శంకవరం ఎస్సీ హాస్టల్ వెంటనే తెరవాలి... లేదంటే...

By NANI M· 22 Aug 2026· Rowthulapudi, Rowthulapudi, Kakinada

కాకినాడ జిల్లా శంకవరం ఎస్సీ హాస్టల్ మూసివేతపై దళిత సంఘాలు ఆగ్రహం వ్యక్తం చేశాయి. అన్నవరంలో జరిగిన దళిత ఐక్య రౌండ్ టేబుల్ సమావేశంలో హాస్టల్‌ను తక్షణమే ప్రారంభించాలని డిమాండ్ చేశారు. లేదంటే సోమవారం కాకినాడ కలెక్టరేట్ ముట్టడిస్తామని హెచ్చరించారు. హాస్టల్ మూసివేతతో విద్యార్థులు తీవ్ర ఇబ్బందులు పడుతున్నారని, విద్యా హక్కుతో ముడిపడిన అంశాన్ని నిర్లక్ష్యం చేయడం సరికాదని నాయకులు మండిపడ్డారు. సోమవారం దళిత, విద్యార్థి సంఘాల ఆధ్వర్యంలో కలెక్టరేట్ ముట్టడి కార్యక్రమం ఉంటుందని తంతటి కిరణ్, మధుబాబు ప్రకటించారు.

More in Local

Local· 8h ago

కాంగ్రెస్ బలోపేతానికి ఐక్యంగా పనిచేయాలి

TG: మహబూబాబాద్ జిల్లా కేసముద్రం మండల కాంగ్రెస్ పార్టీ అధ్యక్షుడిగా నూతనంగా ఎన్నికైన చిలువేరు సమ్మయ్య గౌడ్‌ను కాట్రపల్లి గ్రామ కాంగ్రెస్ కమిటీ అధ్యక్షుడు జల్లే యాకాంబరం ఆధ్వర్యంలో ఘనంగా సన్మానించారు. ఈ సందర్భంగా కాంగ్రెస్ పార్టీ బలోపేతానికి నాయకులు, కార్యకర్తలు ఐక్యంగా కృషి చేయాలని సూచించారు. ప్రభుత్వం అమలు చేస్తున్న సంక్షేమ పథకాలు అర్హులైన పేదలకు చేరేలా పనిచేయాలని పిలుపునిచ్చారు. కార్యక్రమంలో కాంగ్రెస్ నాయకులు, కార్యకర్తలు పాల్గొని నూతన మండల అధ్యక్షుడు సమ్మయ్య గౌడ్‌కు శుభాకాంక్షలు తెలిపారు.

Local· 8h ago

రైతు బిడ్డకు MBBS సీటు.. అభినందనల వెల్లువ

TG: జగిత్యాల జిల్లా ఎండపల్లి మండలం కొండాపూర్‌కు చెందిన రైతు కుటుంబం కుమార్తె మహమ్మద్ ఆయేషా నీట్‌లో ఉత్తీర్ణత సాధించి జగిత్యాల ప్రభుత్వ మెడికల్ కాలేజీలో MBBS సీటు సాధించింది. ఎండపల్లి మండల ఎమ్మార్పీఎస్ అధ్యక్షుడు చెన్న కుమారస్వామి ఆయేషాను సన్మానించి అభినందించారు. గ్రామీణ ప్రాంతానికి చెందిన విద్యార్థిని వైద్య విద్యలో సీటు సాధించడం అభినందనీయమని, ఆయేషా గ్రామీణ విద్యార్థులకు స్ఫూర్తిగా నిలిచిందని పేర్కొన్నారు. పట్టుదలతో చదివితే గ్రామీణ విద్యార్థులు కూడా ఉన్నత లక్ష్యాలను సాధించగలరని తెలిపారు.

Local· 9h ago

ఏకగ్రీవంగా ప్రెస్‌క్లబ్ నూతన కమిటీ ఎన్నిక

TG: మహబూబాబాద్ జిల్లా నర్సింహులపేట మండల ప్రెస్‌క్లబ్ నూతన కార్యవర్గాన్ని ఆదివారం ఏకగ్రీవంగా ఎన్నుకున్నారు. అధ్యక్షుడిగా సలుగు నాగన్న, ప్రధాన కార్యదర్శిగా చెలిమల్ల గణేష్ ఎన్నికయ్యారు. సహాయ కార్యదర్శిగా భుక్య రమేష్, ఉపాధ్యక్షులుగా నిమ్మల నరేష్, బత్తిని సతీష్, కోశాధికారిగా ఎర్ర వెంకట్రాం నర్సయ్య, గౌరవ అధ్యక్షుడిగా గడ్డి యాకన్న, గౌరవ సలహాదారుగా చౌడారపు శ్రీనివాస్ ఎంపికయ్యారు. నూతన కార్యవర్గం పాత్రికేయుల సంక్షేమం, హక్కుల పరిరక్షణతోపాటు బాధ్యతాయుత జర్నలిజానికి కృషి చేస్తామని తెలిపింది.

Local· 9h ago

వినాయక మండపాల అనుమతులు ఇక సులభం

AP: అల్లూరి సీతారామరాజు జిల్లా అరకు సర్కిల్ పరిధిలో వినాయక చవితి మండపాలు, పందిళ్ల ఏర్పాటుకు అనుమతులు సులభంగా పొందవచ్చని సీఐ ఏ. కోటేశ్వరరావు తెలిపారు. అరకులోయ, డుంబ్రిగూడ, అనంతగిరి మండలాల ప్రజలు www.ganeshutsav.net ద్వారా ఉచితంగా దరఖాస్తు చేసుకోవచ్చన్నారు. పోలీస్, అగ్నిమాపక, విద్యుత్, రెవెన్యూ శాఖల సమన్వయంతో అనుమతులు జారీ చేస్తామని తెలిపారు. అనుమతి పొందిన వారికి QR Codeతో డిజిటల్ అనుమతి పత్రం అందిస్తామని పేర్కొన్నారు. వినాయక ఉత్సవ నిర్వాహకులు ముందుగానే దరఖాస్తు చేసుకోవాలని సీఐ సూచించారు.