ఆత్మకూరులో అభివృద్ధి పనులకు శంకుస్థాపన

గుంటూరు జిల్లా మంగళగిరి మండలం ఆత్మకూరు గ్రామంలో రూ.3.40 కోట్లతో చేపట్టనున్న పలు అభివృద్ధి పనులకు TDP నాయకులు శంకుస్థాపన చేశారు. గ్రామంలో రోడ్లు, డ్రైనేజీలు, కల్వర్టుల నిర్మాణంతో పాటు ప్రజలకు అవసరమైన మౌలిక వసతులను మెరుగుపరిచేందుకు పనులు చేపట్టనున్నారు. ఈ పనులు పూర్తయితే గ్రామంలో రాకపోకలు సులభతరం కావడంతో పాటు పారిశుద్ధ్య సమస్యలు కూడా తగ్గనున్నాయి. అభివృద్ధి పనులను త్వరగా పూర్తి చేసేలా చర్యలు తీసుకోవాలని స్థానికులు కోరారు.