కేబినెట్‌ భేటీ.. చర్చించే అంశాలివే!

By Prashanth· 1h ago· Telangana

TG: CM రేవంత్‌రెడ్డి అధ్యక్షతన కేబినెట్‌ సమావేశం మధ్యాహ్నం 3 గంటలకు సెక్రటేరియట్‌లో జరగనుంది. ఇందులో ఉద్యోగులు, పెన్షనర్లకు సంబంధించిన రెండు DAలపై నిర్ణయం తీసుకునే అవకాశం ఉంది. PRC Reportతో పాటు ఉద్యోగుల పెండింగ్‌ డిమాండ్లు, బిల్లుల చెల్లింపులపై చర్చించనున్నారు. అలాగే హైదరాబాద్‌ మెట్రో ఫేజ్‌-1 స్వాధీనం, ఫేజ్‌-2 విస్తరణ, ఉద్యోగుల ఇతర సమస్యలపైనా కేబినెట్‌లో చర్చ జరిగే అవకాశం ఉన్నట్లు తెలుస్తోంది.

More in TG

TG· 29m ago

కుట్టుమిషన్’ పథకానికి పోటెత్తిన మహిళలు

TG: రాష్ట్ర ప్రభుత్వం BC మహిళల కోసం చేపట్టిన ‘ఇంటింటా ఇందిరమ్మ కుట్టు మిషన్’ పథకానికి భారీగా అప్లికేషన్లు వచ్చాయి. సెప్టెంబర్ 30 నాటికి 4.70 లక్షలకు పైగా అప్లికేషన్లు వచ్చినట్లు సమాచారం. రాష్ట్రంలోని 119 నియోజకవర్గాల్లో ఒక్కో నియోజకవర్గానికి 1,000 చొప్పున మొత్తం 1.19 లక్షల ఆటోమేటిక్ కుట్టుమిషన్లు ఇవ్వనున్నారు. మిషన్ విలువ సుమారు 12 వేలు కాగా, 100 శాతం సబ్సిడీపై అందించనున్నారు. 18 నుంచి 55 ఏళ్ల BC మహిళలు ఈ పథకానికి అర్హులు.

TG· 55m ago

ESI హాస్పిటల్లో మందుల కొరత?

TG: వరంగల్‌ లేబర్‌ కాలనీలోని ESI హాస్పిటల్లో మందులు, అవసరమైన మెషినరీ అందుబాటులో లేక రోగులు ఇబ్బందులు పడుతున్నారని చెబుతున్నారు. అత్యవసర సమయంలో కొన్ని మందులు, వస్తువులు దొరకడం లేదని సమాచారం. 50 పడకల హాస్పిటల్లో 36 పడకలు మాత్రమే పనిచేస్తున్నట్లు తెలుస్తోంది. ఉదయం 11.30 గంటల వరకు డాక్టర్లు అందుబాటులో ఉండటం లేదని రోగులు చెబుతున్నారు. సమస్యలను వెంటనే పరిష్కరించి, అవసరమైన మందులు, మెషినరీ అందుబాటులో ఉంచాలని రోగులు కోరుతున్నారు.

▶

TG· 1h ago

నల్లమలలో ఆదివాసీల నిరసన..

TG: నాగర్‌కర్నూల్‌ జిల్లా అమ్రాబాద్‌ మండలం మన్ననూర్‌లోని ITDA ఆఫీస్ ఎదుట తుడుం దెబ్బ ఆధ్వర్యంలో ఆదివాసీలు ధర్నా చేశారు. ఆదివాసీల హక్కులు, వారి గూడాల్లోని సమస్యలు పరిష్కరించాలని, ITDAలో Group-1 స్థాయి అధికారిని నియమించాలని డిమాండ్‌ చేశారు. స్వామి వివేకానంద విగ్రహం నుంచి ITDA ఆఫీస్ వరకు భారీ ర్యాలీ నిర్వహించారు. పెద్ద సంఖ్యలో ఆదివాసీలు పాల్గొని, సంప్రదాయ నృత్యాలతో నిరసన తెలిపారు.

TG· 1h ago

గురుకులంలో విద్యార్థులతో పనులు!

TG: మహబూబాబాద్ జిల్లా తొర్రూరు పట్టణంలోని మహాత్మ జ్యోతిబాపూలే గురుకుల పాఠశాలలో విద్యార్థులతో వంట, ఇతర పనులు చేయిస్తున్నారనే ఆరోపణలు వస్తున్నాయి. సెప్టెంబరు 28న సాయంత్రం విద్యార్థులతో కట్టెలు కొట్టించిన సమయంలో ఓ విద్యార్థికి పంటికి గాయమైనట్లు సమాచారం. ఈ ఘటనలో వాచ్‌మెన్‌ను బాధ్యుడిగా చూపేందుకు ప్రయత్నాలు జరిగాయని ఆరోపణలు ఉన్నాయి. ఘటనపై జిల్లా స్థాయి అధికారులు విచారణ చేపట్టి నిజాలు తేల్చాలని, బాధ్యులపై చర్యలు తీసుకోవాలని తల్లిదండ్రులు కోరుతున్నారు.