'TDPనాయకులపై చర్యలు తీసుకోవాలి'

By Ram krishna· 6h ago· Y.S.R. Kadapa

కడప జిల్లా పులివెందుల నియోజకవర్గంలోని ఇప్పట్ల గ్రామంలో వైసీపీ నాయకులపై దాడులకు పాల్పడిన TDP నేతలపై చర్యలు తీసుకోవాలని MP వైఎస్ అవినాష్ రెడ్డి కోరారు. నిన్న రూరల్ సీఐ శాంతిలాల్‌ను కలిసి ఘటన వివరాలను వెల్లడించారు. గతంలో ఫిర్యాదు చేసినా చర్యలు తీసుకోకపోవడం వల్లే దాడులు కొనసాగుతున్నాయని పేర్కొన్నారు. ఇప్పటికైనా బాధ్యులపై చర్యలు తీసుకోవాలని కోరగా, తప్పకుండా చర్యలు తీసుకుంటామని సీఐ హామీ ఇచ్చారు.

More in Local

Local· 2m ago

ఐదు మండలాలకు సీపీఎం అభ్యర్థులు ఖరారు

అల్లూరి జిల్లాలో ఐదు మండలాలకు CPM పార్టీ జడ్పీటీసీ అభ్యర్థులను ఖరారు చేసింది. అరకులోయకు గెమ్మెలి చినబాబు, అనంతగిరికి దీసరి దేముడమ్మ, డుంబ్రిగుడకు సోనబారికి పోతురాజు, ముంచింగిపుట్టుకు కొర్రా త్రినాధ్‌ను ఎంపిక చేసింది. పాడేరు నియోజకవర్గంలోని జీకే వీధి మండలానికి అంపరంగి బుజ్జిబాబును అభ్యర్థిగా ప్రకటించింది. ఎన్నికల బరిలో పార్టీ తరఫున వీరు పోటీ చేయనున్నారు.

Local· 12m ago

రాయిమామిడి బ్రిడ్జికి ముప్పు.. రాకపోకలకు ప్రమాదం

అల్లూరి సీతారామరాజు జిల్లా పెదబయలు మండలం గోమంగి పంచాయతీలో రాయిమామిడి నుంచి గుల్లెలు గ్రామానికి వెళ్లే ప్రధాన రహదారిపై ఉన్న మాత్యగడ్డ కాజ్‌వే బ్రిడ్జి ప్రమాదకరంగా మారింది. బ్రిడ్జి ఒకవైపు అంచు కోతకు గురై మట్టి, బండరాళ్లు కొట్టుకుపోయాయి. ఈ మార్గంలో జీపులు, ద్విచక్ర వాహనాలు, పాదచారులు నిత్యం రాకపోకలు సాగిస్తుండటంతో ప్రమాద భయం నెలకొంది. అధికారులు స్పందించి మరమ్మతులు చేపట్టాలని స్థానికులు కోరుతున్నారు.

▶

Local· 14m ago

నామినేషన్లపై ఉద్రిక్తత.. YCP ఆరోపణలు

కర్నూలు జిల్లా ఆలూరులో స్థానిక సంస్థల ఎన్నికల నామినేషన్ల సందర్భంగా ఉద్రిక్తత చోటుచేసుకుంది. ఆలూరు-3 వైసీపీ MPTC అభ్యర్థిని నామినేషన్ వేసేందుకు వెళ్లగా ఎస్సై మన్మధ విజయ్ అడ్డుకుని ఈడ్చుకెళ్లారని YCP నాయకులు ఆరోపించారు. మహిళలను సైతం పక్కకు నెట్టారని పేర్కొన్నారు. అభ్యర్థులకు రక్షణ కల్పించి, స్వేచ్ఛగా నామినేషన్లు వేసేలా చూడాలని డిమాండ్ చేశారు.

Local· 18m ago

వరుస దొంగతనాల వేళ పోలీసుల బదిలీలపై చర్చ

వికారాబాద్ జిల్లా తాండూరులో వరుస దొంగతనాల కేసుల దర్యాప్తు కొనసాగుతున్న నేపథ్యంలో పోలీసు అధికారుల బదిలీలపై రాజకీయ ఒత్తిళ్లు వస్తున్నాయనే ఆరోపణలు వ్యక్తమవుతున్నాయి. ఈ పరిణామాలపై ప్రజాసంఘాల నాయకులు ఆందోళన వ్యక్తం చేశారు. నిజాయితీగా విధులు నిర్వహిస్తున్న అధికారులను బదిలీ చేయవద్దని డిమాండ్ చేశారు. అవినీతి ఆరోపణలు ఉంటే విచారణ జరిపి చట్టప్రకారం చర్యలు తీసుకోవాలని, రాజకీయ ఒత్తిళ్లతో బదిలీలు చేయడం సరికాదని పేర్కొన్నారు.