OCT 2న చలో చిట్యాల - దళిత సంఘాల పిలుపు

By సందీప్· 1h ago· Makthal, Makthal, Narayanpet

నారాయణపేట జిల్లా, మక్తల్ మండలం, చిట్యాలలో దళిత సంఘాల ఐక్యవేదిక విలేకరుల సమావేశం పెట్టింది. చిట్యాల మాజీ సర్పంచ్, BRS నేత మారుతి గౌడ్ కుమారుడు సత్యం గౌడ్‌పై ఆరోపణలు వచ్చాయి. దళిత యువతిని మోసం చేసి, పెళ్లి తర్వాత వారంలోనే వదిలేశాడని సంఘాలు ఆరోపించాయి. కులం కారణంగానే ఇలా చేశాడని ఆగ్రహం వ్యక్తం చేశాయి. అమ్మాయినే దోషిగా చూపితే సహించేది లేదని హెచ్చరించారు. అక్టోబర్ 2న చిట్యాలలో నిరసనకు పిలుపునిచ్చారు. అలాగే దళిత అమ్మాయి అని అమ్మాయినే దోషిగా చూపించే ప్రయత్నాలు జరుగుతున్నాయని, వీటిని సహించబోమన్నారు.

More in Local

▶

Local· 3m ago

ఉత్తరాంధ్ర అభివృద్ధే లక్ష్యం : MLA

విజయనగరం జిల్లా రాజాంలో మాజీ జడ్పీ చైర్మన్ మజ్జి శ్రీను (చిన్న శ్రీను) చీపురుపల్లి ఎమ్మెల్యే కళా వెంకట్రావును కలిశారు. అనంతరం మీడియా సమావేశంలో ఎమ్మెల్యే మాట్లాడారు. భోగాపురం ఎయిర్పోర్ట్ రాకతో ఉత్తరాంధ్ర వెనుకబాటు తొలగిపోతుందని ఆయన అన్నారు. యువ నాయకుడు చిన్న శ్రీను TDPలో చేరడంతో పార్టీకి బలం పెరిగిందని తెలిపారు. చిన్న శ్రీను మాట్లాడుతూ.. రానున్న స్థానిక ఎన్నికల్లో కూటమి ప్రభుత్వానికి తన వంతు కృషి చేస్తానన్నారు. ఉత్తరాంధ్ర అభివృద్ధి కోసం సీనియర్ నాయకులతో కలిసి పనిచేస్తామని చెప్పారు.

Local· 9m ago

కాళేశ్వరం నీళ్లు రాలే.. పంట ఎండింది

వరంగల్ జిల్లా దుగ్గొండి మండలం వెంకటాపురంలో మహిళా రైతు లక్ష్మి నిరసన తెలిపారు. కాళేశ్వరం నీళ్లు రాక తన పంట ఎండిపోయిందని ఆమె ఆవేదన వ్యక్తం చేశారు. పొలంలో ఫ్లెక్సీ ఏర్పాటు చేసి తన నిరసనను చాటుకున్నారు. కాలువలో నీళ్లు అందితే పంట దక్కేదని ఆమె అన్నారు. ప్రస్తుతం అప్పులు తీర్చలేని పరిస్థితి ఏర్పడిందని తెలిపారు. ఇలాంటి పరిస్థితి ఇంకా ఎంత కాలమని, తక్షణమే ప్రభుత్వం, అధికారులు స్పందించాలని ఆమె డిమాండ్ చేస్తున్నారు.

Local· 13m ago

ఆళ్ల నాని మృతికి ఎంపీ పుట్టా నివాళి..!

ఏలూరు జిల్లాలో మాజీ మంత్రి, మాజీ ఎమ్మెల్యే ఆళ్ల నాని మృతి చెందారు. ఆయన భౌతికకాయానికి ఏలూరులోని నివాసంలో ఎంపీ పుట్టా మహేశ్ కుమార్ పూలమాల వేసి ఘన నివాళులర్పించారు. ఆళ్ల నాని మృతి ఏలూరు జిల్లాకు తీరని లోటని ఎంపీ పేర్కొన్నారు. కుటుంబ సభ్యులకు ప్రగాఢ సానుభూతి తెలియజేశారు. ఆత్మకు శాంతి చేకూరాలని ప్రార్థించారు.

▶

Local· 16m ago

నిరుపేద మృతుడికి సీఐ సాయం..!

విజయనగరం జిల్లా రాజాం పట్టణంలో కుమ్మర వీధికి చెందిన పత్తి వెంకట్రావు అనారోగ్యంతో మృతి చెందాడు. ఆయనకు భార్య పద్మావతి తప్ప ఎవరూ లేరు. అంత్యక్రియలు చేయడానికి ఆమె ఇబ్బంది పడుతుండగా, రాజాం పట్టణ సీఐ నవీన్ కుమార్ స్పందించారు. ఆయన అంత్యక్రియలకు అవసరమైన ఏర్పాట్లు చేశారు. అలాగే పద్మావతికి ఆర్థిక సహాయం అందించారు. ఈ సాయం ప్రజలందరినీ ఆకట్టుకుంది. మీ ఊరిలో ఇలాంటి మానవత్వం ఉందా? మీ ఊరి వార్త మీరే పంపండి!