మస్క్‌పై సాండర్స్ ఫైర్.. రాజకీయ ఖర్చులపై విమర్శలు!

By Anusha· 1d ago· Indiatoday

ఎలాన్ మస్క్‌పై అమెరికా సెనెటర్ బెర్నీ సాండర్స్ విమర్శలు చేశారు. ట్రంప్ ఎన్నికల ప్రచారం కోసం మస్క్ ₹2,759 కోట్లు ఖర్చు చేశారని అన్నారు. ఇప్పుడు అమెరికా కాంగ్రెస్‌లో రిపబ్లికన్లు తమ పట్టును కొనసాగించేందుకు మరో ₹3,482 కోట్లు ఖర్చు చేస్తున్నారని ఆరోపించారు. డబ్బుతో రాజకీయాలను ప్రభావితం చేసే ధనవంతుల పెత్తనం తగ్గించాలని పిలుపునిచ్చారు. భారత్‌లో స్టార్‌లింక్ సేవలకు పర్మిషన్స్ లేటు అవుతున్నాయంటూ మస్క్ విమర్శలు చేస్తున్న టైంలో సాండర్స్ ఈ వ్యాఖ్యలు చేశారు.

More in International

International· 4h ago

రిపబ్లికన్ల కోసం మస్క్ భారీ ఖర్చు

అమెరికాలో వచ్చే మధ్యంతర ఎన్నికల్లో రిపబ్లికన్ పార్టీకి మద్దతుగా మస్క్ భారీగా డబ్బు ఖర్చు చేస్తున్నారు. జూలై నుంచి ఇప్పటివరకు 276 మిలియన్ డాలర్లు విరాళంగా ఇచ్చారు. ఇందులో రిపబ్లికన్ సెనెట్ అభ్యర్థులకు మద్దతిచ్చే సంస్థకు 158 మిలియన్ డాలర్లు,హౌస్ అభ్యర్థులకు మద్దతిచ్చే సంస్థకు 20 మిలియన్ డాలర్లు ఇచ్చారు. మస్క్‌కు చెందిన అమెరికా PACకి 76 మిలియన్ డాలర్లకు పైగా అందాయి. ఈ విరాళాలు రిపబ్లికన్లు కాంగ్రెస్‌లో ఆధిక్యాన్ని నిలబెట్టుకునేందుకు ఉపయోగపడనున్నాయి.

International· 5h ago

సౌది ఘర్షణల ఎఫెక్ట్.. ప్రయాణికులకు షాక్

సౌదీ అరేబియాలో హౌతీ–సౌదీ ఘర్షణల ప్రభావంతో తెలంగాణకు చెందిన వందలాది మంది ప్రయాణికులు విమానాశ్రయాల్లో చిక్కుకుపోయారు. అక్టోబర్ 17 వరకు పలు విమానాలు రద్దు కావడం, వాయిదా పడటంతో ప్రయాణికులు ఆందోళన చెందుతున్నారు. హైదరాబాద్‌కు సాధారణంగా ₹30–35 వేలుండే టికెట్ రేట్ ఏకంగా ₹1.50 లక్షలకు చేరింది. అత్యవసర ప్రయాణికులు ఖతార్, యూఏఈ లేదా బహ్రెయిన్ మీదుగా రావాలని సూచిస్తున్నారు.

International· 7h ago

చైనాకు భారత్ స్ట్రాంగ్ కౌంటర్

లడఖ్‌లోని 28 ప్రాంతాలకు పేర్లు ఖరారు చేసిన భారత్ నిర్ణయాన్ని చైనా వ్యతిరేకించింది. లడఖ్ కేంద్రపాలిత ప్రాంతాన్ని గుర్తించబోమని ప్రకటించింది. దీనిపై భారత్ ఘాటుగా స్పందించింది. లడఖ్ భారత్‌లో అంతర్భాగమని, చైనా కాదన్నంత మాత్రాన నిజం మారదని విదేశాంగ శాఖ స్పష్టం చేసింది. సరిహద్దు విషయంలో ఇరు దేశాల మధ్య విభేదాలు మరోసారి బయటపడ్డాయి.

International· 1d ago

సౌదీలో ఫ్లైట్స్ క్యాన్సిల్.. ప్రయాణికులకు అలర్ట్!

సౌదీ అరేబియాలో ఫ్లైట్ సర్వీసులకు ప్రాబ్లమ్ రావడంతో ఎయిర్ ఇండియా, ఎయిర్ ఇండియా ఎక్స్‌ప్రెస్, ఆకాశా ఎయిర్, ఇండిగో తమ ఫ్లైట్స్‌ను అక్టోబర్ 17 వరకు తాత్కాలికంగా క్యాన్సిల్ చేశాయి. రియాద్, దమ్మామ్, జెడ్డా, మదీనా నగరాలకు వెళ్లే, అక్కడి నుంచి వచ్చే ఫ్లైట్స్‌పై ఈ ప్రభావం ఉంది. ఉమ్రా యాత్రకు వెళ్లినవాళ్లు సహా భారతీయులు ఫ్లైట్ స్టేటస్‌ను ముందే చెక్ చేసుకుని, కన్ఫర్మ్ చేసుకున్నాకే ఎయిర్‌పోర్ట్‌కు వెళ్లాలని ఇండియన్ ఎంబసీ తెలిపింది.