బాత్‌రూమ్‌లో ఎక్కువసేపు ఉంటే డోర్ ఆటో ఓపెన్!

By Mahesh· 1d ago· TOI· New York

న్యూయార్క్‌లో పబ్లిక్ బాత్‌రూమ్‌ల విషయంలో కొత్త రూల్స్ వచ్చాయి. నగరంలో కొత్తగా ఏర్పాటు చేసిన హైటెక్ పబ్లిక్ బాత్‌రూమ్‌లు ఫ్రీగా అందుబాటులో ఉంటాయి. అయితే వీటిని యూజ్ చేయడానికి 10 నిమిషాల టైమ్ లిమిట్ పెట్టారు. 5, 8 నిమిషాలకు అలర్ట్స్ వస్తాయి. 10 నిమిషాలు పూర్తయ్యాక డోర్ ఆటోమేటిక్‌గా ఓపెన్ అవుతుంది. బాత్‌రూమ్‌లో ఎక్కువసేపు కూర్చొని ఫోన్ స్క్రోల్ చేయకుండా ఉండేందుకే ఈ రూల్ పెట్టినట్లు మేయర్ జోహ్రాన్ మమ్దానీ తెలిపారు.

More in International

International· 4h ago

రియాద్‌పై హౌతీల దాడి.. ఎయిర్‌పోర్ట్ దగ్గర పొగ

యెమెన్‌కు చెందిన హౌతీలు శనివారం సౌదీ అరేబియా రాజధాని రియాద్‌పై క్షిపణులు, డ్రోన్లతో దాడి చేసినట్లు ప్రకటించారు. రియాద్‌లోని కొన్ని కీలక ప్రాంతాలను లక్ష్యంగా చేసుకున్నట్లు చెప్పారు. కింగ్ ఖలీద్ ఎయిర్‌పోర్ట్ దగ్గర మంటలు, భారీ నల్లటి పొగ కనిపించాయి. రియాద్ వైపు వచ్చిన క్షిపణిని అడ్డుకున్నట్లు సౌదీ రక్షణ వ్యవస్థ తెలిపింది. ఈ దాడికి ముందు సౌదీ దళాలు యెమెన్ రాజధాని సనాపై దాడి చేశాయనీ, దానికి ప్రతిస్పందనగానే ఈ దాడి చేశామని హౌతీలు చెప్పారు.

భారత్–అమెరికా సైనిక విన్యాసాల్లో M777 ఫైరింగ్!

▶

International· 5h ago

భారత్–అమెరికా సైనిక విన్యాసాల్లో M777 ఫైరింగ్!

భారత్, అమెరికా సైనికులు కలిసి ‘యుద్ధ్ అభ్యాస్’ చేస్తున్నారు. రాజస్థాన్‌లోని మహాజన్ ఫైరింగ్ రేంజ్‌లో భారత సైనికులు M777 అనే పెద్ద ఆర్టిలరీ గన్స్‌తో ఫైరింగ్ చేశారు. దీన్ని అమెరికా సైనికులు దగ్గరుండి చూశారు. తర్వాత భారత జవాన్లతో కలిసి M777పై ట్రైనింగ్ తీసుకున్నారు. రెండు దేశాల సైనికులు తమ అనుభవాలను ఒకరికొకరు పంచుకున్నారు. కలిసి పనిచేసే సామర్థ్యాన్ని ఈ విన్యాసాలతో మరింత పెంచుకోవాలని రెండు దేశాల సైన్యాలూ చూస్తున్నాయి.

International· 5h ago

AI గేమ్‌లోకి ఎంటర్.. బెట్టింగ్ చేసేవాళ్లే Target?

అమెరికాకు చెందిన DraftKings అనే ఆన్‌లైన్ బెట్టింగ్ కంపెనీపై New York Times చేసిన పరిశోధనలో కొన్ని విషయాలు బయటపడ్డాయి. కస్టమర్లు ఎంత బెట్టింగ్ చేస్తున్నారు అనే సమాచారాన్ని AIతో పరిశీలించి.. మళ్లీ బెట్టింగ్ చేసే అవకాశం ఉన్నవారిని ఆ కంపెనీ గుర్తించినట్లు రిపోర్ట్ తెలిపింది. ఆ తర్వాత కొందరికి Free Bets, Bonuses వంటి ఆఫర్లు పంపినట్లు మాజీ ఉద్యోగులు చెప్పారు. ఇలా.. ఎక్కువగా బెట్టింగ్ చేసే వారిని గుర్తించి, మళ్లీ బెట్టింగ్ చేసేలా ఆఫర్లు ఇచ్చారనే ఆరోపణలు వచ్చాయి.

International· 7h ago

భూమి చుట్టూ చెత్తే చెత్త.. స్పేస్‌కు బిగ్ రిస్క్!

భూమి చుట్టూ తిరిగే కక్ష్యలో వేల పాత శాటిలైట్లు, రాకెట్ ముక్కలు, చిన్న చిన్న శకలాలు ఉన్నాయి. 10 సెంటీమీటర్ల కంటే పెద్ద వ్యర్థాలు 50 వేలకుపైగా ఉన్నట్లు సమాచారం. 1 నుంచి 10 సెంటీమీటర్ల మధ్య ఉన్న ముక్కలు 12 లక్షలకు పైగా ఉండగా.. చిన్న పెయింట్ రేణువులు, ఇతర శకలాలు వందల కోట్లలో ఉన్నాయని అంచనా. ఇవి అంతరిక్షంలో చాలా వేగంగా తిరుగుతుండటంతో శాటిలైట్లు, ISSను ఢీకొడితే భారీ నష్టం జరిగే ప్రమాదం ఉంది. అందుకే ESA, ISRO లాంటి సంస్థలు స్పేస్ చెత్తను తొలగించే టెక్నాలజీపై పనిచేస్తున్నాయి.