ట్విన్స్ పుట్టినా.. సెకండ్ డెలివరీకి లీవ్స్ ఇవ్వాల్సిందే!

By Anusha· 4h ago

ఫస్ట్ డెలివరీలో ట్విన్స్ పుట్టినా.. సెకండ్ డెలివరీకి 180 రోజుల ఫుల్ సాలరీతో మెటర్నిటీ లీవ్స్ ఇవ్వాల్సిందేనని తెలంగాణ హైకోర్టు స్పష్టం చేసింది. నారాయణపేట జిల్లాకు చెందిన టీచర్ నర్మదకు ఇద్దరు పిల్లలు ఉన్నారనే కారణంతో ప్రభుత్వం లీవ్స్ రిజెక్ట్ చేసింది. దీంతో ఆమె కోర్టును ఆశ్రయించారు. మదర్‌హుడ్ రైట్స్‌ను రూల్స్ పేరుతో అడ్డుకోలేమని తెలిపిన కోర్టు.. నర్మదకు 180రోజుల లీవ్స్ మంజూరు చేసి, ఫుల్ సాలరీ చెల్లించాలని ఎడ్యుకేషన్ డిపార్ట్‌మెంట్‌ను ఆదేశించింది.

More in TG

TG· 27m ago

NIMSలో OP టైమింగ్స్ పెంపు..

TG: హైదరాబాద్‌ NIMS హాస్పిటల్‌లో OP రిజిస్ట్రేషన్ల టైం మధ్యాహ్నం 2 గంటల వరకు పొడిగించారు. గతంలో ఉదయం 8 నుంచి 11 గంటల వరకే రిజిస్ట్రేషన్లు జరిగేవి. ఈ నిర్ణయంతో దూరప్రాంతాల నుంచి వచ్చే పేషంట్స్‌కి ప్రయోజనం కలగనుంది. MRI కాకుండా ఇతర మెడికల్ టెస్టులు అదే రోజు టెస్ట్ చేసి, ఒకటి రెండు గంటల్లోనే రిపోర్టులు అందించేలా చర్యలు తీసుకుంటున్నారు. దీంతో పేషంట్స్‌ అదే రోజు డాక్టర్‌లను సంప్రదించి చికిత్స పొందవచ్చు. డాక్టర్లు సాయంత్రం వరకు అందుబాటులో ఉండనున్నారు.

TG· 1h ago

కొత్త ఓటరు కార్డు కోసం స్పెషల్ క్యాంపులు

TG: తెలంగాణలో ఓటర్ల జాబితాలో కొత్త పేర్ల నమోదు, తప్పుల సవరణ కోసం ఎలక్షన్ కమిషన్ స్పెషల్ క్యాంప్ ఏర్పాటు చేసింది. ఇవాళ, రేపు రాష్ట్రంలోని అన్ని పోలింగ్ కేంద్రాల్లో బూత్ స్థాయి అధికారులు (BLOలు) అందుబాటులో ఉంటారు. 18 ఏళ్లు నిండిన యువత, అర్హులైన పౌరులు ఫారం-6 ద్వారా కొత్తగా ఓటు నమోదు చేసుకోవచ్చు. ఓటరు లిస్ట్‌లొ నేమ్, అడ్రస్ వంటి డీటైల్స్ తప్పులు ఉన్నవారు కూడా సరిచేసుకునే అవకాశం ఉంది.

TG· 2h ago

నిర్లక్ష్యం చేస్తే సస్పెన్షన్.. అధికారులకు సీఎం హెచ్చరిక!

తెలంగాణలో కరెంటు కోతలపై సీఎం రేవంత్ రెడ్డి అధికారులపై ఆగ్రహం వ్యక్తం చేశారు. పంటలు చేతికొచ్చే వరకు కరెంటు కోతలు లేకుండా చూడాలని ఆదేశించారు. వచ్చే 20 రోజులు పంటలకు చాలా కీలకమని, విద్యుత్ ఉత్పత్తి పెంచాలని స్పష్టం చేశారు. రోజుకో కారణం చెప్పొద్దని హెచ్చరించారు. ఎల్‌నినో ప్రభావంతో తాగునీరు, పశుగ్రాసం కొరత రాకుండా జూన్ వరకు ప్రణాళిక సిద్ధం చేయాలని సూచించారు. నిర్లక్ష్యం చేస్తే ఉన్నతాధికారులను సస్పెండ్ చేస్తామని హెచ్చరించారు.

TG· 2h ago

పండుగ వేళ ధరల మంట.. సామాన్యుడికి షాక్!

TG: బతుకమ్మ, దసరా వేళ తెలంగాణలో నిత్యావసరాల ధరలు భారీగా పెరిగాయి. ఎల్‌నినో ప్రభావంతో వర్షాలు తగ్గి పంటల దిగుబడి పడిపోవడంతో బియ్యం, పప్పుల ధరలు ఆకాశాన్నంటాయి. TMT బియ్యం KG ₹65 నుంచి ₹95కు, సోనామసూరి ₹45 నుంచి ₹70కు పెరిగింది. శనగపప్పు ₹76 నుంచి ₹96కు చేరింది. దీంతో పేద, మధ్యతరగతి కుటుంబాల బడ్జెట్‌పై భారం పెరిగింది. వర్షాలు పడకపోతే ధరలు మరింత పెరిగే అవకాశం ఉంది. అక్రమ నిల్వలను అరికడితే ధరలు తగ్గవచ్చు.