రూపా రెడ్డి హత్యకు నిరసనగా ఉపాధ్యాయుల ర్యాలీ

By teju tv A· 21 Aug 2026· కొండమల్లేపల్లి

TG : నల్గొండ జిల్లా కొండమల్లేపల్లిలో ప్రిన్సిపాల్ రూపా రెడ్డి హత్యను ఖండిస్తూ కల్వకుర్తిలో ఉపాధ్యాయులు నిరసన తెలిపారు. మహబూబ్‌నగర్ చౌరస్తాలో మానవహారం నిర్వహించి ఆమె ఫోటోకి నివాళులర్పించారు. ఉపాధ్యాయులపై దాడులు ఆగాలంటే టీచర్స్ ప్రొటెక్షన్ యాక్ట్ తీసుకురావాలని, మత్తు పదార్థాలను అరికట్టాలని ఆర్డీవోకు వినతిపత్రం ఇచ్చారు. ఈ కార్యక్రమంలో JAC నాయకుడు రాజేందర్, ఉపాధ్యాయులు పాల్గొన్నారు.

More in Local

Local· 12m ago

స్టూడెంట్స్‌కి యాంటీ డ్రగ్స్ అవేర్‌నెస్

TG : విద్యార్థులు మత్తు పదార్థాల బారిన పడకుండా నందిపేట్ పోలీసులు స్పెషల్ అవేర్‌నెస్ ప్రోగ్రామ్ నిర్వహించారు. పద్మశాలి కళ్యాణ మండపంలో SI వినయ్ కుమార్ ఆధ్వర్యంలో జరిగిన ఈ ఈవెంట్‌కు 7 నుంచి 10వ తరగతి స్టూడెంట్స్ హాజరయ్యారు. డ్రగ్స్ వల్ల హెల్త్, ఫ్యూచర్ ఎలా పాడవుతాయో వీడియోల ద్వారా చూపించి చైతన్యం తెచ్చారు. ఈగల్ టీం సభ్యులు కూడా పాల్గొని విద్యార్థి దశ నుంచే మత్తు పదార్థాలకు దూరంగా ఉండాలని హెచ్చరించారు.

Local· 17m ago

దళిత మహిళపై పోలీసుల దాడి?

AP : కడప జిల్లా సిద్ధవటం మండలం నేకనాపురంలో ఓ దళిత మహిళపై పోలీసులు లాఠీతో దాడి చేశారని ఎస్సీ సంక్షేమ సంఘం ఆరోపించింది. ఇంటి దగ్గర ఎలాంటి గొడవ లేకపోయినా SI, ఇద్దరు కానిస్టేబుళ్లు వెళ్లి ఆమెను దూషించి, కొట్టడంతో చేయి గాయపడిందని చెప్పారు. బాధితురాలు సిద్ధవటం ఆసుపత్రిలో ట్రీట్మెంట్ తీసుకుంది. ఈ ఘటనపై విచారణ జరిపి సదరు పోలీసులపై యాక్షన్ తీసుకోవాలని డిమాండ్ చేస్తూ ఎస్సీ సంక్షేమ సంఘం నేతలు జిల్లా ఎస్పీకి ఫిర్యాదు చేశారు.

Local· 32m ago

తాటిపాకలో టన్నున్నర రేషన్ బియ్యం సీజ్

AP : రాజోలు మండలం తాటిపాకలో అక్రమంగా తరలిస్తున్న టన్నున్నర పీడీఎస్ (రేషన్) బియ్యాన్ని అధికారులు పట్టుకున్నారు. పొదలాడ నుంచి టాటా ఏస్ వాహనంలో ఈ బియ్యం తరలిస్తున్నారనే సమాచారంతో అధికారులు బియ్యాన్ని స్వాధీనం చేసుకున్నారు. ఈ బియ్యం మలికిపల్లికి చెందిన అడబాల సూర్యనారాయణ అనే వ్యక్తివిగా అధికారులు గుర్తించారు. అతనిపై కేసు నమోదు చేసి, బియ్యాన్ని తరలిస్తున్న టాటా ఏస్ వెహికల్‌ను సీజ్ చేశారు.

Local· 47m ago

హాస్టళ్లపై స్పెషల్ ఫోకస్ పెట్టాలన్న కలెక్టర్

TG : నాగర్‌కర్నూల్ ఐడీఓసీ హాల్‌లో జరిగిన ప్రజావాణిలో కలెక్టర్ హేమంత కేశవ్ పాటిల్ పబ్లిక్ నుంచి 50 వినతులు రిసీవ్ చేసుకున్నారు. వచ్చిన ఫిర్యాదులను టైమ్‌కి సాల్వ్ చేసి, ఆ వివరాలు ప్రజలకు తెలియజేయాలని అధికారులను ఆదేశించారు. హాస్టళ్లు, ఆశ్రమ స్కూల్స్‌ని ఇన్‌స్పెక్షన్ చేయాలని.. స్టూడెంట్స్ ఫుడ్, హాస్టల్ ఫెసిలిటీస్, శానిటేషన్‌పై స్పెషల్ ఫోకస్ పెట్టాలని చెప్పారు.