రోడ్డుపై రిస్కీ స్టంట్.. కారుపై యువతి

By Prashanth· 2h ago

TG: రంగారెడ్డి జిల్లా తుర్కయంజాల్‌లో కదులుతున్న మహీంద్రా కారుపై కూర్చొని ఓ యువతి బీర్ తాగుతూ హల్‌చల్ చేసింది. రద్దీగా ఉన్న మెయిన్ రోడ్డుపై జరిగిన ఈ ఘటనను మరో వాహనదారుడి డాష్‌క్యామ్‌లో రికార్డు చేయగా, వీడియో సోషల్ మీడియాలో వైరల్‌గా మారింది. ఈ ఘటనపై వాహనదారులు, స్థానికులు తీవ్ర ఆగ్రహం వ్యక్తం చేస్తున్నారు. కదులుతున్న కారుపై మద్యం సేవిస్తూ యువతి చేసిన పని రోడ్డు భద్రతకు ముప్పుగా మారిందని విమర్శిస్తున్నారు.

More in Viral

▶

Viral· 1m ago

"మోదీని Gen Z మళ్లీ ఆదరిస్తుందా?"

ప్రధాని మోదీపై Gen Z ట్రోలింగ్ చేస్తున్నారని అన్నారు ప్రముఖ రైటర్ అరుంధతి రాయ్. జర్నలిస్ట్ సుప్రియా శర్మతో చిట్‌చాట్‌లో ఆమె కీలక కామెంట్స్ చేశారు. మోదీ పాత ప్రసంగాల్ని బయటకు తీసి యూత్, సెటైర్స్ వేస్తున్నారన్న ఆమె.. గత తరాలు ఆయన్ను ఎందుకు నమ్మాయి? అని ప్రశ్నించుకుంటున్నారని అన్నారు. యువతతో కనెక్ట్ అయ్యేందుకు మోదీ Instagram Reels చేస్తున్నా,.. వాటి పైనా కొందరు సెటైర్స్ పేల్చుతున్నారని రాయ్ అభిప్రాయపడ్డారు.

‘మళ్లీ వస్తారా టీచర్’.. విద్యార్థుల ఆవేదన వైరల్

▶

Viral· 2h ago

‘మళ్లీ వస్తారా టీచర్’.. విద్యార్థుల ఆవేదన వైరల్

హిమాచల్ ప్రదేశ్‌లోని చంబా జిల్లా మంజు గ్రామ ప్రభుత్వ పాఠశాలలో పనిచేస్తున్న ఉపాధ్యాయుడు నరేంద్ర ఖన్నా బదిలీ అయ్యారు. దీంతో ఆయనను వీడలేక విద్యార్థులు కన్నీళ్లు పెట్టుకున్నారు. పిల్లలతో ఆత్మీయ అనుబంధం పెంచుకున్న ఆయన కూడా భావోద్వేగానికి గురయ్యారు, 'నేను మళ్ళీ వస్తాను బిడ్డా' అంటూ విద్యార్దులను హత్తుకున్నారు. గ్రామస్థులు, విద్యార్థులు చూపిన ప్రేమను జీవితాంతం మర్చిపోలేనని అన్నారు. టీచర్ అంటే ఇలా ఉండాలి అని నెటిజెన్స్ కామెంట్స్ చేస్తున్నారు.

▶

Viral· 7h ago

పండ్లు, కూరగాయలతో దుర్గమ్మ కళాకృతి

ఒడిశాలోని పూరి సముద్ర తీరంలో ప్రముఖ ఇసుక కళాకారుడు, పద్మశ్రీ అవార్డు గ్రహీత సుదర్శన్ పట్నాయక్ పండ్లు, కూరగాయలతో దుర్గమ్మ కళాకృతిని రూపొందించారు. సుమారు 8 టన్నుల ఇసుకతో 10 అడుగుల ఎత్తులో ఈ కళాకృతిని ఐదు గంటల్లో తయారు చేశారు. 22 రకాల కూరగాయలు, 10 రకాల పండ్లను ఉపయోగించి దుర్గాపూజ శుభాకాంక్షలు తెలిపారు. ఆయన ఇసుక కళా సంస్థకు చెందిన విద్యార్థులు కూడా ఈ కళాకృతి తయారీలో పాల్గొన్నారు. ఈ ప్రత్యేక రూపం పర్యాటకులను ఆకట్టుకుంది.

▶

Viral· 1d ago

CCTVలో షాకింగ్ సీన్

హర్యానాలోని పానిపట్‌లో ఓ 8 ఏళ్ల బాలుడు నడుస్తూ ప్రమాదవశాత్తూ మూతలేని డ్రైన్‌లో పడిపోయాడు. అక్కడే ఉన్న ఓ వ్యక్తి వెంటనే స్పందించి బాలుడిని బయటకు తీశాడు. ఈ ఘటన CCTVలో రికార్డైంది. అయితే, అదే రోడ్డుపై నెల రోజుల క్రితం ఓ మహిళ కూడా డ్రైన్‌లో పడిపోయినట్లు సమాచారం, అయినా డ్రైన్‌కు మూతలు లేకపోవడం, రోడ్డుపై బురద ఉండటంపై స్థానికుల భద్రతపై ఆందోళనలు వ్యక్తమవుతున్నాయి. మరో ప్రమాదం జరిగితేనే మేల్కొంటారా? అంటూ స్థానికులు ఆగ్రహం వ్యక్తం చేస్తున్నారు.