా శుక్ల పాల్గొన్నారు. ఈ సందర్భంగా ఎన్టీఆర్ భరోసా పెన్షన్లను లబ్ధిదారుల ఇంటింటికీ వెళ్లి పంపిణీ చేశారు. లబ్ధిదారులతో మాట్లాడి వారి సమస్యలను అడిగి తెలుసుకున్నారు. అనంతరం గ్రామంలో రూ.26 లక్షల వ్యయంతో చేపట్టనున్న CC రోడ్ల నిర్మాణానికి శంకుస్థాపన చేశారు. గోకులం షెడ్లను ప్రారంభించారు.

More in Local

Local· 1m ago

శిథిలావస్థలో పాఠశాల.. విద్యార్థుల భద్రతపై ఆందోళన

పోలవరం జిల్లా చింతూరు మండలం కల్లేరు పంచాయతీ సూరన్నగొంది గ్రామంలోని గిరిజన ప్రాథమిక పాఠశాల భవనం శిథిలావస్థకు చేరుకోవడంతో విద్యార్థుల భద్రతపై తల్లిదండ్రులు, గ్రామస్థులు ఆందోళన వ్యక్తం చేస్తున్నారు. భవనం గోడలకు ప్లాస్టరింగ్ ఊడిపోయి ఇటుకలు బయటకు కనిపిస్తున్నాయి. పైకప్పు, గోడలు పాతబడిపోవడంతో నిర్వహణ లోపం స్పష్టంగా కనిపిస్తోంది. పాఠశాల ముందు ఏర్పాటు చేసిన కంచె కూడా తాత్కాలికంగా, అస్తవ్యస్తంగా ఉండటంతో పరిసరాలు అధ్వానంగా మారాయి.

Local· 5m ago

జగిత్యాల జిల్లాలో Police Act అమలు

జగిత్యాల జిల్లా వ్యాప్తంగా అక్టోబర్ 1 నుంచి 31 వరకు Police Act–1861 అమల్లో ఉంటుందని SP అశోక్ కుమార్ తెలిపారు. శాంతిభద్రతల పరిరక్షణలో భాగంగా పోలీసుల అనుమతి లేకుండా ధర్నాలు, రాస్తారోకోలు, నిరసనలు, ర్యాలీలు, బహిరంగ సభలు, సమావేశాలు నిర్వహించరాదని సూచించారు. నిబంధనలకు విరుద్ధంగా DJలు వినియోగించవద్దని చెప్పారు. ప్రభుత్వ ఆస్తులకు నష్టం కలిగించే చట్టవ్యతిరేక కార్యక్రమాలకు పాల్పడితే చర్యలు ఉంటాయని హెచ్చరించారు.

Local· 6m ago

నిబంధనలు ఉల్లంఘిస్తే చర్యలు: CP

పెద్దపల్లి జిల్లా రామగుండం పోలీస్ కమిషనరేట్ పరిధిలోని పెద్దపల్లి, మంచిర్యాల జోన్‌లలో అక్టోబర్ 1 నుంచి నవంబర్ 1 వరకు నిషేధాజ్ఞలు అమల్లో ఉంటాయని CP అంబర్ కిషోర్ ఝా తెలిపారు. బహిరంగ ప్రదేశాల్లో మద్యం సేవించడం, DJ సౌండ్, అనుమతి లేని డ్రోన్ల వినియోగంపై నిషేధం కొనసాగుతుందని చెప్పారు. DJలు వినియోగించాలంటే సంబంధిత ACP నుంచి ముందస్తు అనుమతి తీసుకోవాలని సూచించారు. అనుమతి లేకుండా ధర్నాలు, ర్యాలీలు, రాస్తారోకోలు, సభలు, సమావేశాలు నిర్వహించరాదన్నారు.

Local· 8m ago

పార్టీ మారిన ఇద్దరిపై సీపీఎం యాక్షన్

అల్లూరి సీతారామరాజు జిల్లా అరకు మండలం పద్మాపురం గ్రామ శాఖకు చెందిన కిలో మహేష్, పొట్టంగి కుమార్‌లను సీపీఎం నుంచి తొలగించినట్లు మండల కార్యదర్శివర్గ సభ్యుడు జె. భగత్‌రామ్ తెలిపారు. వారు టీడీపీలో చేరిన నేపథ్యంలో పార్టీ ఈ నిర్ణయం తీసుకున్నట్లు చెప్పారు. ఈ సందర్భంగా భగత్‌రామ్ మాట్లాడుతూ.. టీడీపీ ప్రభుత్వం గిరిజనుల హక్కులకు విఘాతం కలిగిస్తోందని ఆరోపించారు. రాబోయే స్థానిక ఎన్నికల్లో కూటమిని ఓడిస్తామని అన్నారు.