గంజాయి సాగు.. తండ్రీకొడుకులు అరెస్ట్

By BK· 2h ago· కుమ్రంభీం ఆసిఫాబాద్

కుమ్రంభీం ఆసిఫాబాద్ జిల్లా జైనూర్ పోలీస్ స్టేషన్ లిమిట్స్‌లో వ్యవసాయ భూమిలో అంతర పంటగా గంజాయి సాగు చేస్తున్న తండ్రీకొడుకులను పోలీసులు అరెస్ట్ చేశారు. వారి పొలం నుంచి ఏకంగా 1,245 గంజాయి మొక్కలతో పాటు 11 గ్రాముల ఎండు గంజాయిని స్వాధీనం చేసుకున్నారు. సీజ్ చేసిన మొక్కల వాల్యూ దాదాపు 1.50 కోట్లు ఉంటుందని SP నితికా పంత్ తెలిపారు. గంజాయి సాగు, ట్రాన్స్‌పోర్ట్ చేస్తే కఠిన చర్యలు ఉంటాయని వార్నింగ్ ఇచ్చారు.

More in Local

Local· 2m ago

గణపతి నిమజ్జనానికి అంతా రెడీ..

పల్నాడు జిల్లా వినుకొండలో గణనాధుల నిమజ్జన ఏర్పాట్లను అధికారులు మంగళవారం పరిశీలించారు. తహసీల్దార్ ప్రజాకార్యదర్శి, MPDO ధనలక్ష్మి, ఇతర అధికారులు మొతుపల్లి బీచ్‌ను సందర్శించారు. నిమజ్జన సమయంలో భక్తుల భద్రత కోసం బీచ్ వద్ద సుమారు 300 అడుగుల పొడవున మట్టి రోడ్డు ఏర్పాటు చేయాలని సూచించారు. విగ్రహాలు నీటిలో కలిస్తే పర్యావరణ సమస్యలు రాకుండా చూడాలని, ప్లాస్టిక్ వాడకూడదని అధికారులు స్పష్టం చేశారు. నిమజ్జన సమయంలో ఎలాంటి అవాంఛనీయ ఘటనలు జరగకుండా చర్యలు తీసుకోవాలని ఆదేశించారు.

Local· 7m ago

అక్కడ 3 రోజులకోసారి తాగునీరు!

ప్రకాశం జిల్లా గిద్దలూరు పట్టణ ప్రాంత ప్రజలకు తాగునీటి ఇబ్బందులు తీరేట్లు కనపడుతున్నాయి. కనీసం మూడు రోజులకు ఒకసారైనా తాగు నీళ్లు అందేలా చూడాలని ఎమ్మెల్యే ముత్తుముల అశోక్ రెడ్డి అధికారులకు సూచనలు ఇచ్చారు. మంగళవారం ఉదయం ఫిల్టర్ పాయింట్, నల్లమల వైపు పర్యటించి ప్రజలు పడుతున్న ఇబ్బందులు పరిశీలించారు. నల్లమల ప్రాంత ప్రజలు 9 రోజుల నుంచి ట్యాంకర్లు రాకపోవడంతో ప్రైవేటుగా డబ్బులు పెట్టి నీటిని కొంటున్నామన్నారు. దీనికి శాశ్వత పరిష్కారం చేస్తున్నామని MLA చెప్పారు.

Local· 13m ago

PVT స్కూల్ నిర్లక్ష్యానికి చిన్నారి బలి

ప్రకాశం జిల్లా సింగరాయకొండలో విషాదం. ప్రైవేటు పాఠశాలలో అనుమానాస్పద స్థితిలో ఓ చిన్నారి మృతి చెందింది. భోజనం తీసుకున్న తర్వాత అస్వస్థతకు గురై ప్రాణాలు కోల్పోయింది. ఘటనతో స్కూల్ సిబ్బంది పరారయ్యారు. మృతదేహాన్ని కనిగిరి రోడ్డు వద్ద ఉంచి కుటుంబ సభ్యులు ఆందోళనకు దిగారు. న్యాయం జరగాలని, బాధ్యులపై కఠిన చర్యలు తీసుకోవాలని డిమాండ్ చేస్తున్నారు. సింగరాయకొండ సీఐ స్పందించారు. DSP సత్యనారాయణ, DSP నరసింహారావు ఘటనాస్థలికి చేరుకున్నారు. బాధిత కుటుంబానికి న్యాయం జరిపిస్తామని పోలీసులు హామీ ఇచ్చారు.

Local· 17m ago

యువకుడ్ని కాపాడిన పోలీసులు

మార్కాపురం జిల్లా యర్రగొండపాలెం మండలంలో సోమవారం సాయంత్రం భారీ వర్షం కురిసింది. పల్లెలచెరువు-తెల్లగట్ల మధ్య ఉన్న సప్పె చెరువు వద్ద నీరు ఉధృతంగా ప్రవహించింది. వాగును దాటేందుకు ప్రయత్నించిన ద్విచక్ర వాహనం నీటి ప్రవాహంలో కొట్టుకుపోయింది. వాహనదారుడు సునీల్ కుమార్ నీటిలో చిక్కుకున్నాడు. సమాచారం అందుకున్న ఎస్ఐ సంబశివరావు సిబ్బందితో ఘటనాస్థలికి చేరుకున్నారు. స్థానిక ఈతగాళ్ల సహాయంతో యువకుడిని సురక్షితంగా బయటకు తీసుకొచ్చారు. పోలీసుల వేగవంతమైన స్పందనతో యువకుడు ప్రాణాలతో బయటపడ్డాడు.