క్లోరినేషన్ తర్వాతే నీటి సరఫరా.. కమిషనర్ స్పష్టం

By epuri rajaratnam· 26 Aug 2026

AP: గుంటూరు జిల్లా మంగళగిరి–తాడేపల్లి నగరపాలక సంస్థ పరిధిలో తాగునీటి రంగులో స్వల్ప మార్పు కనిపించడంతో ప్రజల్లో ఆందోళన నెలకొంది. గోదావరి జలాలు కృష్ణానదిలో కలవడం వల్ల నీటిరంగులో మార్పు చోటుచేసుకున్నట్లు అధికారులు తెలిపారు. నీటిని క్లోరినేషన్ చేసి, శుద్ధిచేసిన అనంతరమే ప్రజలకు సరఫరా చేస్తున్నామని కమిషనర్ స్పష్టంచేశారు. మరోవైపు పలు ప్రాంతాల్లో పైపులైన్ లీకేజీలు కూడా నీటి నాణ్యతపై ప్రభావం చూపుతున్నట్లు అధికారులు గుర్తించారు. ప్రజలు ముందుజాగ్రత్తగా నీటిని కాచి, చల్లార్చుకున్న తర్వాతే తాగాలని సూచించారు.

More in Local

Local· just now

అర్ధరాత్రి కరెంట్ కట్.. నర్సంపేటలో ఆగ్రహం

TG: వరంగల్ జిల్లా నర్సంపేట పట్టణంలో విద్యుత్ కోతలపై ప్రజలు తీవ్ర ఆగ్రహం వ్యక్తం చేస్తున్నారు. శనివారం అర్ధరాత్రి సుమారు గంటన్నరపాటు విద్యుత్ సరఫరా నిలిచిపోవడంతో వృద్ధులు, చిన్నారులు దోమల బెడదతో తీవ్ర ఇబ్బందులు పడ్డారు. ముందస్తు సమాచారం లేకుండా, నిర్ణీత సమయపాలన లేకుండా కోతలు విధించడంపై స్థానికులు అసంతృప్తి వ్యక్తం చేశారు. అనవసర కోతలను నివారించాలని, అత్యవసర పరిస్థితుల్లో సరఫరా నిలిపివేస్తే ముందుగానే ప్రజలకు సమాచారం ఇవ్వాలని విద్యుత్ శాఖ అధికారులను స్థానికులు కోరారు.

Local· 4m ago

పట్టుదలతో చదివి MBBS సీటు సాధించిన అక్షర

TG: వరంగల్ జిల్లా దుగ్గొండి మండలం మర్రిపల్లి గ్రామానికి చెందిన అక్షర వైద్య విద్యలో సత్తాచాటింది. దానం రఘు–శ్రీలత దంపతుల కుమార్తె అక్షర ఇటీవల వెలువడిన NEET ఫలితాల్లో 488 మార్కులు సాధించి, యాదాద్రి భువనగిరి ప్రభుత్వ వైద్య కళాశాలలో MBBS సీటు పొందింది. గ్రామీణ ప్రాంతానికి చెందినప్పటికీ పట్టుదలతో చదివి వైద్య విద్యలో ప్రవేశం సాధించడంపై మర్రిపల్లి గ్రామస్థులు హర్షం వ్యక్తం చేశారు. ప్రజాప్రతినిధులు, అధికారులు, విద్యావేత్తలు అక్షరను అభినందించి భవిష్యత్తులో మరింత ఉన్నత స్థాయికి ఎదగాలని ఆకాంక్షించారు.

Local· 7m ago

శాంతిభద్రతల పరిరక్షణకు ప్రజలు సహకరించాలి

AP: ప్రజలకు చేరువగా ఉంటూ వారి సమస్యలను తెలుసుకుని శాంతిభద్రతలను పటిష్ఠం చేసేందుకు పోలీసులు రాంపురం గ్రామంలో పల్లెనిద్ర కార్యక్రమం నిర్వహించారు. శ్రీకాకుళం జిల్లా మందస మండలంలోని రాంపురంలో శనివారం రాత్రి కాశీబుగ్గ డీఎస్పీ టి.భవాని, సీఐ ఎం.తిరుపతిరావు, ఎస్‌ఐ కె.కృష్ణ ప్రసాద్ గ్రామస్థులతో మమేకమయ్యారు. సమస్యలు, భద్రతా అంశాలపై ప్రజల అభిప్రాయాలను సేకరించారు. రానున్న స్థానిక సంస్థల ఎన్నికల నేపథ్యంలో ప్రశాంత వాతావరణం ఉండేలా సహకరించాలని కోరారు. సైబర్ నేరాలు, వివిధ చట్టాలపై ప్రజలకు అవగాహన కల్పించారు.

Local· 53m ago

చిరు వ్యాపారులకు జీవనోపాధి

నియోజకవర్గంలో చిరు వ్యాపారులకు జీవనోపాధి కల్పించాలనే ఉద్దేశంతో మంత్రి నారా లోకేష్ సొంత నిధులతో టిఫిన్ బండి, తోపుడు బండి, ఫ్లాట్‌ఫామ్ రిక్షాలను అందజేయడం అభినందనీయమని గుంటూరు పార్లమెంట్ టీడీపీ ప్రధాన కార్యదర్శి పోతినేని శ్రీనివాసరావు కొనియాడారు. మంగళగిరి 3వ వార్డుకు చెందిన ఉషారపు శిరీషకు టిఫిన్ బండి, 6వ వార్డుకు చెందిన సింగంపల్లి నారాయణకు తోపుడు బండి, రత్నాల చెరువుకు చెందిన బొర్ర సత్యనారాయణకు ఫ్లాట్‌ఫామ్ రిక్షా అందజేశారు.