డాక్యుమెంట్లు అడిగితే బైకుకు నిప్పు!

By Prashanth· 7h ago

TG: హైదరాబాద్ నగరంలోని ఫలక్‌నుమా పోలీసులతో వాగ్వాదానికి దిగిన ఓ యువకుడు తన బైకుకు నిప్పంటించాడు. నిన్న రాత్రి పోలీస్ స్టేషన్ పరిధిలో వెహికల్ చెకింగ్ టైంలో డాక్యుమెంట్లు చూపించాలని S.I కోరగా, యువకుడు వాగ్వాదానికి దిగి పెట్రోల్ పోసి బైకును తగలబెట్టాడు. స్థానికులు, పోలీసులు మంటలను అదుపు చేయడంతో బైకు కొంతవరకు కాలిపోయింది. అతడిని అదుపులోకి తీసుకున్న పోలీసులు BNS కింద కేసు నమోదు చేసి ఇన్వెస్టిగేషన్ చేస్తున్నారు.

More in TG

TG· 15m ago

వర్షం కోసం ఎదురుచూపులు.. ఎండుతున్న పత్తి పంటలు

TG : ముథోల్ నియోజకవర్గంలో వర్షాలు సకాలంలో కురవక పత్తి రైతులు ఆందోళన చెందుతున్నారు. ఎకరానికి 20 వేల నుంచి 25 వేల వరకు ఖర్చు చేస్తున్నామని, ఆశించిన వర్షాలు లేక పంటలు ఎండిపోతున్నాయని రైతులు ఆవేదన చెందుతున్నారు. సాధారణంగా ఎకరానికి 10 నుంచి 12 క్వింటాళ్ల దిగుబడి వస్తుందని ఆశిస్తారు. పంట దెబ్బతింటే అప్పులు తీర్చడం కష్టమవుతుందని అంటున్నారు. అధికారులు గ్రామాల వారీగా పంటలను పరిశీలించి, నష్టాన్ని అంచనా వేయాలని రైతులు కోరుతున్నారు.

TG· 1h ago

KTRకు నోటి దురుసు ఎక్కువ: కాల్వ సుజాత

TG: BRS వర్కింగ్ ప్రెసిడెంట్ KTRపై కాంగ్రెస్ అధికార ప్రతినిధి కాల్వ సుజాత విమర్శలు చేశారు. E-Car రేసు కేసు చిన్నదేనని చెబుతున్న KTR.. కోర్టులో ఎందుకు పోరాడుతున్నారని ప్రశ్నించారు. ఎన్నికల కోడ్ అమల్లో ఉన్న సమయంలో 54 కోట్ల లావాదేవీలు ఎలా జరిగాయని నిలదీశారు. గాంధీభవన్‌లో జరిగిన మీడియా సమావేశంలో ఆమె ఈ వ్యాఖ్యలు చేశారు. ఓట్ల చోరీ ఆరోపణలపై ఎన్నికల సంఘం నిష్పక్షపాతంగా వ్యవహరించాలని, C.E.C. జ్ఞానేశ్ కుమార్ రాజీనామా చేయాలని కూడా డిమాండ్ చేశారు.

TG· 2h ago

మటన్ మండిలో పంటి ముక్క.. Complaint చేసినా నో యాక్షన్?

TG: హైదరాబాద్ మాదాపూర్‌లోని ది జాయింట్ అల్ మండి రెస్టారెంట్‌లో ఫుడ్ క్వాలిటీపై వివాదం నెలకొంది. మటన్ మండి తింటుండగా ఫుడ్‌లో పంటి ముక్క కనిపించిందని ఓ కస్టమర్ ఆరోపించారు. మేనేజ్‌మెంట్‌ను ఇదేంటని ప్రశ్నిస్తే ఏం చేసుకుంటావో చేసుకో, ఎక్కడైనా కంప్లైంట్ చేసుకో అని బెదిరించిందని అన్నారు. ఫుడ్ సేఫ్టీ అధికారులకు ఫిర్యాదు చేసినా చర్యలు తీసుకోలేదని, సెటిల్‌మెంట్ చేసుకోవాలని సూచించారని ఆరోపించారు. ఈ ఘటనపై పై ఆఫీసర్లు ఇన్వెస్టిగేషన్ చేయాలని డిమాండ్ చేశారు.

TG· 2h ago

మండీ బిర్యానీ తిని మృతి.. పలువురు అస్వస్థత

TG:మెదక్ జిల్లా నర్సాపూర్‌లో ఫుడ్ పాయిజన్ ఘటన కలకలం రేపింది. మంగళవారం వన్ ప్యాలెస్ రెస్టారెంట్‌లో మండీ బిర్యానీ తిన్న పలువురు అస్వస్థతకు గురయ్యారు. వెంటనే వారిని హాస్పిటల్‌‌‌‌కు తీసుకెళ్లగా, చికిత్స పొందుతూ సాయిరాం (19) అనే యువకుడు మృతి చెందాడు. మరో 15 మంది తీవ్ర అస్వస్థతకు గురై ఆస్పత్రిలో చికిత్స పొందుతున్నారు. ఈ ఘటనతో స్థానికంగా ఆందోళన నెలకొంది. రెస్టారెంట్‌లో తిన్న ఆహారం వల్లే ఈ ఘటన జరిగిందని ప్రజలు ఆరోపిస్తున్నారు.