‘రాళ్లు కరిగే వేళ’ – కథల పుస్తకం

By Vishi· 26 Aug 2026

కన్నడ రచయిత, జర్నలిస్టు పి.లంకేశ్ రాసిన ‘కల్లు కరగువ సమయ’ పుస్తకాన్ని రంగనాథ రామచంద్రరావు ‘రాళ్లు కరిగే వేళ’ పేరుతో తెలుగులోకి అనువదించారు. దీన్ని కేంద్ర సాహిత్య అకాడమీ ప్రచురించింది. కర్ణాటకలోని సామాజిక, రాజకీయ పరిస్థితులను ఈ కథలు చూపిస్తాయి. ఈ కథల్లోని స్త్రీ క్యారెక్టర్స్‌ని ఆయన చాలా బలంగా తీర్చిదిద్దారు. సమాజంలో ఉండే మోసాన్ని, మనసులో నలిగే నైతిక పోరాటాలను తట్టుకుంటూ ఆ పాత్రలు ధైర్యంగా నిర్ణయాలు తీసుకోవడం ఇందులో చూడవచ్చు. పుస్తకం ధర రూ.100. కొనే <a href="https://www.logili.com/books/rallu-karige-vela-p-lankesh/p-7488847-66401946654-cat.html#variant_id=7488847-66401946654">లింక్</a>.

More in Arts/Literature

Arts/Literature· 9h ago

సెప్టెంబర్ 12న రెండు తరాల కవిసంగమం

TG: కవిసంగమం ఆధ్వర్యంలో రెండుతరాల కవులను ఒకే వేదికపై తీసుకువచ్చే ప్రత్యేక కవిసమ్మేళనం ‘రెండుతరాల కవిసంగమం – సిరీస్-47’ సెప్టెంబర్ 12, 2026న జరుగుతోంది. ఈ కార్యక్రమం హైదరాబాద్‌లోని కోఠి, సుల్తాన్‌బజార్(రాంకోటి)లో ఉన్న శ్రీకృష్ణదేవరాయ తెలుగు భాషానిలయంలో సాయంత్రం 6 గంటలకు స్టార్ట్ అవుతుంది. రెండు తరాలకు చెందిన కవులు కాంచనపల్లి గోవర్ధన్‌రాజు, ఫణిమాధవి కన్నోజు, గంగిరెడ్డి విశ్వనాథరెడ్డి, దండు వెంకట్రాములు, స్వప్న కొండమడుగు తమ కవిత్వాన్ని వినిపిస్తారు.

Arts/Literature· 1d ago

బొంబాయి పొట్టేలు – కథల పుస్తకం

కథకుడు, చిత్రకారుడు చరణ్ పరిమి రాసిన రెండో కథల పుస్తకం ‘బొంబాయి పొట్టేలు’. రేగి అచ్చులు ప్రచురణ సంస్థ దీన్ని ప్రచురించింది. అబ్‌స్ట్రాక్ట్, సర్రియల్ టచ్‌తో సాగే ఈ కథలు సమాజంలోని అనేక కోణాలను కొత్తగా చూపిస్తాయి. అసమానతలు, వివక్ష, మనుగడ పోరాటాలను ఎదుర్కొనే పాత్రలు ఈ కథల్లో కనిపిస్తాయి. ఈ పుస్తకానికి రచయిత డా.వేంపల్లె షరీఫ్ ముందుమాట రాశారు. రచయిత చరిత్రను, ఆధిపత్య సంస్కృతి రాజకీయాలను అర్థం చేసుకుని రచయిత ఈ కథలు రాశారని ఆయన వివరించారు. దీని ధర రూ.170. పుస్తకం కొనే <a href="https://amzn.in/d/0dDm8w3U">లింక్</a>.

Arts/Literature· 4d ago

స్త్రీల గర్భం, స్వేచ్ఛపై సామాజిక వ్యాఖ్యానం

ఫెమినిస్ట్ స్టడీ సర్కిల్ ప్రపంచ స్త్రీవాద సాహిత్యాన్ని తెలుగులోకి అనువదించింది. ఇటాలియన్ రచయిత్రి ఒరియనా ఫాలసి రాసిన ‘Letter to a Child Never Born’ పుస్తకాన్ని ఓల్గా తెలుగులో అనువాదం చేశారు. తల్లి తన కడుపులో బిడ్డ ఉన్నట్టు గుర్తించినప్పటి నుంచి, అండం గర్భంలో పెరిగి రూపం మారే ప్రక్రియను ఇందులో వివరంగా చెప్పారు. ఇది కేవలం శరీరం గురించి రాసిన రచనే కాదు, సామాజిక వ్యాఖ్యానం కూడా. పితృస్వామ్యం మన ఆచారాలు, భాష, సంస్కృతులను ఎలా తయారు చేసిందో ఈ పుస్తకం చెబుతుంది. పుస్తకం ధర రూ.100. కొనే <a href="https://www.telugubooks.in/products/puttani-biddaku-thalli-uttharam?srsltid=AfmBOorDrAEUy8FkbTr9Tubb4BId_N3ZPRpD-RxM8kBlKq7YQfh7Ni_b">లింక్</a>.

Arts/Literature· 6d ago

‘కొండమల్లు’ - నవల

తెలుగులో చారిత్రక నవలలు చాలా వరకూ పాఠకుల ఆదరణ పొందాయి. చక్కటి కథనంతో అందర్నీ ఆకట్టుకుంటున్నాయి. వర్ధెల్లి వెంకటేశ్వర్లు రాసిన ‘కొండమల్లు’ నవల అలాంటిదే. పల్నాటి రాజ్యం ఏర్పడినప్పటి నుంచి, పల్నాటి యుద్ధానికి ముందు బ్రహ్మనాయుడు వనవాసానికి వెళ్లే వరకు ఈ కథ సాగుతుంది. పల్నాటి చరిత్రను ఆధారంగా చేసుకున్న నవల అయినా, ఇందులో చెంచుల జీవన విధానాన్ని రచయిత అద్భుతంగా చూపించారు. చెంచుల భాషలోనే ఆ సంభాషణలు ఉండటం మరో ప్రత్యేకత. చారిత్రక నవలలు ఇష్టపడేవాళ్లు తప్పకుండా చదవాల్సిన పుస్తకం ఇది. ధర ₹300. కొనే <a href="https://amzn.in/d/0f7KO8Jc">లింక్</a>.