పనామాలో భారీ భూకంపం..

By Lokesh· 10 Oct 2026· Theguardian

పనామాలో శుక్రవారం భారీ భూకంపం సంభవించింది. రిక్టర్ స్కేలుపై 7.7 తీవ్రతతో నమోదైంది. భూమికి 12.6 కిలోమీటర్ల లోతులో వచ్చిన ఈ భూకంపం దాదాపు నిమిషం పాటు కొనసాగింది. దీంతో భవనాలు, రోడ్లు దెబ్బతిన్నాయి. పనామా సిటీలో ప్రజలు ఎత్తైన బిల్డింగ్స్ నుంచి బయటకు పరుగులు తీశారు. 40సార్లకు పైగా ప్రకంపనలు కూడా వచ్చాయి. అయితే ప్రాణ, అస్తి నష్టం వివరాలను అధికారులు అంచనా వేస్తున్నారు.

More in International

International· 5m ago

'Kim' బతికే ఉన్నారు

ఉత్తర కొరియా అధ్యక్షుడు కిమ్ జోంగ్ ఉన్, బ్రెయిన్ హెమరేజ్‌తో చనిపోయారని సోషల్ మీడియాలో రూమర్స్ వచ్చాయి. వాటికి చెక్ పెడుతూ ఆ దేశ అఫీషియల్ మీడియా KCNA.. కిమ్ ఫొటోలను రిలీజ్ చేసింది. అమెరికాకు చెందిన చైనా రెబెల్ వాంజున్ జియే.. కిమ్ కోమాలోకి వెళ్లి బీజింగ్‌లో చనిపోయారనీ, వారసత్వ పోరును ఆపేందుకు ప్యాంగ్యాంగ్‌కి చైనా 9,000 మంది సైనికుల్ని పంపిందని అసత్య ప్రచారం చేశారు. తాజాగా కిమ్ తన కూతురు కిమ్ జు-ఏతో కలిసి ఓ గార్మెంట్స్, ఫుట్‌వేర్ ఎగ్జిబిషన్‌ను ఉత్సాహంగా పరిశీలిస్తూ కనిపించారు.

International· 12h ago

గాజాలో 5 లక్షల మందికి ఆహార సాయం నిలిపివేస్తున్న WFP

ఆర్థిక లోటు, నిధుల కొరత కారణంగా గాజా ప్రాంతంలో పాలస్తీనియన్లకు ప్రతినెలా అందిస్తున్న అత్యవసర ఆహార సాయంలో సుమారు 5 లక్షల మందికి ఇకపై నిలిపివేస్తున్నట్లు ఐక్యరాజ్యసమితికి చెందిన ప్రపంచ ఆహార సంస్థ (World Food Programme) ప్రకటించింది. యుద్ధం, అంతర్గత అశాంతితో ఇప్పటికే ఆహార సంక్షోభాన్ని ఎదుర్కొంటున్న గాజా ప్రజలకు ఈ నిర్ణయం భయంకరంగా మారనుంది. గతంలో WFP నెలకు 16 లక్షల మందికి ఆహారం అందిస్తుండగా, ప్రస్తుతం ఆ సాయం పొందేవారి సంఖ్య 11 లక్షలకు పడిపోయింది.

International· 13h ago

2035 నాటికి చంద్రుడిపైకి పాకిస్థాన్ ప్రయాణం

చంద్రుడిపై భారత్ ల్యాండ్ అయిన మూడేళ్ల తర్వాత పొరుగు దేశం పాకిస్థాన్ తనూ చంద్రుణ్ని చేరుకోవాలని ప్రయత్నాలు మొదలుపెట్టింది. ఇందులో భాగంగా 2035 నాటికి చంద్రుడిపై ల్యాండింగ్ చేయాలనే లక్ష్యాన్ని నిర్దేశించుకున్నట్లు ఆ దేశ ప్లానింగ్ మంత్రి అహ్సన్ ఇక్బాల్ ప్రకటించారు. చైనా సహకారంతో ఈ పని చేయాలని పాక్ భావిస్తోంది. నారోవాల్‌లో జరిగిన 'వరల్డ్ స్పేస్ వీక్ 2026' ముగింపు వేడుకల్లో మంత్రి ఈ కీలక ప్రకటన చేశారు.

International· 13h ago

ఫ్రాన్స్‌లో ఉద్రిక్తత.. 350 మందికిపైగా నిరసనకారుల అరెస్ట్

ఫ్రాన్స్‌ రాజధాని పారిస్‌తోపాటు పలు ప్రాంతాల్లో ఈ వీకెండ్‌లో హింసాత్మక నిరసనలు జరిగాయి. ఒక్క పారిస్‌లోనే సుమారు 350 మందికి పైగా ఆందోళనకారులను పోలీసులు అదుపులోకి తీసుకున్నారు. పెరుగుతున్న జీవన వ్యయం, విద్యా ప్రమాణాలు మెరుగుపరచాలని డిమాండ్‌ చేస్తూ చేపట్టిన ఈ ఆందోళనలు హింసకు దారితీశాయి. సుమారు 5 లక్షల మందికి పైగా నిరసనకారులు వీధుల్లోకి రావడంతో పరిస్థితి అదుపుతప్పింది. కొన్ని ప్రాంతాల్లో నిరసనకారులు వ్యాపార కేంద్రాలను లూటీ చేశారు.