చైన్ లాగితే ఇంత రిస్కా?

By Nani Eluri· 2h ago· X

అలారం చైన్ లాగడంతో బ్రిడ్జిపైనే రైలు ఆగిపోయింది. ఢిల్లీ సరాయ్ రోహిల్లా–పటేల్ నగర్ సెక్షన్‌లో 54411 నంబర్ రైలులో ఈ ఘటన జరిగింది. చైన్‌ను రీసెట్ చేసేందుకు ట్రైన్ మేనేజర్ శివ్‌జీ రాయ్ రైలు కింద నుంచి పాకుతూ వెళ్లారు. ట్రాక్‌ల మధ్యలో, బ్రిడ్జిపై నుంచి కింద పడే ప్రమాదం ఉన్నా ఆయన వెళ్లాల్సి వచ్చింది. బ్రిడ్జిపై సేఫ్ వాక్‌వే లేకపోవడంతో ఈ పరిస్థితి వచ్చింది. ఇలాంటి ఘటనలు గతంలోనూ జరిగాయి. అత్యవసర పరిస్థితుల్లో మాత్రమే అలారం చైన్ లాగాలని రైల్వే అధికారులు కోరుతున్నారు.

More in National

National· 3m ago

షార్ట్ హెయిర్‌తో స్టూడెంట్.. ఫ్రీ టికెట్ ఇవ్వని కండక్టర్

కేరళంలోని ఎర్నాకుళం జిల్లా నార్త్ పరవూర్‌లో ఒక 12వ తరగతి విద్యార్థిని కండక్టర్‌పై పోలీసులకు కంప్లైంట్ చేసింది. కేరళ(KSRTC) బస్సుల్లో మహిళలకు ఉచిత ప్రయాణం సౌకర్యం ఉంది. షార్ట్ హెయిర్‌తో ఉన్న ఆమె తన ఫ్రెండ్స్‌తో కలిసి ట్రావెల్ చేస్తుండగా, కండక్టర్ ఆమెకు ఫ్రీ టికెట్ ఇవ్వలేదు. “నువ్వు అమ్మాయిలా కనిపించట్లేదు” అన్నాడు. తను అమ్మాయినేనని చెప్పినా వినలేదు. దీంతో పోలీస్ స్టేషన్‌లో కంప్లైంట్ చేసింది. KSRTC ఆ కండక్టర్‌ను సస్పెండ్ చేసింది.

National· 25m ago

చలాన్లు కట్టకపోతే కరెంట్ బిల్లుతో లింక్?: సుప్రీం కోర్టు

పెండింగ్ ట్రాఫిక్ చలాన్ల వసూళ్లపై సుప్రీం కోర్టు కీలక సూచనలు చేసింది. పెండింగ్ ఫైన్లను విద్యుత్ బిల్లులకు లింక్ చేసే ఆలోచనను రాష్ట్రాలు, UTలు పరిశీలించాలని సూచించింది. అవసరమైతే చలాన్లు చెల్లించని వాహనాలను సీజ్ చేయడం, డ్రైవింగ్ లైసెన్స్, RC, ఫిట్‌నెస్, PUC రెన్యూవల్‌ను నిలిపివేయడం, వెహికల్స్‌ను పరివాహన్ పోర్టల్‌లో బ్లాక్‌లిస్ట్ చేయడం వంటి స్టెప్స్ తీసుకోవచ్చని తెలిపింది. ఇవి కేవలం సూచనలు మాత్రమేనని కోర్టు క్లారిటీ ఇచ్చింది.

ఆగస్టులో రోడ్డేశారు.. సెప్టెంబరులో పగుళ్లిచ్చింది

▶

National· 37m ago

ఆగస్టులో రోడ్డేశారు.. సెప్టెంబరులో పగుళ్లిచ్చింది

లక్నోలోని ఏకానా స్టేడియం దగ్గర వేసిన కొత్త రోడ్డు భారీ వర్షాలకు కుంగిపోయింది. ఆగస్టులో ఈ రోడ్డు వేశారు. భారీ వర్షాలు పడటంతో రోడ్డుకు క్రాక్స్ వచ్చాయి. పక్కనే 30 అడుగుల లోతులో తవ్వకాలు జరుగుతున్నాయి. వర్షం నీళ్లు నేలలోకి వెళ్లడంతో రోడ్డు కుంగిపోయిందని అధికారులు తెలిపారు. LDA(Lucknow Development Authority) రోడ్డును క్లోజ్ చేసి, కాంట్రాక్టర్‌తో రిపేర్ చేయిస్తోంది. దీనిపై కాంగ్రెస్ స్పందిస్తూ.. ఇది బీజేపీ ‘Corrruption Model’ అని ఎక్స్‌లో ఆరోపించింది.

National· 45m ago

అంతర్జాతీయ వేదికలపై నాగాలాండ్ సినిమా ‘ఆంగ్’

నాగాలాండ్‌కు చెందిన యువ దర్శకుడు థేజా రియో తీసిన ‘ఆంగ్’(Angh) సినిమా అంతర్జాతీయంగా పేరు తెచ్చుకుంటోంది. 2027 ఆస్కార్ అవార్డుల్లో బెస్ట్ ఇంటర్నేషనల్ ఫీచర్ ఫిల్మ్ విభాగంలో పోటీ చేయడానికి అర్హత సాధించింది. నాగాలాండ్ నుంచి ఇలాంటి గుర్తింపు రావడం ఇదే మొదటిసారి. 1960లో నాగాలాండ్‌లో క్రైస్తవ మతవ్యాప్తి, దాన్ని కాదని తమ జీవనవిధానానికి కట్టుబడి ఉండటం ఇందులోని అంశం. కోన్యాక్ భాషలో తీసిన ఈ సినిమా దర్శకుడికి తొలి సినిమా కావడం విశేషం.