గద్వాలను కరువు జిల్లాగా ప్రకటించాలి: CPM

By ARJUN· 2h ago

TG: జోగులాంబ గద్వాల జిల్లాను కరువు జిల్లాగా ప్రకటించి రైతులకు ప్రత్యామ్నాయ పరిరక్షణ చర్యలు చేపట్టాలని CPM రాష్ట్ర కమిటీ సభ్యులు ఆర్.శ్రీరామ్ నాయక్ డిమాండ్ చేశారు. గద్వాలలో జరిగిన CPM జిల్లా కమిటీ సమావేశంలో ఆయన మాట్లాడారు. ప్రాజెక్టులు, రిజర్వాయర్లు ఉన్నప్పటికీ అధికారుల నిర్లక్ష్యంతో నీటిని సక్రమంగా వినియోగించుకోలేకపోతున్నామని విమర్శించారు. రైతుల భూసమస్యలను పరిష్కరించాలని, ప్రభుత్వ ఆస్పత్రిలో వైద్యుల నిర్లక్ష్యంపై చర్యలు తీసుకోవాలని, ప్రైవేట్ పాఠశాలల అధిక ఫీజులను నియంత్రించాలని కోరారు.

More in Local

Local· 39m ago

గ్రామంలో స్మార్ట్ రేషన్ కార్డులు అందజేత

TG: నిర్మల్ జిల్లా నర్సాపూర్‌ జి మండలం నందన్ గ్రామంలో రాష్ట్ర ప్రభుత్వం అందిస్తున్న స్మార్ట్ రేషన్ కార్డుల పంపిణీ కార్యక్రమం శుక్రవారం ఘనంగా నిర్వహించారు. గ్రామ సర్పంచ్ కూన హేమలత మహేష్ లబ్ధిదారులకు స్మార్ట్ రేషన్ కార్డులను అందజేశారు. కార్యక్రమంలో ఉపసర్పంచ్ సతీష్, వార్డు సభ్యులు గుమ్ముల సాయన్న, పడకంటి సాయన్న, సుజాత, రేషన్ డీలర్ జాదవ్ చంద్రకాంత్, పత్రి నరేందర్, బింగి భోజన్న, సోమ గంగారెడ్డి తదితరులు పాల్గొన్నారు. లబ్ధిదారులు ప్రభుత్వ కార్యక్రమంపై హర్షం వ్యక్తం చేశారు.

Local· 41m ago

విద్యారంగ పరిరక్షణకు జంగయ్య కృషి అభినందనీయం

TG: నాగర్‌కర్నూల్ జిల్లా కేంద్రంలో యూటీఎఫ్ మాజీ రాష్ట్ర అధ్యక్షుడు, ఉద్యోగ, ఉపాధ్యాయ ఉద్యమ నాయకుడు కే.జంగయ్య ఉద్యోగ విరమణ సందర్భంగా ఘనంగా సన్మాన సభ నిర్వహించారు. ఆయన సుదీర్ఘ సేవలను సీపీఎం నాయకులు, ప్రజా సంఘాల ప్రతినిధులు కొనియాడారు. సీపీఎం రాష్ట్ర కార్యదర్శివర్గ సభ్యులు కామ్రేడ్ సాగర్ మాట్లాడుతూ.. ఉపాధ్యాయుల సమస్యల పరిష్కారం, విద్యారంగ పరిరక్షణ, ఉద్యోగుల హక్కుల సాధనకు జంగయ్య చేసిన కృషి ప్రశంసనీయమన్నారు. ఉద్యమాల ద్వారా సమస్యలను ప్రభుత్వం దృష్టికి తీసుకెళ్లడంలో కీలక పాత్ర పోషించారన్నారు.

Local· 46m ago

స్పీడ్ బ్రేకర్‌ను గమనించక.. ఘోర ప్రమాదం

TG: మెదక్ జిల్లా నిజాంపేట మండలం నందిగామ గ్రామ శివారులో సిద్దిపేట-మెదక్ ప్రధాన రహదారిపై జరిగిన రోడ్డు ప్రమాదంలో ఇద్దరు మృతి చెందారు. నిర్మాణంలో ఉన్న వంతెన సమీపంలో ఈ ప్రమాదం చోటుచేసుకుంది. మహారాష్ట్రలోని నాందేడ్ జిల్లాకు చెందిన గణేష్ (21), నిర్మల్‌కు చెందిన పవర్ అనిల్ (37) ద్విచక్ర వాహనంపై ప్రయాణిస్తుండగా స్పీడ్ బ్రేకర్‌ను గమనించకపోవడంతో వాహనం అదుపుతప్పి వంతెనపై నుంచి కిందపడింది. తీవ్ర గాయాలతో ఇద్దరూ ఘటనాస్థలంలోనే మృతి చెందారు. పోలీసులు కేసు నమోదు చేసి దర్యాప్తు చేస్తున్నారు.

Local· 1h ago

నీటిమట్టం పెరుగుదలపై అప్రమత్తంగా ఉండాలి

AP: ప్రకాశం జిల్లా వెలిగొండ ప్రాజెక్టు ముంపు ప్రాంతమైన గొట్టిపడియ గ్రామాన్ని జిల్లా కలెక్టర్ విజయ సునీత పరిశీలించారు. గ్రామంలో ముంపు పరిస్థితులు, పెరుగుతున్న నీటిమట్టంపై అధికారులను అడిగి వివరాలు తెలుసుకున్నారు. పరిస్థితులను ఎప్పటికప్పుడు పర్యవేక్షించాలని అధికారులను ఆదేశించారు. నీటిమట్టం పెరుగుదలపై అప్రమత్తంగా ఉండి, ప్రజలకు ఎలాంటి ఇబ్బందులు కలగకుండా ముందస్తు చర్యలు చేపట్టాలని సూచించారు. ముంపు పరిస్థితుల్లో ప్రజల భద్రతకు అత్యంత ప్రాధాన్యం ఇవ్వాలని కలెక్టర్ స్పష్టం చేశారు.