జెడ్పీటీసీ, ఎంపీటీసీ ఎన్నికలకు సర్వం సిద్ధం

By B V Appalanaidu· 2h ago· Alluri Sitharama Raju

అల్లూరి జిల్లాలో ZPTC,MPTC ఎన్నికల నిర్వహణకు ఏర్పాట్లు పూర్తి చేసినట్లు కలెక్టర్ టి. నిషాంతి తెలిపారు. ఈ నెల 21 నుంచి 23 వరకు నామినేషన్లు స్వీకరించనుండగా, 27న ఉపసంహరణకు గడువు ముగుస్తుంది. నవంబర్ 3న పోలింగ్, 5న ఓట్ల లెక్కింపు చేపట్టనున్నారు. జిల్లాలో 11 జెడ్పీటీసీ, 172 ఎంపీటీసీ స్థానాలకు 616 పోలింగ్ కేంద్రాల్లో ఎన్నికలు నిర్వహించనున్నట్లు తెలిపారు.

More in Local

Local· 2m ago

ప్రైవేట్ బస్సుల తనిఖీలు.. ₹10,200 జరిమానా

కోనసీమ జిల్లా రావులపాలెం మండలం ఈతకోట టోల్ ప్లాజా వద్ద సోమవారం రవాణాశాఖ అధికారులు 21 ప్రైవేట్ ట్రావెల్స్ బస్సులను తనిఖీ చేశారు. నిబంధనల ఉల్లంఘనలకు సంబంధించి 6 బస్సులపై కేసులు నమోదు చేసి, ₹10,200 జరిమానా విధించారు. ప్రయాణికుల భద్రతే లక్ష్యంగా ఈ తనిఖీలు నిరంతరం కొనసాగిస్తామని డీటీఓ దేవిశెట్టి శ్రీనివాసరావు తెలిపారు.

Local· 11m ago

'ఎన్నికల నియమావళిని ఉల్లంఘిస్తే చర్యలు'

చిత్తూరు జిల్లా రామకుప్పం మండలంలో స్థానిక సంస్థల ఎన్నికల నేపథ్యంలో ఎన్నికల ప్రవర్తనా నియమావళిని కచ్చితంగా అమలు చేయనున్నట్లు తహశీల్దార్ కౌలేష్ తెలిపారు. ఈ నెల 21 నుంచి 23వరకు నామినేషన్ల పరిశీలన, 24న నామినేషన్ల ఉపసంహరణ, 27న తుది జాబితా ప్రకటన ఉంటుందని పేర్కొన్నారు. ఎన్నికల ప్రచారంలో నిబంధనలు పాటించాలని, ఓటర్లను ప్రలోభపెట్టే చర్యలకు పాల్పడితే కఠిన చర్యలు తప్పవన్నారు.

Local· 18m ago

గుత్తి మున్సిపల్ పీఠం టీడీపీకి ఏకగ్రీవం

అనంతపురం జిల్లా గుత్తి మున్సిపల్ చైర్‌పర్సన్‌గా టీడీపీ అభ్యర్థి గోవిందరాజులు తమిళ్ సెల్వి ఏకగ్రీవంగా ఎన్నికయ్యారు. సోమవారం మున్సిపల్ కార్యాలయంలో ఎన్నికల ప్రక్రియ చేపట్టారు. చైర్‌పర్సన్ పదవికి దాఖలైన 8 నామినేషన్లలో 6 తిరస్కరణకు గురయ్యాయి. వైసీపీ అభ్యర్థి అంజలి నామినేషన్ తిరస్కరణకు గురికాగా, మరో టీడీపీ అభ్యర్థి నామినేషన్ ఉపసంహరించుకున్నారు. దీంతో తమిళ్ సెల్వి ఎన్నిక ఏకగ్రీవమైంది.

Local· 26m ago

రెడ్ క్రాస్ దాతలకు తహసీల్దార్ ధన్యవాదాలు

బాపట్ల జిల్లాలో కర్లపాలెం ఇండియన్ రెడ్ క్రాస్ సొసైటీ సేవలను గుర్తించి విరాళాలందించిన దాతలకు తహసీల్దార్ డీ. రవీంద్ర కుమార్ ధన్యవాదాలు తెలిపారు. యారం చిన్నబ్బాయి ₹10,000, దొప్పలపూడి చిన్న శ్రీనివాసరావు ₹5,000 విరాళంగా అందించగా దాతలను అభినందించారు. ఛైర్మన్ ఇనకొల్లు పోలీసురావు మాట్లాడుతూ.. ఆరోగ్యవంతమైన సమాజానికి ప్రతి ఒక్కరూ చేయూతనివ్వాలని కోరారు.