భారీ వర్షంతో హుస్నాబాద్ బస్టాండ్ జలమయం

భారీ వర్షంతో సిద్దిపేట జిల్లా హుస్నాబాద్ బస్టాండ్‌లోకి వరద నీరు చేరడంతో ప్రయాణికులు తీవ్ర ఇబ్బందులు ఎదుర్కొన్నారు. బస్టాండ్‌లో నీరు నిలిచిపోవడంతో రాకపోకలకు అంతరాయం ఏర్పడింది. మున్సిపల్ యంత్రాంగం వెంటనే స్పందించి వరద నీటిని తొలగించే చర్యలు చేపట్టింది. మున్సిపల్ చైర్మన్, కౌన్సిలర్లు బస్టాండ్‌కు చేరుకుని పరిస్థితిని పరిశీలించారు. ప్రయాణికులకు ఇబ్బందులు లేకుండా అవసరమైన సహాయక చర్యలు కొనసాగిస్తున్నట్లు అధికారులు తెలిపారు.