"ఎవరిపై వార్?"

By Krishna· 2h ago· Instagram

అక్టోబర్ 10.. దేశం చిరకాలం గుర్తుంచుకునే రోజుగా మారే ఛాన్స్ ఉందని జర్నలిస్ట్ రానా అయ్యూబ్ హెచ్చరించారు. మోదీ ప్రభుత్వం ఢిల్లీకి వచ్చే రైళ్లు రద్దు చేసింది. అలాగే 7,000 CRPF జవాన్లను పిలిపించింది. 23,000 సెంట్రల్ ఆర్మ్డ్ ఫోర్స్‌ను మోహరిస్తోంది. బ్యారికేడ్లు పెట్టింది. మసీదుల్లో ప్రకటనలు చేస్తూ.. ప్రొటెస్టుల్లో పాల్గొన వద్దని పోలీసులు చెబుతున్నారు. "ప్రపంచంలోనే పెద్ద ప్రజాస్వామ్యం అని గర్వపడే దేశంలో ఇది ప్రజాస్వామ్య విలువలపై తీవ్ర ప్రశ్నలు లేవనెత్తుతోంది" అని జర్నలిస్ట్ Rana Ayyub కామెంట్ చేశారు.

More in National

National· 8m ago

తమిళనాడులో విజయ్ పార్టీ సత్తా.. రెండు స్థానాల్లో విజయం!

తమిళనాడు బైఎలక్షన్స్‌లో విజయ్ లీడ్ చేస్తున్న TVK పార్టీ సత్తాచాటింది. ధారాపురం సీటులో TVK క్యాండిడేట్ P. సత్యబామ 9,471 ఓట్ల మెజారిటీతో గెలిచారు. AIADMK అభ్యర్థి K. బానుమతితో పాటు మరో ముగ్గురు అభ్యర్థులను ఆమె ఓడించారు. ఇక మదురాంతకం స్థానంలో TVK క్యాండిడేట్ మరగతం కుమరవేల్ 67,819 ఓట్లుతో విజయం సాధించారు. దీంతో తమిళనాడులో TVK తన రాజకీయ బలాన్ని మళ్లీ నిరూపించుకుంది. ఈ సందర్భంగా రేపు కాంగ్రెస్ చీఫ్ రాహుల్ గాంధీ, CM విజయ్ సమావేశం కానున్నారు.

National· 9m ago

ప్రజల హక్కుల కోసం పోరాటం: కాంగ్రెస్

ఢిల్లీలో 57 మెట్రో స్టేషన్లను మూసివేయడం, రోడ్లపై బారికేడ్లు ఏర్పాటు చేయడంపై కాంగ్రెస్ న్యాయ విభాగం అధ్యక్షుడు అభిషేక్ మను సింఘ్వీ నేతృత్వంలో కాంగ్రెస్ నేతలు సుప్రీంకోర్టును ఆశ్రయించారు. ఈ చర్యల వల్ల సాధారణ పౌరులు, విద్యార్థులు తీవ్ర ఇబ్బందులు పడుతున్నారని కోర్టు దృష్టికి తీసుకెళ్లారు. కేంద్ర ప్రభుత్వం, పోలీసుల తీరుపై సుప్రీం ఆగ్రహం వ్యక్తం చేసింది. కేంద్రం నిర్ణయాలకు వ్యతిరేకంగా, ప్రజల హక్కుల కోసం పోరాటం కొనసాగిస్తామని కాంగ్రెస్ పేర్కొంది.

National· 10m ago

ఓటర్లా? ఆత్మలా?

కర్ణాటక.. బాగల్‌కోట్‌ S.I.R ప్రక్రియలో విచిత్రమైన విషయం బయటపడింది. విరమ్మ చనిపోయినట్లు జూన్ 11న ఫారం-10లో మల్లికార్జున్ చెప్పగా.. మర్నాడు.. మల్లికార్జున్ చనిపోయినట్లుగా విరమ్మ ఫారం-10లో తెలిపారు. ఇద్దరిదీ ఒకే బూత్‌. ఇద్దరూ బతికే ఉన్నారనుకుంటే.. చనిపోయినట్లుగా ఫారం-10లు ఉండటం కలకలం రేపింది. అల్ట్‌న్యూస్ కో-ఫౌండర్ మహ్మద్ జుబైర్ ఇలాంటి 334 జంటలు ఉన్నాయని తెలిపారు. కర్ణాటకలో 16 లక్షలకు పైగా ఓటర్లను ‘మరణించినట్లు’గా గుర్తించారు. అందుకే S.I.R ప్రక్రియపై ప్రజల్లో చాలా డౌట్స్ ఉన్నాయి.

National· 15m ago

ఎక్సైజ్ కమిషనర్‌గా ఫేక్ ఎంట్రీ..

గోవాలో గవర్నమెంట్ జాబ్ కోసం 27 లక్షల రూపాయలు ఇచ్చిన మనోజ్ తలేకర్ చివరికి పోలీసులకు చిక్కాడు. గోవా ఎక్సైజ్ కమిషనర్‌గా నియమితుడైనట్లు నకిలీ అపాయింట్‌మెంట్ లెటర్‌తో ఆఫీసుకు వెళ్లి, ఆ కుర్చీలో కూర్చున్నాడు. అయితే, అలాంటి ఆర్డర్ ఏదీ జారీ కాలేదని అధికారులు చెక్ చేయడంతో అసలు విషయం బయటపడింది. అజిత్ శంఖ్‌వాల్కర్ అనే వ్యక్తి ఉద్యోగం ఇప్పిస్తానని డబ్బులు తీసుకున్నట్లు మనోజ్ పోలీసులకు చెప్పాడు. పోలీసులు కేసు నమోదు చేసి, అజిత్ కోసం వెతుకుతున్నారు.