సీఎం రేవంత్ రెడ్డికి KTR బహిరంగ లేఖ

By Vishi· 2h ago

TG: CM రేవంత్ రెడ్డికి BRS వర్కింగ్ ప్రెసిడెంట్ KTR బహిరంగ లేఖ రాశారు. విదేశీ బొగ్గు దిగుమతి ముసుగులో రూ.3 వేల కోట్ల భారీ స్కాంకు సీఎం రేవంత్ రెడ్డి కుట్ర చేస్తున్నారని ఆరోపించారు. ‘భోత్రా లాజిస్టిక్స్’ అనే అనుమానాస్పద కంపెనీతో ముందే సీఎం చీకటి ఒప్పందం చేసుకున్నారని, కావాలనే కృత్రిమ బొగ్గు కొరత, కరెంట్ సంక్షోభం సృష్టించారని అన్నారు. భోత్రా లాజిస్టిక్స్‌తో రాష్ట్ర ప్రభుత్వం, సింగరేణి చేసుకున్న అన్ని రహస్య అగ్రిమెంట్లు బయటపెట్టాలని డిమాండ్ చేశారు.

More in TG

TG· 6m ago

ఎల్ నినోపై CM రేవంత్.. అలర్ట్!

ఎల్‌నినో ప్రభావంపై CM రేవంత్‌రెడ్డి మంత్రులతో చర్చించిన తరువాత మీడియాతో మాట్లాడారు. గ్లోబల్ వార్మింగ్ కారణంగా ఎల్‌నినో ప్రభావం పెరిగి, పరిస్థితులు చేయిదాటుతున్నాయని అన్నారు. 100 దేశాలపై దీని ప్రభావం ఉందని UNO తెలిపినట్లు చెప్పారు. ఎల్‌నినోను ఎదుర్కొనేందుకు యాక్షన్ ప్లాన్ సిద్ధం చేశామని తెలిపారు. ఎల్‌నినోపై సమాచారం కోసం నోడల్ ఆఫీసర్‌ను నియమించామని అన్నారు. ప్రజలు అప్రమత్తంగా ఉండాలని సూచించారు. విద్యుత్ డిమాండ్ పెరిగి ఉత్పత్తి తగ్గిందని, రైతులను ముందే అలర్ట్ చేశామని CM తెలిపారు.

TG· 3h ago

తెలుగు రాష్ట్రాలకు బ్లాస్ట్ మెటీరియల్.. ఏడుగురు అరెస్ట్!

TG: UP నుంచి తెలుగు రాష్ట్రాలకు బ్లాస్ట్ మెటీరియల్ తీసుకొస్తున్న గ్యాంగ్‌ను ఆదిలాబాద్ పోలీసులు పట్టుకున్నారు. జైనథ్ మండలం పిప్పర్‌వాడ టోల్‌ప్లాజా దగ్గర రైడ్స్‌లో 20 వేల ఎలక్ట్రానిక్ డిటోనేటర్లు, 90 బూస్టర్లు స్వాధీనం చేసుకున్నారు. వీటి విలువ ₹20 లక్షలకు పైగా ఉంటుందని అంచనా. రెండు వెహికల్స్, 6 సెల్‌ఫోన్లను సీజ్ చేశారు. ఈ కేసులో ఏడుగురిని అరెస్ట్ చేయగా, మరో ఇద్దరి కోసం సెర్చ్ చేస్తున్నారు. దీని వెనుక ఎవరున్నారనే కోణంలో ఇన్వెస్టిగేషన్ జరుగుతుంది.

▶

TG· 3h ago

కరెంట్‌ కోసం రోడ్డెక్కిన రైతులు

నల్గొండ జిల్లా గండ్లపల్లి మండలం సింగరాజుపల్లి సబ్‌స్టేషన్‌ వద్ద సమీప గ్రామాల రైతులు ఆందోళనకు దిగారు. విద్యుత్‌ సరఫరా సరిగా లేక పంటలు ఎండిపోతున్నా అధికారులు పట్టించుకోవడం లేదని ఆగ్రహం వ్యక్తం చేశారు. నల్గొండ–దేవరకొండ రహదారిపై బైఠాయించి నిరసన తెలిపారు. పంటలను కాపాడేందుకు కరెంట్‌ సరఫరా సక్రమంగా ఉండేలా అధికారులు చర్యలు తీసుకోవాలని రైతులు కోరారు.

TG· 3h ago

రోజుకు 7 వేలకుపైగా ట్యాంకర్ బుకింగ్స్‌

TG: హైదరాబాద్‌లో నీటి ట్యాంకర్లకు డిమాండ్‌ పెరుగుతోంది. వర్షాలు తక్కువగా పడటం, భూగర్భ జలాలు తగ్గిపోవడంతో నగరంలోని పలు ప్రాంతాల ప్రజలు ట్యాంకర్ల ద్వారా నీటిని తెప్పించుకుంటున్నారు. సాధారణంగా వేసవిలో ఎక్కువగా ఉండే బుకింగ్స్‌ ఈసారి అక్టోబర్‌లోనూ పెరుగుతున్నాయి. దీంతో నీటి సరఫరాపై వాటర్‌ బోర్డుపై ఒత్తిడి పెరుగుతోంది. నీటి కొరతతో ఇబ్బందులు పడుతున్న ప్రాంతాల ప్రజలు ట్యాంకర్ల కోసం ఎదురుచూస్తున్నారు.