హృదయ విదారకం.. కదల్లేని స్థితిలో చెల్లయ్య

By VANDAVASI NAGARAJU· 2h ago· Tirupati, Peddapuram, Kakinada

తిరుపతి రూరల్ మండలం సి.మల్లవరం గిరిజన గ్రామంలో చెల్లయ్య దయనీయ పరిస్థితిలో జీవిస్తున్నారు. అనారోగ్యంతో కదలలేని స్థితిలో ఉన్న ఆయనకు కనీసం తినడానికి ఆహారం కూడా లేక ఇబ్బందులు పడుతున్నారని స్థానికులు తెలిపారు. సి. మల్లవరం పర్యటనలో ఈ పరిస్థితిని సీపీఎం జిల్లా కార్యదర్శి గుర్తించారు. చెల్లయ్యకు తక్షణమే ఆహారం, వైద్యం, నివాసం, అవసరమైన ప్రభుత్వ సహాయం అందించాలని కోరారు. ప్రభుత్వ అధికారులు, ప్రజాప్రతినిధులు స్పందించి ఆయనకు అండగా నిలవాలని కోరారు.

హృదయ విదారకం.. కదల్లేని స్థితిలో చెల్లయ్య

More in Local

Local· 25m ago

ఎన్టీఆర్ భరోసా పెన్షన్ల పంపిణీ

నెల్లూరు ఎంపీ వేమిరెడ్డి ప్రభాకర్ రెడ్డి, ఉదయగిరి ఎమ్మెల్యే కాకర్ల సురేష్ సూచనలతో కొండాపురం మండలం శెట్టిపాలెం పంచాయతీలో ఎన్టీఆర్ భరోసా పెన్షన్ల పంపిణీ జరిగింది. కూటమి ప్రభుత్వం ప్రతిష్టాత్మకంగా చేపట్టిన ఈ కార్యక్రమంలో సచివాలయం సిబ్బంది, తడకలూరు హరీశ్, ఇతర నాయకులు పాల్గొన్నారు. లబ్ధిదారులకు తెల్లవారుజామున 6:30 గంటలకే పెన్షన్ డబ్బులను అందజేశారు.

Local· 51m ago

ఏపీ హైకోర్టు కీలక తీర్పు

స్థానిక సంస్థల ఎన్నికల్లో బీసీలకు 34శాతం రిజర్వేషన్లు కల్పిస్తూ ఏపీ ప్రభుత్వం ఇచ్చిన జీవోలను హైకోర్టు కొట్టివేసింది. న్యాయవాది తాండవ యోగేష్ దాఖలు చేసిన పిటిషన్‌పై విచారణ జరిపిన న్యాయస్థానం, మొత్తం రిజర్వేషన్లు 50శాతం మించకూడదన్న సుప్రీంకోర్టు తీర్పునకు ఈ జీవోలు విరుద్ధంగా ఉన్నాయని స్పష్టం చేసింది. బీసీల జనగణన పూర్తయ్యాకే ఎన్నికలు పెట్టాలన్న పిటిషన్‌ను కూడా ధర్మాసనం కొట్టివేసింది.

Local· 1h ago

పెన్షన్లు పంపిణీ చేసిన BJP నేత జొన్నడ రంజిత్

విజయనగరం జిల్లా రాజాం పట్టణంలోని 20వ వార్డులో NTR భరోసా పెన్షన్లను BJP విజయనగరం జిల్లా కార్యవర్గ సభ్యుడు జొన్నడ రంజిత్ పంపిణీ చేశారు. సచివాలయ సిబ్బందితో కలిసి వితంతువులు, వికలాంగులు, ఒంటరి మహిళలకు పెన్షన్లు అందించారు. అనంతరం రంజిత్ మాట్లాడుతూ.. రాష్ట్ర ప్రభుత్వం ఎన్నికల్లో ఇచ్చిన హామీలను నెరవేర్చే దిశగా పనిచేస్తోందని తెలిపారు. ప్రధాని నరేంద్ర మోడీ నాయకత్వంలో ఆంధ్రప్రదేశ్ అభివృద్ధి పథంలో ముందుకు సాగుతోందని చెప్పారు.

Local· 1h ago

ఉదయగిరి PM SHRI స్కూల్‌లో SMC ఎన్నికలు

నెల్లూరు జిల్లా ఉదయగిరి PM SHRI ప్రభుత్వ ఉన్నత పాఠశాలలో SMC ఎన్నికలు ప్రశాంతంగా ముగిశాయి. పాఠశాల కమిటీని ఏకగ్రీవంగా ఎన్నుకున్నారు. కమిటీ చైర్మన్‌గా మొగల్ ఖాజా జమీర్, వైస్ చైర్మన్‌గా SK. సాజిద ఎన్నిక కాగా, 13 మంది సభ్యులు ఏకగ్రీవంగా ఎన్నికయ్యారు. అనంతరం ప్రధానోపాధ్యాయుడు శ్రీనివాసులు నూతన సభ్యులతో ప్రమాణ స్వీకారం చేయించారు. పాఠశాల అభివృద్ధి, విద్యార్థుల సంక్షేమానికి నూతన కమిటీ సభ్యులు కృషి చేయాలని సంబంధిత అధికారులు సూచించారు.