తెలంగాణలో జ్వరాల జోరు

By A.Ajay· 4h ago

TG: తెలంగాణలో వైరల్‌ జ్వరాలు వేగంగా వ్యాపిస్తున్నాయి. వైద్య ఆరోగ్యశాఖ లెక్కల ప్రకారం రాష్ట్రంలో దాదాపు 15 లక్షల మంది జ్వరాల బారినపడ్డారు. ఈ లెక్కలు ప్రభుత్వ హాస్పిటళ్లలో నమోదైన వివరాల ఆధారంగా ఉన్నాయి. ప్రైవేట్‌ ఆస్పత్రులు, క్లినిక్‌లలో ట్రీట్‌మెంట్ పొందుతున్న వారి సంఖ్య కూడా కలిస్తే బాధితుల సంఖ్య మరింత ఎక్కువగా ఉండొచ్చని అంచనా. ఇంట్లో ఒకరికి జ్వరం వస్తే ఇతర కుటుంబ సభ్యులకు కూడా సోకుతున్న పరిస్థితి కనిపిస్తోంది.

More in TG

TG· 2m ago

పామాయిల్‌ గెలల సేకరణపై విచారణ

TG: తెలంగాణలో పామాయిల్ గెలల సేకరణ కేంద్రాల నిర్వహణపై కంప్లయింట్లు రావడంతో ఆయిల్‌ఫెడ్ ప్రత్యేక కమిటీతో విచారణకు ఆదేశించింది. మహబూబాబాద్, భద్రాద్రి కొత్తగూడెం జిల్లాల్లోని నాలుగు కేంద్రాల్లో మూడు ఒకే ఏజెంట్ అధీనంలో ఉన్నట్లు అధికారులు గుర్తించారు. సేకరణ, తూకం, ఆన్‌లైన్ నమోదు, రైతులకు చెల్లింపుల్లో తప్పులు జరిగాయా అనే అంశాలను కమిటీ పరిశీలించనుంది. రవాణా ఛార్జీలు టన్నుకు 550 నుంచి 1,300 రూపాయల వరకు ఉన్నాయని అధికారులు తెలిపారు. యూజర్ ఐడీ, పాస్‌వర్డ్‌లు ఏజెంట్లకు ఇచ్చారనే ఆరోపణలపైనా విచారణ జరగనుంది.

▶

TG· 4m ago

Where is ఎన్విరాన్‌మెంట్ మినిస్టర్?

TG: "తెలంగాణకు ప్రత్యేకంగా ఎన్విరాన్‌మెంట్ మినిస్టర్ ఎందుకు లేరు" అని ఫైర్ అయ్యారు క్లైమేట్ ఫ్రంట్ తెలంగాణ సోషల్ యాక్టివిస్ట్ రుచిత్ ఆశా కమల్. హైదరాబాద్.. గచ్చిబౌలికి దగ్గర్లోని కాజాగూడ హిల్స్‌లో యాక్టివ్ క్వారీయింగ్, మైనింగ్ జరుగుతోందనీ, దీనిపై ప్రభుత్వం ఏం చెప్పాలనుకుంటోంది అని ఆయన ప్రశ్నించారు. మైనింగ్‌కి ఎవరు పర్మిషన్ ఇచ్చారో చెప్పాలని డిమాండ్ చేశారు. కంచ గచ్చిబౌలి తరహాలో కొట్టేస్తున్నారన్న ఆయన.. దీన్ని ఆపేవరకూ వదిలే ప్రసక్తే లేదన్నారు.

▶

TG· 42m ago

మంచిర్యాలలో ఘోర రోడ్డు ప్రమాదం

TG: తెలంగాణలోని మంచిర్యాలలో ఈ రోజు ఉదయం వేగంగా వచ్చిన లారీ, ఆటోను ఢీకొట్టడంతో ఘోర ప్రమాదం జరిగింది. ఈ ఘటనలో ఇద్దరు అక్కడికక్కడే మృతి చెందారు. మరో ఐదుగురు తీవ్రంగా గాయపడ్డారు. వీరిలో ముగ్గురి పరిస్థితి విషమంగా ఉన్నట్లు సమాచారం. స్పీడ్, రాష్ డ్రైవింగ్, రాంగ్ రూట్‌లో రావడం ప్రమాదానికి కారణంగా కనిపిస్తోంది. ఘటనపై పోలీసులు దర్యాప్తు చేస్తున్నారు. ఈ నిర్లక్ష్యం 2 కుటుంబాల్లో విషాదాన్ని నింపింది.

TG· 1h ago

నేలకొండపల్లి బౌద్ధ క్షేత్రానికి ఘన చరిత్ర

TG: ఖమ్మం జిల్లా నేలకొండపల్లిలోని మహా బౌద్ధ స్థూపం ఎంతో చారిత్రక ప్రాధాన్యం ఉన్న ప్రాంతం. 1970లలో జరిగిన పురావస్తు తవ్వకాల్లో భారీ స్థూపంతో పాటు బౌద్ధ భిక్షువులు ఉండే గదులు, బావులు, ఇటుక కట్టడాలు బయటపడ్డాయి. బుద్ధుడి శిల్పాలు, కంచు విగ్రహం, పురాతన నాణేలు, సున్నపురాయితో చేసిన చిన్న స్థూపం లభించాయి. ప్రస్తుతం బయటపడిన <a href="https://www.theclearcutnews.com/n/gxxKbAQ">చారిత్రక వస్తువులను</a> భద్రపరచి, వాటి గురించి సందర్శకులకు వివరించేలా మ్యూజియం ఏర్పాటు చేయాలని ప్రభుత్వం ప్లాన్ చేస్తోంది.