ధ్రువ్ రాఠీపై పోలీసులకు కంప్లైంట్!

By Prashanth· 8h ago· X

యూట్యూబర్ ధ్రువ్ రాఠీపై తెలంగాణ హైకోర్టు లాయర్, BJP లీగల్ సెల్ జాయింట్ కన్వీనర్ నీలం భార్గవ రామ్ పోలీసులకు కంప్లైంట్ చేశారు. నిన్న లండన్‌లో జరిగిన నిరసనలో ధ్రువ్ రాఠీ, ప్రధాని నరేంద్ర మోదీని “దేశద్రోహి” అని కామెంట్ చేశారనీ, ఆయనపై చర్యలు తీసుకోవాలని కోరారు. వీడియో లింకులు, స్క్రీన్‌షాట్లను ఆధారాలుగా ఇచ్చి, అమిత్ షా, మోదీలను ట్యాగ్ చేస్తూ Xలో పోస్ట్ చేశారు. కంప్లైంట్‌పై పోలీసులు కేసు ఫైల్ చేశారా లేదా అనేది ఇంకా స్పష్టత లేదు.

More in National

National· 22m ago

జైల్లోనే ఉంచాలని ప్లాన్ చేస్తున్నారు: అభిజిత్ దీప్కే

CJP లీడర్స్ సౌరవ్ దాస్, ఆశుతోష్ రంకా అరెస్టును ప్రభుత్వం కావాలనే పొడిగిస్తోందని అభిజీత్ దీప్కే ఆరోపించారు. కోర్టు విచారణను ఆలస్యం చేస్తూ, వారి విడుదలను అడ్డుకునేందుకు రకరకాల వ్యూహాలు వేస్తోందని విమర్శించారు. వారిని జైల్లో ఉంచేందుకు సరైన చట్టపరమైన కారణాలు లేవని, అందుకే విచారణను సాగదీస్తున్నారని అన్నారు. అంతకుముందు CJP న్యాయవాది రత్నా సింగ్ కూడా SEM [Special Executive Magistrate] <a href="https://www.theclearcutnews.com/n/nA6emk5">ఆలస్యం</a>, బెదిరింపు సందేహంపై విచారణ మళ్లడంపై అసంతృప్తి వ్యక్తం చేశారు.

National· 57m ago

బాలీవుడ్ నటుడు టైగర్ ష్రాఫ్‌పై కాల్పులు..

ముంబైలోని జుహులో బాలీవుడ్ హీరో టైగర్ ష్రాఫ్‌పై కాల్పులు జరిగాయి. గుర్తుతెలియని వ్యక్తులు ఆయన ఇంటి దగ్గర ఫైరింగ్ చేశారు. ఈ ఘటనలో టైగర్ ష్రాఫ్ సేఫ్‌గా బయటపడ్డారు. అయితే ఆయన డ్రైవర్‌కు గాయాలైనట్లు సమాచారం. విషయం తెలిసిన వెంటనే పోలీసులు అక్కడికి చేరుకుని కేసు నమోదు చేశారు. కాల్పులు జరిపింది ఎవరు? ఎందుకు జరిపారు? అనే విషయాలపై ఆరా తీస్తున్నారు. నిందితులను గుర్తించేందుకు సీసీటీవీ ఫుటేజీని చెక్ చేస్తున్నారు. ఈ ఘటనకు సంబంధించిన వివరాలు తెలియాల్సి ఉంది.

▶

National· 58m ago

"సౌరవ్, అశుతోష్ వెనక కుట్ర": రత్న సింగ్

CJP టాప్ లీడర్లు సౌరవ్ దాస్, ఆశుతోష్ రాంకాను విడుదల చెయ్యకుండా కావాలనే ఆలస్యం చేస్తున్నారని CJP లీగల్ హెడ్ రత్న సింగ్ ఆరోపించారు. వారికి రిలీజ్‌కి సంబంధించి ఇవాళ మధ్యాహ్నం 12 గంటలకు విచారణ జరుగుతుందని చెప్పినా, ప్రత్యేక ఎగ్జిక్యూటివ్ మేజిస్ట్రేట్ సాయంత్రం 5 గంటల వరకు కోర్టులోకి రాలేదని ఆమె అన్నారు. అన్ని వివరాల పరిశీలనా పూర్తయినా, విడుదల చేయాలా వద్దా అనే అంశంపై వాదనలు వినలేదన్నారు. ఇదంతా కావాలని చేసినట్లు కనిపిస్తోందని ఆమె ఫైర్ అయ్యారు.

National· 1h ago

100 కోట్ల రూపాయల విలువైన డ్రగ్స్ సీజ్..

తమిళనాడులోని నాగపట్నం జిల్లాలో 137 కిలోల క్రిస్టల్ మెత్ డ్రగ్స్‌ను DRI అధికారులు సీజ్ చేశారు. వీటి విలువ 100 కోట్ల రూపాయలకుపైగా ఉంటుందని అంచనా వేశారు. ఈ డ్రగ్స్‌ను సముద్ర మార్గంలో శ్రీలంకకు తరలించేందుకు ప్లాన్ చేసినట్లు అధికారులు గుర్తించారు. ఈ కేసులో నలుగురిని అరెస్ట్ చేసి, జ్యుడీషియల్ కస్టడీకి పంపారు. నిందితుల దగ్గర 10 లక్షల రూపాయల నగదుతో పాటు రెండు కార్లు, ఒక బైక్‌ను కూడా సీజ్ చేశారు. డ్రగ్స్ ఎక్కడి నుంచి వచ్చాయో తెలుసుకుంటున్నారు.