విద్యుత్ షాక్.. రైలింగ్ కార్మికుడు మృతి!

By SRI NIVAS REDDY PONAGALLA· 2h ago· Nelakondapally, Nelakondapalli, Khammam

ఖమ్మం జిల్లాలోని నేలకొండపల్లి మండలం కొత్తకొత్తూరు గ్రామంలోని ఎస్ఎఫ్ఐ స్కూల్‌లో రైలింగ్ పనులు జరుగుతున్నాయి. రాజస్థాన్‌కు చెందిన సునీల్ అనే కార్మికుడు స్టీల్ రైలింగ్ చేస్తుండగా, రైలింగ్ పైపు కరెంట్ తీగలకు తగిలింది. విద్యుత్ షాక్‌కు గురై సునీల్ స్పృహ కోల్పోయాడు. పాఠశాల యాజమాన్యం, తోటి కార్మికులు వెంటనే ఆసుపత్రికి తరలించారు. వైద్యులు సీపీఆర్ చేసి ప్రాణాలు కాపాడేందుకు ప్రయత్నించినా ఫలితం లేకపోయింది. పోలీసులు కేసు నమోదు చేసి దర్యాప్తు చేస్తున్నారు.

More in Local

Local· 2m ago

జల్ జీవన్ పైపుల లీకేజీ.. నీరు వృథా!

నెల్లూరు జిల్లా కొండాపురం మండల కేంద్రంలోని పశువైద్యశాల సమీపంలో జల్ జీవన్ మిషన్ పైపులైన్ల లీకేజీతో నాలుగు నెలలుగా నీరు వృథాగా పోతోంది. దీంతో రోడ్లు బురదమయంగా మారి, మురుగునీరు ఇళ్లలోకి వస్తోందని గ్రామస్తులు ఆవేదన వ్యక్తం చేస్తున్నారు. గుంతల్లో పశువులు, కుక్కలు పడుతున్నాయని, కలుషిత నీటితో వ్యాధులు వచ్చే ప్రమాదం ఉందని ఆందోళన చెందుతున్నారు. అధికారులకు ఫిర్యాదు చేసినా స్పందన లేదని, వెంటనే లీకేజీలను అరికట్టాలని కోరుతున్నారు.

▶

Local· 5m ago

అర్హులైన దివ్యాంగులకు వాహనాలు అందజేత

విజయనగరం జిల్లా రాజాంలో దివ్యాంగుల సంక్షేమానికి ప్రభుత్వం ప్రాధాన్యత ఇస్తోందని MLA కోండ్రు మురళీమోహన్ తెలిపారు. రాజాం TDP కార్యాలయం వద్ద మొదటి విడతలో భాగంగా నియోజకవర్గానికి చెందిన ఆరుగురు అర్హులైన దివ్యాంగులకు రెట్రోఫిట్ మూడు చక్రాల వాహనాలను పంపిణీ చేశారు. దివ్యాంగుల అభ్యున్నతికి ప్రభుత్వం కృషి చేస్తోందని ఈ సందర్భంగా ఆయన పేర్కొన్నారు.

Local· 7m ago

దసరా సెలవుల్లో క్లాసులు పెడితే చర్యలు తప్పవు

రాష్ట్ర ప్రభుత్వం ప్రకటించిన దసరా సెలవుల్లో ప్రైవేటు పాఠశాలలు తరగతులు నిర్వహిస్తే చర్యలు తీసుకుంటామని కావలి ఎంఈఓలు బండి గోవిందయ్య, CH. వెంకటసుబ్బయ్య హెచ్చరించారు. అక్టోబర్ 10 నుంచి 21 వరకు సెలవులు ఉంటాయని, అక్టోబర్ 22న పాఠశాలలు తిరిగి ప్రారంభమవుతాయని తెలిపారు. నిబంధనలు ఉల్లంఘించి తరగతులు నిర్వహించే పాఠశాలల యాజమాన్యాలపై చట్టపరమైన చర్యలు తప్పవని స్పష్టం చేశారు.

Local· 28m ago

చేగువేరా వర్ధంతి.. కార్మికులకు దుప్పట్లు

నెల్లూరుజిల్లా గూడూరు మాళవ్య నగర్‌లోని చేగువేరా ఫౌండేషన్ కార్యాలయంలో శుక్రవారం చేగువేరా 59వ వర్ధంతి, ఫౌండేషన్ 15వ వార్షికోత్సవం జరిగింది. వ్యవస్థాపకుడు మండ్ల సురేష్ బాబు, అధ్యక్షుడు గుండాల ఆదినారాయణ చేగువేరా చిత్రపటానికి పూలమాలలు వేసి నివాళులర్పించారు. అనంతరం 50 మంది భవన నిర్మాణ కార్మికులకు దుప్పట్లు పంపిణీ చేశారు. చేగువేరా ఆశయాలను యువత ఆదర్శంగా తీసుకుని బడుగు, బలహీన వర్గాల అభ్యున్నతికి కృషి చేయాలని పిలుపునిచ్చారు.