ఇక్కడ రేవంత్ చట్టం నడుస్తోంది..!

By Vinith· 1h ago· Saidabad, Saidabad, Hyderabad

హైదరాబాద్ జిల్లాలో రాజకీయం వేడెక్కింది. BRS నేత ఆర్ఎస్ ప్రవీణ్ కుమార్ తీవ్ర ఆరోపణలు చేశారు. సైఫాబాద్ పోలీస్ స్టేషన్‌లో మాస్కులు ధరించిన వ్యక్తులు దాడికి ప్రయత్నించారు. ఈ ఘటనపై సిట్ ఏర్పాటు చేసి దర్యాప్తు చేయాలని డిమాండ్ చేశారు. పోలీస్ స్టేషన్ సీసీటీవీ ఫుటేజీని బయటపెట్టాలని కోరారు. తెలంగాణలో శాంతిభద్రతలు క్షీణించాయని ఆరోపించారు. హోంమంత్రి రేవంత్ రెడ్డి రాజీనామా చేయాలని డిమాండ్ చేశారు. "తెలంగాణలో రాజ్యాంగం కాదు.. రేవంత్ రెడ్డి చట్టం నడుస్తోంది" అని మండిపడ్డారు.

More in Local

Local· just now

గిద్దలూరులో చిరుత ఉంది..అలెర్ట్..!

ప్రకాశం జిల్లా గిద్దలూరు సమీపంలోని దిగువమెట్ట, ప్రతాప్‌రెడ్డి కాలనీ, పెద్దచెరువు, జయరాపురం, జయరాపురం తండా, ఎల్లుపల్లి, ఉప్పలపాడు, అంబవరం గ్రామాల పరిసర రిజర్వు ఫారెస్ట్‌లో చిరుతపులి సంచరిస్తున్నట్లు అటవీ శాఖ గుర్తించింది. ఈ ప్రాంతాల ప్రజలు, రైతులు, పశువుల కాపలాదారులు అప్రమత్తంగా ఉండాలని అధికారులు సూచించారు. రిజర్వు ఫారెస్ట్‌లోకి ప్రవేశించకూడదు. ఉదయం, సాయంత్రం, రాత్రి వేళల్లో ఒంటరిగా సంచరించకూడదన్నారు. చిరుత కనిపించినా, ఆనవాళ్లు గుర్తించినా వెంటనే సమీప అటవీ శాఖ సిబ్బందికి సమాచారం ఇవ్వాలన్నారు.

Local· 5m ago

ఆ మట్టి తవ్వకం అ్రకమం..

రంగారెడ్డి జిల్లా కేశంపేట మండలం పుట్టినిగూడ పంచాయతీ, సంగెం రెవెన్యూ శివారులోని సర్వే నంబర్ 206లో 8.20 గుంతల ప్రభుత్వ భూమిలో అక్రమ మట్టి తవ్వకాలు జరుగుతున్నాయి. జనసేన నాయకులు జార్పుల రాజునాయక్ ఆధ్వర్యంలో సభ్యులు తహసీల్దార్‌కు వినతిపత్రం సమర్పించారు. అక్రమ తవ్వకాలు వెంటనే ఆపాలని, మట్టి తరలిస్తున్న వారిపై చర్యలు తీసుకోవాలని కోరారు. ప్రభుత్వ ఆస్తులను కాపాడాలని డిమాండ్ చేశారు. కార్యక్రమంలో జంగా శేఖర్, పట్నం కుమార్, రాజు యాదవ్, పట్నం రాజు పాల్గొన్నారు.

Local· 7m ago

వాటిల్లో ఎస్సీలకు ఫస్ట్ చాన్స్..!

రంగారెడ్డి జిల్లా కొందుర్గ్ మండలం పర్వతపూర్ గ్రామంలో ఇందిరమ్మ ఇళ్ల మంజూరుపై ఆరోపణలు వచ్చాయి. అర్హులైన పేదలకు ఇళ్లు ఇవ్వకుండా కేవలం పార్టీ కార్యకర్తలకే కేటాయిస్తున్నారని తెలంగాణ రాజ్యాధికార పార్టీ నేతలు ఆర్డీఓకు మనవి పత్రం ఇచ్చారు. తమ పేర్లు ఎల్1 జాబితాలో ఉన్నా మొదటి, రెండో జాబితాలో ఇళ్లు మంజూరు కాలేదని వారు చెప్పారు. గ్రామంలో ఎనిమిది ఇళ్లు కేటాయిస్తే ఓసీ 1, బీసీ 7, ఎస్సీలకు 0 ఇచ్చారని మండిపడ్డారు. ఎస్సీలకు ప్రథమ ప్రాధాన్యం ఇవ్వాలని, అర్హులందరికీ ఇళ్లు మంజూరు చేయాలని డిమాండ్ చేశారు.

Local· 11m ago

ఇక నుంచి వారికి నో చెక్ పవర్!

నాగర్కర్నూల్ జిల్లాలో ప్రజాప్రతినిధులపై కలెక్టర్ కొరడా ఝళిపించారు. నిబంధనల ఉల్లంఘన, అధికార దుర్వినియోగం, ప్రభుత్వ నిధుల వినియోగంలో అవకతవకలకు పాల్పడిన సర్పంచులపై చర్యలు తీసుకున్నారు. కొల్లాపూర్ మండలం మొలచింతలపల్లి, పెంట్లవెల్లి మండలం పెంట్లవెల్లి, బిజినపల్లి మండలం కారుకొండ గ్రామాల సర్పంచుల చెక్ పవర్ను రద్దు చేశారు. కోడేరు మండలం ఎత్తం గ్రామ సర్పంచ్, ఉప సర్పంచ్లను సస్పెండ్ చేశారు. జిల్లా కలెక్టర్ హేమంత్ కేశవ్ పాటీల్ మంగళవారం ఉత్తర్వులు జారీ చేశారు.