టీ-సేవా కేంద్రాల ఏర్పాటుకు దరఖాస్తుల ఆహ్వానం

By DK· 11h ago

TG: రాష్ట్రవ్యాప్తంగా టీ-సేవా కేంద్రాల ఏర్పాటుకు అర్హత, ఆసక్తి ఉన్న అభ్యర్థుల నుంచి దరఖాస్తులు ఆహ్వానిస్తున్నట్లు టీ-సేవా ఆన్‌లైన్ స్కిల్ సెంటర్ హైదరాబాద్ డైరెక్టర్ వెంకట్ రెడ్డి తెలిపారు. జిల్లా, మున్సిపాలిటీ, పంచాయతీ, మండల కేంద్రాల్లో ఈ కేంద్రాలను ఏర్పాటు చేసుకునే అవకాశం ఉందన్నారు. కొత్త పాన్ కార్డుల దరఖాస్తులు, సవరణలు, బస్సు, రైలు, విమాన టికెట్ల బుకింగ్, బ్యాంకు నగదు బదిలీలు, ఆధార్ ఆధారిత సేవలు, మైక్రో ఏటీఎం, క్యాష్ డిపాజిట్ బిల్లుల చెల్లింపులు వంటి సేవల ద్వారా ఉపాధి పొందవచ్చన్నారు.

More in TG

TG· just now

KCRకి పాలాభిషేకం

TG : ఆదిలాబాద్‌ జిల్లా ముక్రా గ్రామస్థులు గురువారం BRS అధినేత కేసీఆర్‌కు పూర్తి సపోర్ట్ తెలుపుతూ ఆయన ఫోటోకు పాలాభిషేకం చేశారు. దళిత బస్తీ స్కీమ్‌లో భాగంగా తమకు 3 ఎకరాల ల్యాండ్ ఇచ్చి కూలీలను రైతులుగా మార్చింది కేసీఆరేనని గ్రామస్థులు చెప్పారు. దళితుల కోసం దళిత బంధు తెచ్చిన గొప్ప లీడర్ కేసీఆర్ అని అన్నారు. సీఎం రేవంత్ రెడ్డి దళిత డిక్లరేషన్ పేరుతో దళితులను మోసం చేశారని ఆరోపించారు.

TG· 1h ago

పెట్రోల్ బంక్‌లోకి బస్సు.. సీసీటీవీలో షాకింగ్ సీన్!

TG: హైదరాబాద్ ఔటర్ ఏరియాలో RTC బస్సు ఒక్కసారిగా బీభత్సం సృష్టించింది. అబ్దుల్లాపూర్‌మెట్ బాటసింగారం వద్ద బైక్‌ను తప్పించబోయి బస్సు కంట్రోల్ తప్పి నేరుగా పెట్రోల్ బంక్‌లోకి దూసుకెళ్లింది. బంక్‌లో ఉన్న రెండు కార్లు, ఓ ఆటోతో పాటు డీజిల్ పంపును ఢీకొట్టింది. పెద్ద ప్రమాదం తప్పడంతో అంతా ఊపిరి పీల్చుకున్నారు. ఈ యాక్సిడెంట్‌కు సంబంధించిన షాకింగ్ విజువల్స్ సీసీ కెమెరాలో రికార్డ్ అయ్యాయి.

ఆ జీవో వద్దంటే వద్దు.. భగ్గుమంటున్న విద్యార్థి లోకం!

▶

TG· 1h ago

ఆ జీవో వద్దంటే వద్దు.. భగ్గుమంటున్న విద్యార్థి లోకం!

తెలంగాణలో పాలిటెక్నిక్ విద్యార్థులు నెల రోజులుగా ఆందోళన చేస్తున్నారు. తాజాగా హైదరాబాద్‌లో ధర్నా చేస్తున్న విద్యార్థులను పోలీసులు అడ్డుకున్నారు. ప్రభుత్వం GO MS 97 ద్వారా పాలిటెక్నిక్‌లను యంగ్ ఇండియా స్కిల్స్ యూనివర్సిటీలో విలీనం చేయాలని నిర్ణయించింది. ఇది పబ్లిక్-ప్రైవేట్ భాగస్వామ్యం కింద ఉంది. దీని వల్ల తాము SBTET స్వతంత్రత కోల్పోతామనీ, ఫీజులు పెరుగుతాయనీ, స్కాలర్‌షిప్‌లు తగ్గుతాయనీ, ECET ద్వారా ఇంజనీరింగ్ లేటరల్ ఎంట్రీ అవకాశం కోల్పోతామనీ విద్యార్థులు ఆందోళన వ్యక్తం చేస్తున్నారు.

TG· 2h ago

కొత్త పెన్షన్లపై ప్రభుత్వం బిగ్ అప్‌డేట్

TG: రాష్ట్రంలో చాలా మంది కొత్త పెన్షన్ల కోసం ఎదురుచూస్తున్న టైంలో ప్రభుత్వం కీలక ప్రకటన చేసింది. సదరం సర్టిఫికెట్ రెన్యూవల్ చేయకపోవడంతో కొందరికి పెన్షన్లు నిలిచిపోయాయని మంత్రి సీతక్క తెలిపారు. దివ్యాంగుల దరఖాస్తులు స్వీకరిస్తున్నామనీ, ఇందుకు సెప్టెంబర్ 15 చివరి తేదీ అని వివరించారు. క్షేత్రస్థాయి పరిశీలన తర్వాత పెన్షన్లు ఇస్తామన్నారు. అనర్హుల పేర్లను తొలగిస్తున్నామన్న ఆమె.. తలసేమియా బాధితులకు కూడా పెన్షన్లు ఇచ్చే కార్యక్రమాన్ని సీఎం రేవంత్‌రెడ్డి ప్రారంభించారని తెలిపారు.